انا اعاني من اضطراب ما بعد الصدمه ورحت لدكتور نفسي وكتبلي ادويه وبقيت كويسه جدا وبعد ما وقفته بحوالي شهرين كده رجعت تاني الافكار مع اني انسانه قويه مش ضعيفه وبحاول اتجاهل الصوت اللي في دماغي اللي هي الافكار دي ولما بعمل كده الصوت بيقل مش بيروح فأنا سوالي ليه لما بتجاهل الفكره والصوت اللي في دماغي الفكره مش بتروح خالص ليه بتبقى موجوده علي خفيف كده وفاكره كل حاجه علي خفيف ليه مبينتهيش نهائي
حاولي تعملي كل الي بيبسطك حتى لو كان حاجة بسيطة بس هتأثر جدا في نفسيتك و يمكن تخرجك من الحالة الي انتي فيها او اعملي هواية انتي بتحبيها و بطلتيها بسبب الاضطراب النفسي ده صدقيني اي حاجة هتغير في نفسيتك سواء حلوة او وحشة
تم النشر الاثنين، ٢٨ أكتوبر ٢٠٢٤
عزيزتي، أقدر مشاعرك وأفهم مدى التحديات التي تواجهينها. إن اضطراب ما بعد الصدمة هو حالة معقدة وقد يعاني المصاب بها من مجموعة من الأعراض التي يمكن أن تظهر حتى بعد التحسن الملحوظ. السبب وراء عدم اختفاء الأفكار والمشاعر المرتبطة بالصدمة حتى بعد محاولتك تجاهلها هو أن هذه الأفكار قد تكون عميقة الجذور في الذاكرة والعواطف. في بعض الأحيان، التجاهل قد يؤدي إلى زيادة التوتر في العقل، مما يجعل الأفكار أكثر وضوحًا. من المهم أن نتذكر أن التعافي من اضطراب ما بعد الصدمة هو عملية تحتاج إلى وقت وصبر. من المفيد ممارسة تقنيات أخرى، مثل التحدث مع شخص تثقين به أو معالج نفسي، لتجربة استراتيجيات متعددة للتعامل مع هذه الأفكار. كذلك، لا تترددي في استشارة طبيبك النفسي حول الأعراض التي تعانين منها بعد توقفك عن الأدوية، فقد يحتاج الأمر إلى تعديلات في العلاج أو إلى إعادة تقييم حالتك. تذكري أنك لست وحدك في هذا الموقف، وهناك مساعدة متاحة.
تم النشر الأحد، ٢٧ أكتوبر ٢٠٢٤
معاكي أ. ساره ، من المهم انك متكونيش وقفتي العلاج من نفسك لأن العلاج لازم يكون بمتابعه مع الدكتور و هو اللي يحدد توقفيه أمتي ، تاني حاجه الأفكار محتاجه تتعدل من الاول ودي بتكون بالعلاج المعرفي السلوكي مع العلاج الدوائي
تم النشر الأحد، ٢٧ أكتوبر ٢٠٢٤
المفروض ماتوقفيش علاج
تم النشر الثلاثاء، ٢٩ أكتوبر ٢٠٢٤
اسم الدكتور
تم النشر الأحد، ٢٧ أكتوبر ٢٠٢٤
طبيعي لان حصل انتكاسه ، العلاج الدوائي بيعدل المسارات العصبيه بالدماغ ودا طبعا محتاج وقت اول شهور بتحسي بتحسن بس بيكون تحسن أولي بتحتاجي لشهور تاني علي حسب حالتك ودا بيحدده الدكتور اللي بتكوني متابعه معاه
تم النشر الأحد، ٢٧ أكتوبر ٢٠٢٤
بصراحه انا وقفته مره واحده مش تدريجي بس قعدت شهرين كويسه مفيش حاجه بعد الشهرين دول رجعت تاني
تم النشر الأحد، ٢٧ أكتوبر ٢٠٢٤
شوفي حضرتك افضل حاجة تعمليها اكتبي الموقف الي سببب ليكي الصدمة بكل تفاصيله في ورقة وكل الافكار اكتبيها كمان وطلعي كل طاقتك في الورقة وكل مشاعرك وبعدين قطعي الورقة واحرقيها .....الافكار دي كلها والتفكير المفرط بسبب عدم ترتيب افكارك رتبيها في ورقة واخلصي منها
تم النشر الأحد، ٢٧ أكتوبر ٢٠٢٤
لعرض السؤال في فدني اضغط هنا