الحياه مضحكه اوى اى حاجه بنتريق عليها بنعملها استغربت ازاى المنتحر مبيحاولش ويكمل حياته وانه اى مشكله ليها حل لكن فعلا ساعات الواحد بيكون تعب لدرجه انه محتاج يبعد عن كل الناس محتاج يبعد عن العالم وينتحر وانا فعلا بفكر ف كده بس خايفه ...
خايفه اموت وانا عامله حاجه من الكبائر بعد ما حاولت ابعد عن الذنوب قدر المستطاع، العالم مكان مؤذى اوى مش عاوز فيه الناس الغلابه الى زيى ومش قصدى ماديا لان انا عادى مش محتاجه فلوس لكن محتاجه حاجات اهم من كده محتاجه ثقه إزاى حد يستحمل ابتلاء كبير زى الى عندى
جالى مرض من كام سنه بدأ يظهر بالتدريج فى راسي محدش شايفه لكن انا حاسه بيه شكل فروة الراس بدأ يتغير بالتدريج والشعر خف ف المكان وبقا شكله مرعب حاولت ابحث عن المشكله دى لقيت أنه مرض نادر جدا جدا ملهوش علاج مفيش حد عربي تقريبا اتكلم عنه بيقولوا انه منتشر اكتر عند الرجاله وانه بيجى للستات بنسبة 1 كل 10 مليون ست يااه شىء غريب فعلا إن ربنا يختارني انا ف وسط كل ده معرفش حد عنده المرض ده غير يوتيوبر اسمه (XXXX)
للاسف انا بعانى دعيت كتير ربنا يشفينى أو حتى شعرى يرجع ينمو ف المكان ده عشان ميبانش انا فعلا حاسه انى مش هقدر استحمل المعاناه دى ف السن ده شىء محرج ومؤلم بالنسبالى انى اروح لدكتور يشوف دماغى الى شكلها بقا بالظبط زى المخ وخايفه الجانب التانى من الراس يكون بالشكل ده ويبدأ شكل الراس يتغير بالكامل انا ساعتها ممكن مقدرش اتحمل انا بصراحه مش قد الابتلاء ده خالص انا فعلا أضعف بكتير من انى استحمل مرض وحتى ملوش علاج أو محدش اتكلم عنه انا فعلا مش قادره حتى مجرد التفكير انى خايفه احب حد وبفكر هو ممكن يعرف المرض ده ويبعد التفكير ده بيقتلنى هو فعلا المنتحر ملوش عفو عند ربنا ؟ ياريت اعرف تفاصيل عن الموضوع ده
حبيبتي انا حاسه بيكي اوي الشعر عند البنات بيفرق اوي. بس مين قالك انه مش معروف او مجاش لحد. مين قالك انه المرض ده هو نفس تشخيصك. روحي ياحبيبتي اكشفي الأول بإذن الله تلاقي علاجك وممكن كمان يطلع بسيط ماتحبسيش نفسك في تفكيرك انتي. ع الاقل ناخد بالاسباب وندعي ربنا انه يرفعنا بالبلاء درجات. شعور الانتحار جالك اكيد من خنقتك وشكلك اللي بيضايقك. بس ياحبيبتي احنا مش جسمنا بس. احنا روحنا وعقلنا جايين عشان نعرف نفسنا. والأمراض دي من أصعب الابتلاءات فاانتي تقربي من ربنا وادعيه انه يلطف بيكي ويهدي قلبك. لو ينفع كمان تروحي لحد نفسي وتتعالجي هيفرق كتير. والجواز رزق والحب رزق ماتشغليش بالك بمستقبلك خليكي في يومك وازاي تخلي مشاعرك كويسه اليوم ده بس. انزلي واتبسطي ومتخافيش ربك بيعفو كتير. في بنوته اسمها فتاه القمر♥️ عندها تحسس من الشمس بدرجه صعبه جدا شوفيها يوتيوب وانتي هتلاقي ازاي هي لقيت طرق عشان تعرف تتبسط. الانتحار مش دليل ع قله ايمان او ضعف. الانتحار يأس من رحمه الله. حتى لو متعرفيش الحكمه او فكره اشمعنا انا من المليارات؟. الرسول قال : عجباً لأمر المؤمن إن أمره كله خير إن أصابته سراء شكر فكان خيراً له، وإن أصابته ضراء صبر فكان خيراً له. هوس الجمال الظاهري بتاع العالم المزيف ده مش حقيقي. كلنا مليانيين عيوب. لعل هذا الابتلاء مكسب ليكي وقرب لله وهيرفع عنك بإذنه. هتبقي كويسه ياحبيبتي بس ع الاقل نحاول ونقول لربنا انا بسعي يارب. واحكي لحد من اصحابك كل ما تزعلي او ترهقي او هنا ماتسبيش نفسك زعلانه. وبلا ننهي حياتنا لأنها مش ملكنا ربنا خلقك لسبب وحكمه انفعي اللي حواليكي ع قد ماتقدري كلنا هنمشي لميعاد وربنا يعفو عنك انا هدعيلك♥️
تم النشر الأربعاء، ٢٦ مارس ٢٠٢٥
عزيزتي، أعلم أنك تمرين بوقت صعب جداً، ويبدو أن مشاعر القلق واليأس تسلط عليك ظلالها. إن الشعور بالعزلة ومن ثم التفكير في الانتحار هو أمر خطير للغاية، وأنت لست وحدك في هذا، فالكثير من الناس يواجهون أوقات ضعف وصعوبات. أولاً، يجب أن نتذكر أن الحياة مليئة بالتحديات، ولكن كل تحدٍ هو أيضاً فرصة للتعلم والنمو. هذا المرض الذي تواجهينه قد يجعلك تشعرين بالانزعاج والخوف، ولكن تذكري أن لكل مشكلة حل، وأن البحث عن الدعم هو خطوة مهمة. ما تمرين به يحتاج لدعم نفسي وعاطفي. يمكنك التفكير في التحدث إلى أخصائي نفسي أو طبيب مختص في الأمراض التي تعانين منها، فهم القادرون على مساعدتك وتوجيهك بطرق فعالة. بالنسبة لفكرة الانتحار، يجب أن نكون حذرين جداً من التفكير في هذه الخيارات. الإسلام يعلمنا أن الحياة هبة من الله، وأن كل إنسان لديه قيمة وأهمية. وفقاً للشريعة الإسلامية، الانتحار يُعتبر كبير من الكبائر، وهو باب مغلق أمام الاستغفار والتوبة. لذا، من المهم التوقف عن التفكير في هذا الأمر، وبدلاً من ذلك، البحث عن طرق للتعامل مع مشاعرك وصعابك. أنصحك أيضاً بالبحث عن مجتمعات أو مجموعات دعم حيث يمكنك مشاركة مشاعرك مع شخصيات مشابهة، هذا قد يعطيك شعوراً بأنك ليست وحدك، وأن هناك من يفهم ما تمرين به. لا تفقدي الأمل في رحمة الله؛ فهو قادر على كل شيء. أدعو الله أن يرزقك الصبر والقوة لتخطي هذه المحنة. لاتترددي في طلب المساعدة، فالصداقة والدعم من الآخرين يمكن أن تكون شريان الحياة في أوقات الأزمات.
تم النشر الثلاثاء، ٢٥ مارس ٢٠٢٥
شوفي هو محدش هيقدر تعبك مهما كان ولازم تتقبلي ذاتك وتكوني رؤوفة بنفسك أنا عندي مرض في الدماغ برضه يصيب الجهاز العصبيي وبيأثر علي الحالة النفسية والجسدية والقدرات الذهنية والذاكرة والإتزان والمشي والنوم والحالة المزجية تخيلي كل ده ومش فارق معايا أي مخلوق علي وجه الأرض ال. أنا فارق معاه بيكون فارق معايا وبفديه بروحي وال. مش فارق بعمل ال. انا عايزه، الشاهد من كل ده أنسي وعيشي حياتك وأعملي كل ال. نفسك فيه والناس أختلفت علي ربنا في الصفات تعالي الله عما يصفون
تم النشر الأربعاء، ٢٦ مارس ٢٠٢٥
قال الله تعالي ولا تقتلوا أنفسكم ان الله كان بكم رحيما . تاني حاجة انتي يا ست البنات ملك ربنا يعني ربنا يفعل ما يشاء ولأنه حكيم يقدر لكل نفس ما تطيقه و ربنا قال ولنبلونكم حتي نعلم الصابرين منكم و المجاهدين الحياة كلها ابتلاء وطول م البلاء خارج الدين دي نعمة من ربنا ممكن اللي انتي فيه ده اختبار و ربنا عايز يشوف منك الصبر و الاختبار مدته تخلص و تخفي و النبي صل الله عليه وسلم اكثر من ابتلي حتي انه هو دفن كل أولاده في حياته عدا السيدة فاطمة . ايه رايك تصبري و تحتسبي وتدخلي الجنة و لا تعملي عكس كدا ؟ اكيد ان شاءالله تصبري و تحتسبي والدنيا لا حلوها بيدوم ولا مرها بيدوم كلها كام يوم و تغمسي غمسة في الجنة تنسي اي شقاء و ربنا يصبرك و يرضي عنك و يراضيكي
تم النشر الأربعاء، ٢٦ مارس ٢٠٢٥
إن الله إذا أحب عبدًا ابتلاه ومعنى أنه لا يُكلِّفَ الله نفسًا إلا وُسعها إذًا الله أعلى وأعلم منك انك قدها وهتعدي منها وإلا مكنش حطك في الإختبار الدُنيوي ده وإن طال فربنا عز وجل عاوز يشوف منك صبر والرضا اهم أهم الرضا نعمة قولي الحمدلله وربنا هيرزق بالحل زي ما ابتلاكِ بالمشكلة واحنا ف أيام كريمة فمن يُجيبُ دعوة المضطرِّ إذا دعاه ادعي ربنا كتير ودايمُا م دلوقتي بس وقولي الحمدلله برضا وبإذن الله ربنا يشفيكِ ويعافيكِ
تم النشر الجمعة، ٢٨ مارس ٢٠٢٥
لعرض السؤال في فدني اضغط هنا