حاليا خطوبتى هتتفركش وهياخد الدهب والهدايا اللى جابها كده كده دى حاجة مافيش فيها نقاش بس حاليا اهله كانو جايبين هدايا ليا ولاهلى فى مناسبة عندنا عائلية هل دى كمان هترجع ولا لا مع العلم ان الاشخاص اللى جايبين الهدايا دى مسافرين امريكا فترة
بسأل علشان مايكنش فى حاجة حرام
أختي العزيزة، إن موضوع الهدايا في العلاقات الخطوبة هو أمر يتطلب مراعاة للأخلاق والقيم. بشكل عام، فإن الهدايا التي قدمت خلال فترة الخطوبة يُعتبر من الجائز إعادتها عند حدوث الانفصال، خاصة إذا كانت هذه الهدايا تمثل تعهدًا أو رمزًا للارتباط. أما بالنسبة للهدايا التي قُدمت من عائلة الخاطب لكِ ولعائلتك، فهي عادة تُعتبر بمثابة إكرامية ولا يُشترط إرجاعها، ولكن من اللائق أن تحترمي المشاعر وتقدري النية الطيبة وراء تقديمها. من الأفضل أن تتواصلي مع عائلتك وعائلة الخطيب حول هذا الأمر، حتى تتوصلوا إلى حل يعكس الاحترام المتبادل. في النهاية، بإمكانك أن تستفتي أهل العلم أو أحد المتخصصين في الأمور الشرعية لضمان اتخاذ قرار يتماشى مع الإسلام، ويحقق لكِ السلام النفسي. نسأل الله أن يوفقك لما فيه الخير والصلاح.
تم النشر الخميس، ٢٦ سبتمبر ٢٠٢٤
الهدايا القائمة بذاتها لابد أن ترد، أما المستهلكة مثل الطعام أو قطعة القماش، فهذه لا ترد. أما لو بتتكلمي عن الشبكة الشبكة تعتبر من الهدايا فيسرى عليها ما يسرى على الهبة، ومن حق الخاطب استرداد هذه الهدايا، و أيضا .. وفقاً لنص المادة 500 من القانون المدنى ... ( الشبكة من المهر وفق للسند القانوني والشرعي وحال عدم إتمام الزواج، يكون من حق الخاطب استرداد الشبكة باعتبارها و مال مقدم على سبيل المهر ) و علي سبيل النصيحة دا أفضل علشان تبقي سيبتي التجربة بكل ذكرياته و معنديش اي مبرر تذكرها او اي أثر باقي منها ..
تم النشر الخميس، ٢٦ سبتمبر ٢٠٢٤
زي ما قولتلك في أول سطر الهدايا اللي بتستهلك و تخلص او تستعمل لا ترد زي الملابس و زي الاكل او الشرب او خلافه قيسي علي كده ...
تم النشر الخميس، ٢٦ سبتمبر ٢٠٢٤
الدهب ده بيبقى جزء من المهر و يُرد طبعاً غير كدة لا .. يعني الهدايا لا تُرد
تم النشر الخميس، ٢٦ سبتمبر ٢٠٢٤
كدة كدة هياخد الشبكة كاملة مافيهاش نقاش دة حقه بتكلم على الهدايا فى منها حاجات شخصية استخدمتها وفى منها اللى شيلتها فى حاجات الجواز بتكلم عليها هياخدها ولا لا لان فى ناس بتقول لا ماينفعش ياخدها طالما استخدمتيها وفى ناس بتقول كله لازم ياخده مش عارفة انه الصح
تم النشر الخميس، ٢٦ سبتمبر ٢٠٢٤
بصي من الاخر..العرف بيقول إذا كانت رغبته هو في فسخ الخطبه لك الحق في عدم إعطائه اي شي..انما لو انتي السبب كلي حاجه ترجعله حتي ولو دبوس
تم النشر الجمعة، ٢٧ سبتمبر ٢٠٢٤
لعرض السؤال في فدني اضغط هنا