اختى تزوجت من شخص كان باين عليه انه متزوجها علشان شكلها حلو بس وملحقوش يعرفوا بعض تقريبا فتره الخطوبه كانت ٤ شهور بس كان ظهر عليه حاجات اثناء فتره الخطوبه تدل لا انه مش مناسب تماما وانه عديم الشخصيه ومش مسؤول بس اختى كانت بتحبه ووالدى ووالدتى وافقوا على الرغم انهم عارفين انه مش ده اللى يبقى زوج بنتهم بس لان كده اخواتى هيبقو سلايف ف بيت واحد ودى كانت بالنسبالهم اهم حاجه
المهم اختى من اول ما تزوجت تانى يوم الفرح علطول تعبت وراحت لكذا دكتور وراحت المستشفى كمان وطلع عندها حصوه على الكلى فطبعا اضطروا ياخروا فتره شهر العسل فدى كانت البدايه بقى
بعد ما خلاص الحمد لله بقت كويسه والحصوه نزلت سافروا والحمد لله قضوا شهر العسل ورجعوا فبعدها بكام يوم قالولها لا م تعملى تحليل حمل فعملته وطلعت حامل فعلا
راحت للدكتور قالها لازم تقعدي عند والدتك فتره لتثبيت لجنين واكتشفنا ان عندها سكر والدكتور قال لها انه لو السكر منزلش احتمال يؤدى لتشوهات للجنين فطبعا كله زعل وزوجها قعد يعيط فقعدت عند ماما فعلا فتره ورجعت لبيتها
الفتره دى كان اهل زوجها مسافرين فقام جيبها عند ماما البيت بيقول انه خايف عليها ومامته بنفسها قالت هو مش هيعرف يشيل مسؤوليتها المهم جت عند ماما
جه بقى معاد إعادتها بعد حوالى شهر ونص والدكتور قال لازم تنزل الجنين مفيش نبض طبعا بقى كله زعل تانى وهو عيط بردو حتى مواساهاش ولا طيب خاطرها هو بس بيعيط
مرت فتره الإجهاض عند ماما لحد ما بقت كويسه وبابا عملهم مفاجأة وروحها البيت الليله دى بقى حصلت مشكله كبيره وزوجها زعلها وسابها لوحدها في غرفتها زعلانه وطبعا سكرها على وتعبت وجالها تشنجات فتقريبا روحت تانى فى وسط الأسبوع علشان السكر ورجعت على طول يعنى مطولتش هو كده كل متتعب حتى لو صداع يروحهالنا وياخدها كويسه
التشنجات دى كانت أول مره تظهر عندها منه هو وزادت التشنجات. وكان بيغمى عليها كتير وكان بيضربها لما بيبقى عاوز يفوقها ضرب فعلا على وشها
طلع اشتكى لمامته انه مفرحش من يوم متجوز وكلهم عاتبوا اختى انها مبتهتمش بصحتها وان هى الغلطانه و كل شويه عند دكتور عندهم حق بس ما هي كمان مفرحتش وهى كانت داخله الفرخ كويسه ومكنش عندها اى حاجه كلنا مستغربين
ده كله لسه مش المشكله قريب كده لما التشنجات زادت عندها اهل الزوج أصروا تكشف عند دكتور مخ واعصاب بس ماما مكنتش موافقه تماما وعملت مشكله معاهم لأنها كانت مقتنعه ان معمولها سحر
بس ف الاخر كشفت وطلع عندها. مرض مشهور اسمه m.s بيزيد من كتر الزعل وبيسبب توتر ونسيان وهكذا فالمهم اتحجزت ف المستشفى ٥ أيام حاليا ومن يوم ماتحجزت لحد اليوم التالت محدش من اهل الزوج اتصل حتى مش زارها يطمن عليها وزوجها كان مجرد رنه واحده ف اليوم ولسه زارها النهارده اللى هو تالت يوم بس ده علشان بابا اتصل عليهم وعاتبهم وهما بكل برود قالوا ما انتم اصلا مكنتش عاوزين تكشفوا عليها مخ واعصاب يعنى هما السبب وتانى يوم بعد الاتصال زوجها جه زارها
بابا وماما قرروا انها تنفصل لأسباب كتير اعتقد عرفت عرفتوها من كل اللى قلته بس اختى مش عارفه مصلحتها وهبله وبتحبه بس هو بياذيها بجد ومش بيهتم وعايش دور الضحيه هو حاليا قال لبابا هنقعد شهر يقرر هيتفصل ولا هيكمل بعد منتيجه تحليل تظهر
مشكله قرار الانفصال خايفين منه على اختى لان المرض اللى عندها بيتاثر بالحاله النفسيه وطبعا السكر
السلام عليكم ورحمه الله وبركاته طيب هو واضح جدا. في تفاهم كثير كثير ومن الناحيتين كل حد بيترجم التصرفات بتاعه العيله الثانيه يعني في اثنين بدأوا حياتهم الزوجيه للاسف ربنا ابتلاهم ان يكون في مشكله صحيه عند حد من الزوجين الزوج رغم ان هو يعني بيقول ان هو مفرحش او ما لحقوش ان هم يفرحوا هم الاثنين الا انه الراجل يعني ما قالش انا مش عايزه وعاوزه انفصل ووالدك هو والدتك هم اللي بيقرروا الانفصال لبنتهم الحقيقه انه دي يعني دي اكيد مش من احسن القرارات ممكن يكون هم في رايهم ان هم عاوزين بنتهم تبقى في حضنهم وهما يراعوا صحتها لان هو مش مراعيها هو كان واجب انه لما تكون بنتنا تعبانه هي دلوقتي ملزومه من زوجها الزوج ده بدا حياته فلازم يتحملها بكل ما فيها سواء بقى هي مشيت بالسياق الطبيعيه ان احنا ننبسط ونعمل شهر عسل والح.ي كل عائله بتفسر تصرفات العيله المقابله فان هم يعني متضايقين او قصدهم حاجه وحشه ولكن انا بصراحه يعن بينا بشكل لطيف الاول وبعد كده نواجه ازمات لا يعني هو ما فيش قوالب عادي جدا في ناس ممكن اول ما يتجوزوا يتواجههم ازمه وبعدين يبقوا ينبسطوا فالمشكله في الاول اللي احنا حاطينها كان الاولى ان احنا نقول له لا انت فين خليك موجود انت فين مراتك في المستشفى انت اللي هتكون مسؤول علشان الراجل ده برده يكون شايل المسؤوليه لو هو لسه شخص مش فاهم يعني ايه مسؤوليه او اهله مش بيوجهوا للمسؤوليه احنا كاب وام نقول له لا زوجتك مسؤوليتك انت المسؤول الاول هنا فانت اللي تتصدر في المسؤوليه الاول مش احنا هاتها عندنا واحنا نشيلها لانه ده بيكون تصرف مش سليم من الاهل الحقيقه يعني هو بيكونوا عايزين يهتموا ببنتهم لكن ما بيكونش ده التصرف السليم في حاله ان الغلط من الطرفين فيعني الافضل نسيب الناس دي اختك وزوجها ان هم يعيشوا ويتعلموا يعني ايه حياه ويعني ايه يشيل المسؤوليه الموضوع ما بيتاخدش خالص.ها تزوجت لما يسيبوهم يعيشوا مع بعض يسيبوهم وهم يشيلوا مسؤوليتهم بنفسهم وينصحهم يعني لما يكون هو مش قادر يتصرف صح يمسحوه يعني لما تكون مراتك تعبانه الافضل تعمل كذا كذا كذا اعمل واحد اتنين تلاته اتصل بيهم ونطمن عليهم هي عاملين ايه اخباركم ايه خلي بالك منها نروح نزورهم بتعمل ايه لا لما تكون هي تعبانه كده لما تكون عايز تفوقها فوقها بالطريقه الفلانيه بلاش الطريقه دي لكن هناخذ الموضوع ان هو لا لا خلاص انت مش عايز تتصرف يبقى يعني انفصلوا عن بعض يعني ما اعتقدش ان دي اسلم طريق مفيش هنا حد عليه اللون كله وعليه الغلط كله.ي شايفه انه الموضوع كله.
تم النشر السبت، ١٥ فبراير ٢٠٢٥
السلام عليكم، حاولي انتي او والدتك او والدك تقعدوا معاها تفهموهوا انه مش مناسب وتحكولها علي كل تصرفاته السيئه بس انتبهوا لانها زي ما قلتي بتحبه وممكن تتعب لو عرفت، ممكن تقعد عند مامتها، وتنفصلوا بس من غير ما تعرف ولو سألت عليه قلولها مثلا انه مسافر، واحكيلها عن تصرفاته السيئه، بس مش كلها مره وحده زي انه مش بيحبها، احكولها بحاجه بسيط يعني مثلا، مينفعش يقعد يومين ميزوركيش، واستمروا كدا يوم عن يوم عرفوها افعاله السيئه وانه زواجها منه كان غلطه، وبباكي ومامتك مكنوش راضيين بيه بس محبوش يزعلوكي او يكسروا فرحتك، وانتي تستاهلي حد يقدرك ويحبك، مش يحبك علشان شكلك بس، وواحده وواحده هتتقبل الموضوع ومع الوقت هتنساه وتنسي حبه، وخلي بالك انها انها لو قعدت معاه، هتكبر المشاكل، وهتعيشوا في حالة خوف وقلق وترقب من انه ييجي في يوم ويزعلها، وهتكبر المشاكل وتكبر معاها اهانته ليها وقسوته، فالأفضل ليها انها تنفصل، وتبدأ حياتها من جديد، حاولوا تشغلوها بأي حاجه كحفظ القران الكريم، انصحيها مثلا انها تقرأ، رواية (ندى تشتكي لعائشة) الرواية دي بتحكي عن معاملة الرسول ﷺ للسيدة عائشة رضي الله عنها، وهيا من نفسها هتقارن تصرف زوجها بتصرف الرسول ﷺ ومع الوقت هتنساه، وتعرف ان الجواز ده كان غلطة
تم النشر السبت، ١٥ فبراير ٢٠٢٥
لا إله إلا الله، بسم الله الرحمن الرحيم و من آياته أن خلق لكم من أنفسكم أزواجا لتسكنوا إليها و جعل بينكم مودة و رحمة إن في ذلك لآيات لقوم يتفكرون، الجواز ده المفروض سكينة و دعم من الطرفين لبعض و خوف على بعض ازاي مراتي تبقى تعبانة و ميبقاش في منى إهتمام كفاية و اطمئنان عليها و احسسها ان اهم حاجة عندي انها تبقى كويسة و بس لكن غير كدا دي علاقة لو استمرت على المدى البعيد تبقى جحيم، ما هو حتى لو اختارها علشان شكل بس ما وارد يحصل لأي بني آدم اي حاجة لقدر الله حادثة او تشوه أو حتى حبوب في الوش يبهدله، خلاص كدا يعني مفيش سبب تاني للعلاقة!!؟ انت واخد بني آدمة مش جماد ممكن احد اسباب اختيارك الشكل ماشي بس في معايير تانية نسبها و دينها و...، أنا شايف انه اختبار من ربنا و ربنا بيكشفه ليها في بداية حياتها و ربنا يشفيها و تقوم بألف سلامة
تم النشر الجمعة، ١٤ فبراير ٢٠٢٥
لعرض السؤال في فدني اضغط هنا