تم حذف هذا السؤال
السلام عليكم ورحمه الله بص هو في ناس ردت عليك في التعليقات كتير يعني الردود كلها ممتازه وكويسه يعني بس انت ينقصك الرضا يعني محدش في الدنيا مش مبتلى، كلنا عندنا مشاكل انت ينقصك الرضا طب تجيبه منين؟ من الدين الدين هو اللي هيديك رضا أم الدنيا مش هتديك رضا، الدين والتدين والقرب من ربنا بس هو اللي هيديك رضا في الحياه مهما كانت فيها فاهمني مهما كان ناقصك فيها شوف فين اهل الدين وقرب بينهم واسمعهم واسمع منهم وهترتاح نفسيا وهتعيش حياه بابتلاءاتها راضي ايا كان فيها يعني غير كده لا لو اعتمدت على اهل الدنيا او الدنيا هي ترضيك ده مش هيحصل.
تم النشر الاثنين، ٢٤ مارس ٢٠٢٥
بتتعالج فين ومع مين؟ هل التشخيص اكتئاب فقط؟ ولا في مشاكل تانية؟ كم عمرك والمشكلة بدأت امتى؟ العلاج دوائي؟ ولا ايه؟
تم النشر الاثنين، ٢٤ مارس ٢٠٢٥
اولا شيل خالص فكرت الانتحار من دماغك تمام شلتها هعمل ايه بقي هبدأ أقرب من ربنا اكتر اصلي قيام ليل ونفل اقراء ازاكر لساني على طول بيذكر ربنا ويستغفر ادعي كتير وقيام ليل ده اهم حاجه ركعتين بس في آخر الليل هتلاقي حياتك كلها اتغيرت تمام عملت كده اللي بعده بقي أسعى اني ابقى كويس ومبسوط اجرب حجات جديده اخرج في أماكن جديده اتمشى وروح أماكن وأخرج واشم هوا نظيف واغامر واعيش حياتي اغير ديكور الاوضه كله واعمل حاجه مختلفه فيها اوك عملت كده ايه تاني شوف اهي اكتر حاجه وانت بتعملها كنت مبسوط واعملها الحجات اللي كنت بتحبها مواهبك يعني مثلا لو بتحب القراء أو كنت بتقراء اشتري كتب واعمل مكتبه في اوضتك واقراء أو كنت بتعمل حاجه معينه اعملها وهكذا تمتم ايه تاني بقي بطل تحبس نفسك بين أربع حيطان وتقول انا فاشل انا كذا وكذا ومعرفش ايه والكلام ده اخرج من اللي انت فيه ده شوف مين صاحبك اللي بتحبه أو الشخص اللي بتحبه وكلمه وأخرج معاه روحوا مطعم مثلا واطلب اكتر حاجه بتحبها وعود نفسك كل يوم تعمل حاجه مختلفه وحلوه وتتبسط بيها انشر السعاده وخلي كل اللي حوليك مبسوطين تمام عملت كده اعمل ايه بقي علشان اتبت اني مش فاشل وأثبت نفسي احنا مش بين يوم وليله هنصحي نلاقي نفسنا وصلنا القمر بمعنى انك علشان ووصل ده محتاج انك تسعى اوي اوي ومتزهقش وكفايه انك تحاول ربنا مش هيسالك على النتيجه هيسالك على سعيك لو كنت مخلص دراسه وبتشتغل اثبت نفسك في شغلك واعمل اللي عليك لو شغلك مش احسن حاجه دور على شغل تاني واتعلم حاجات كتير انا عايشين علشان نتعلم اصلا واستفاد من غيرك وتجارب غيرك واتعلم حاجات جديده بجانب شغلك واشتغل على نفسك أوي هتتعب اه وهتحانل كتير وهتفشل وهتقع وهتحاول تاني بس هتوصل اتعرف على ناس كويسه يحبوك ابعد واتجنب ما يوذيك اخير وليس اخرا اهلك حاول تقرب منهم هما اكيد بيحبك بس في ناس مبتعرفش تعبر عن مشاعرها خليك انت الشخص الكويس اللي اي حد يتمانه في حياته تمام كده دي الحاجات اللي يعني اقدر افيدك بيها نجي بقي لحوار انك عندك مشاكل صحيه اولا ربنا يشفيك ويعافيك يارب تانيا احمد ربنا كتير اوي لعل ده سبب في دخولك الجنه وربنا دايما بيدي كل واحد على قد تحمله مش هتكلم في حوار الصحه اوي علشان انا نفسي عندي نفس المشكله فربنا يارب يشفي كل مريض نيجي بقي بنقطه الاهل هحاول تقرب انت ورينا يارب يقربكوا لبعض وابدا انت يمكن ربنا يصلح الحال مش هتكلم في النقطه دي برضو كتير نيجي بقي بنقطه ان مفيش واحده هترضي بيا والكلام ده شيله اصلا من دماغك لان ان هتبقى كويس وزي الفل وفي الف واحده تتمناك واكيد ربنا يرزقك ببنت الحلال اللي تسعدك نيجي بقي لانك نفسك تبقى اب والحوار ده اولا هو هيبقي اسعد طفل علشان باباه بيفكر فيه من قبل ميشوفه حتى وانت هتبقى اب تحفه انك تعترف بمشكلتك وتكون عايز تحلها علشان ابنك بس فدى حاجه تحفه اوي انت بتقول معرفش الاب بيعمل ايه وكده هقولك ان دي حاجه تلقائيه بمعنى انك مش هتعرف الحاجه دي غير لما اعشخا هتلاقي الموقف نفسه هو اللي بيفرض نفسه بس اهم حاجه انك تديه الحب اللي في الدنيا كلها وتكون احن حد عليه وتصاحبه واي حاجه انت كان نفسك باباك يعملها معاك أو انت تعملها في حياتك اعملها معاه واديه وقتك كله بالنسبه العصبيه لما انت عصبي اوي حاول تهدي الحوار ده وتاخذه بهدؤ وصدقني انت اصلا عمرك هتتعصب عليه أو على حد بتحبيه اوي وانت برضو هحاول تخفف وتشوف حل للحوار ده وممكن برضو العصبيه دي نتيجه حاجه معينه كده يعتبر جبت كل حاجه تقريبا اخر حاجه بقي حاول تجيب دفتر ومذاكرات وتكتب فيه كل يوم من يومك واي شعورك واي أهدافك وهكذا كل يوم آخر حاجه انت شخص تستاهل انك تبقى احسن مبسوط وسعيد في حياتك فاسعي لحاجه دي متجيش على نفسك واحضنها وطبطب عليها انت مش فاشل ولا حاجه انت مشكلتك مش واثق في نفسك ولا عارف قيمتها مش عارف تبدأ من فين ولا ازاي ودي حاجه انت اللي لازم تحلها حياتك دي مره واحده عيشاها كويس ومضيعش ايامك وكل حاجه انت جربتها افتخر فيها حتى لو فشلت علشان انت سعيت وعمان المطلوب منك واعرف ان الحياه مش كلها سعادي وهنا وجمال لا هيبقي في مشاكل وحاجات كتير بس هتعدي بوجود ناس بحبهم وبيحبونا هتعدي واحنا واثقين في ربنا وحكمه وان ربنا بيديك ده لحكه معينه اي هي الله اعلم بقي انت قدها متيسيش وخليك جامد واثق وربنا معاك ويوفقك في حياتك وبس كده طولت اوفر بجد بس يارب اكون عرفت افيدك لو بحاجه صغيره مستنيه تفتكر الايام دي في حياتك وتضحك عليها وتقول ان انا قولتلك انك هتبقى اب وزوج عظيم وفعلا بقيت كده فعلا متخفيش واطمن ومتصدقش مقوله فاقد الشئ لا يعطيه علشان بجد فاقد الشئ يعطيه بشده
تم النشر الاثنين، ٢٤ مارس ٢٠٢٥
روح ل دكتور نفسي شاطر، العلاج مش دواء بس؛ الدواء ليه أضرار جانبية صعبة جدا، الدواء المفروض يكون لفترة معينة مع الجلسات لغاية اما تستوعب وتفهم الدنيا و الدواء بيبقى ب بروتوكول معين ومدروس لإنه بيشتغل على الدماغ وعشان تأثيره الصعب جدا لازم لفترة صغيرة ويبدا يتسحب من جسمك ب بروتوكول برده معين يعني ماينفعش تتهاون ابدا مع الأدوية دي ولا تاخدها من نفسك وتضيع يومين.. اسبوع وترجع تاخدها بنفس الجرعة تاني... بتأثر بطريقة عكسية وبيخليك عايش في دوامة شبه اللي انت عايش فيها كدا وفيه بعض الدكاترة اصلا بيتاجروا بالموضوع دا عشان يفضل المريض يزورهم علطول. وأعتقد ان فيه صدمة في حياتك سببت لك الحالة دى ولما حاولت تتعافى ماحاولتش صح. انا مش عارفة ايه هي الصدمة او المشكلة اللي واجهتها ومش عارفة اساعدك ازاي بس عالج أصل المشكلة، عالج السبب مش النتيجة؛ لو فضلت تعافر مع النتيجة وسيبت المشكلة ف انت بتعافر على الفاضي. قوي علاقتك ب ربنا وادعي وخد بالأسباب و روح ل دكتور نفسي شاطر مش مادي .
تم النشر الأحد، ٢٣ مارس ٢٠٢٥
ولا تنسى أن النعم يعطيها الله وياخذها ليختبر من يشكر فى السراء والضراء لأن الله اعلم بما فى القلوب ويخرج اصغانها فيُقلب القلوب بين الابتلاءات والنعم لتخرج ما تخفيه فى مكنونها ، وهو مالم يخرجه قلب هذا العبد الا بهذه الابتلاءات و النعم لأن الله اعلم به من نفسه وذلك لتكون حجة على أصحابها .. فكم من فقير أغناه الله كان يظن أنه سيكون صالحاً بعد الغنى ولكنه أصبح فاجراً طامعاً تعلّق قلبه بالدنيا وأصبح يفسد فى الارض دون أن يشعر ، وكم من غنى حامد شاكر لله فلما ابتلاه الله فى ماله انقلب على عقبيه وسخط والعياذ بالله ... فحاول الا ترسب فى هذا الاختبار .. عافانا الله وإياك والهمنا الرشد والصواب .. آمين
تم النشر الأحد، ٢٣ مارس ٢٠٢٥
انتا عارف مشكلتك ايه ؟!! انك مش عارف انتا موجود ليه ولا عارف دا بيحصل ليه ولا عايز تعرف .. لأنك مش بتبص الا على النتائج دون أن تفكر ولو شىء بسيط فى الهدف مما يحدث .. مبدئيا الانتحار سيجعلك تخسر الدنيا والآخرة لأنه عمره ما كان حل ، هل فكرت فى يوم تصلى لله مخصوص لهذا الأمر وتبكى له وتشتكى له وتدعوه ؟!! هل حاولت النظر فيمن مر من قبلك بهذه التجربة كيف كان يتفاعل مع هذا الابتلاء وكيف كانت النتيجة بعد ذلك ؟!!! انظر .. سيدنا ايوب مرّ بنفس ما تمرّ به انت بالظبط ، بل إن كان ابتلاؤه اقوى وأشد واطول عمراً حيث بلغ به سنوات عديدة ، هل تعرف ماذا كان ابتلاؤه ؟! كان فى سقوط جلده وتعفّن لحمه وتغير شكله .. مرض عصيب جعل كل من حوله يتركه وذلك بعدما خسر ماله كله بعدما كان من أغنى الأغنياء فى بلدته ومات جميع أولاده ... ما رأيك فى هذا الابتلاء ؟! هل تعرف ماذا فعل ايوب ؟؟ فهم أولاً وادرك أن هذا إختبار من الله يمتحن قلبه وينظر إلى فعله .. هل سيرضى ام سيسخط ؟!! تعامل ايوب مع هذا الابتلاء بالشكر والحمد والصبر والدعاء .. ظل يحمد الله لأنه فهم حقيقة الابتلاء وهدفه ، وصبر عليه دون أن يقول ما يغضب الله لدرجة أن زوجته قبل أن ترحل قالت له كيف يحدث لك هذا وانت نبى الله ؟!! انظر كيف كان الضغط النفسى !!! ولكنه صبر دون أن يسخط قلبه أو جوارحه .. صبر وبكى ودعا لله كثيرا .. وعندما جاء أمر الله وانتهى الابتلاء ونجح ايوب .. عارف ربنا كافئه بأيه ؟؟! رد له صحته بأفضل ما تكون كأنه لم يمرض قبل ذلك ، أغناه الله باكثر ما كان عنده كأنه لم يفتقر قبل ذلك ، رزقه الله ذرية اكثر ممن كانت وكأنه لم يفقد أحد ، بل وبارك فى عمره وزاده .. كأنه لم يتألم من قبل !!! متخيل الجزاء !!! هذا لأنه فهم الدرس وفهم المطلوب منه .. لذلك قد تكون هذه رسالة من الله لك .. استعذ بالله ولا تجعل الشيطان ولىّ لك فكل ما قولته لا يرضى الا الشيطان ، اتوضأ وصلى لله وادعوا له واصبر على ما اصابك .. والصبر هو أن تتعامل مع ما أنت عليه برضا وكأنه أمر عادى مع الحمد والدعاء لله ، واشكوا لله وابكى له كلما ضاق صدرك .. هذا ما ينبغى عليك فعله .. إن فعلت ذلك وتبيّن صدقك مع الله .. انتظر فتوحات ورحمات لا تتخيلها أبداً من الله إن شاء الله ، فالله قصّ لنا قصة ايوب لا لنقرأها كقصة وانما لنتعظ ونعتبر وليعلمنا كيف نتعامل مع المشكلات والابتلاءات ... شفاك الله وعافاك .. تحياتى
تم النشر الأحد، ٢٣ مارس ٢٠٢٥
استعن بالله ولا تعجز لازم تفهم أن كل شىء بيحصل لينا ربنا ليه حكمة فيه وأن حياتنا دي مؤقتة هنعيش خمسين ستين مئة سنة وفي الاخر الحياة الأبدية في الآخرة حياة بلا نهاية فأكيد مش هتضيع حياتك الباقية وتتعذب إلى ما لانهاية وانتحر عشان الحياة المؤقتة دي معاك أنك في اختبار صعب اووي وانك نفسك تعيش حياة طبيعية بس الانتحار مش الحل دا بالعكس افظع مليار مرة من اللي انت فيه استعن بالله وادعي ربنا كتير وهو وحده القادر على تفريج كربك وذهاب همك وأكثر من الصلاة على النبي الكريم وكن على يقين أن الله قادر على تفريج كربك واازالة همك وان يرزقك السعادة
تم النشر الاثنين، ٢٤ مارس ٢٠٢٥
استعن بالله ولا تعجز
تم النشر الاثنين، ٢٤ مارس ٢٠٢٥
مش عارفة بس بحس أن الأشخاص اللي بتقول أنها ضعيفة بتكون اقوى الناس وقت الشدة مش لازم جسدياً. وأنك تكون أب، أبويا ماكانش احسن اب وبيعاقبنا عقاب وحش لا تتخيله بس في الآخر مهماً حصل حبيناه أنا وأخواتي حب كبير فأعتقد فكرة إنك تكون أب مش صعبة إن شاء الله وأنت لما يكون عندك أولاد تدريجيا هتحسن من نفسك. بس لو بتدور على حل معتقدش إنك هتلاقي حل لأن بالفعل إنت حاطط هدف واحد وهو الانتحار لكن لو شيلته من دماغك كحل ممكن تلاقي إنت الحل من نفسك ما حدش بيفيد حد الفترة دي لو ما قوتش نفسك بنفسك هتفضل على الأرض وفي دائماً حلول بس مش دائماً بتكون سهلة بيكون فيها تعب ومش على هوانا بس بتكون اشغال للوقت إحنا موجودين في الدنيا عشان نعبد ونسعي ونستمتع شوية صغيرين مش كتير وبالنسبة للزوجة لو ربنا كاتب لك الزواج إن شاء الله يرزقك باللي تشفي قلبك وتكون احسن عشانها وتتمني إنك تعيش اطول عشانها وعشان أولادكم. ربنا يرزقك راحة البال ويشفيك ويعافبك ويرزقك قوة وهمم الأنبياء ويكتبلك الخير كله عاجله واجلة ويوفقك في حياتك كلها ويكلل صبرك بكل الخير ويرزقك وظيفة كويسة وزوجة صالحة محبة هينة لينة تصب عليك الحب صبا وأنت تكون زوج صالح هين لين تصب عليها الحب صبا
تم النشر الاثنين، ٢٤ مارس ٢٠٢٥
الانتحار مش هو الحل ابدا . لو فيه نصيحة فهي حاول انك تكسر الدايرة الي انت فيها و لازم يكون ليك صحبة صالحة تعينك علي الخير روح المسجد و اتعرف علي ناس تقربك من ربنا . والله هيفرق معاك اوى
تم النشر الاثنين، ٢٤ مارس ٢٠٢٥
أولا ربنا يعفيك ويصلح حالك و ينجيك من هذا المرض الخبيث .
تم النشر الاثنين، ٢٤ مارس ٢٠٢٥
اخى الكريم ، ما ذكرته لك سابقاً هو تجربة حية لأحد الانبياء الصالحين تشبه كثيرا تجربتك أو أشد قسوة ، وذكرت لك كيف تعامل معها وكيف كانت النتيجة ؟! بإمكانك مراجعة تعليقى السابق جيداً .. فأعظم أساليب العلاج تم استنباطها من معطيات ونتائج التجارب السابقة ، وقد ذكرت لك افضلها .. تحياتى
تم النشر الأحد، ٢٣ مارس ٢٠٢٥
لعرض السؤال في فدني اضغط هنا