انا و زوجتي متجوزين من ٤ شهور و لكن مش واخدين بعض عن حب ولا حاجه بل كنا بنتخانق كتير ف الخطوبه ، و بعد الجواز اتخانقنا خانقتين ف كل خناقه زوجتي مكنتش بتحترمني فيها و بتغلط فيا بطريقه مش لطيفه و بتقل مني و لكن كنت بصبر و عادي لاني كمان مكنتش بسكتلها و بغلط فيها لكن الفكره انها بتبدأ بالغلط و بتقل مني و طبع الراجل حامي مش بيسمح لحد يقل منه ف ارجوكم حل لان حرفينا مشاعري نحيتها بدأت تقل و قلبي بدأ يسود و لو اتخنقنا تاني هكرها و هطلقها ، ملحوظه هي دكتوره بييطري و انا محاسب و دايما بتقولي انت مكنتش تطول اصلا اني اوافق عليك
كان خطأ مننا أن يكون في خلافات كتيره ومشاكل في الخطوبه ونعدي ومنحطش حدود ولا ندور علي حل ولكن حالا الوضع اختلف أصبح في بيت وحياه زوجيه وحقوق وواجبات مش هتمشي الحياه بالشكل دا حاولوا تأجلوا التفكير في الإنجاب وتتابعوا مع متخصص في العلاج الزواجي محتاجين تعرفوا ايه سبب الخلل وتتعلموا ازاي تتواصل مع بعض بشكل أفضل ودا هيساعدكم فيه الاخصائي
تم النشر الجمعة، ٩ أغسطس ٢٠٢٤
هو كده انتوا متعرفوش حاجة عن التواصل خالص ضرورى تتعلموا سوا يعنى ايه تواصل ويعنى ايه حدود ومش مسألة راجل طبعه حامى ولا ست طبعها عصبى وفى كلام ميتقالش وفى تجريح ميصحش خالص وضرورى تراجعوا من تانى انتوا اتجوزتوا ليه اصلا وهتحققوا اهداف الجواز ازاى وهتحققوا مرضاة الله واوامره ازاى
تم النشر الجمعة، ٩ أغسطس ٢٠٢٤
أولاً، عايزك تعرف إن الحياة الزوجية مش سهلة، ومع وجود مشاكل في بداية العلاقة، ممكن تكون الأمور أصعب. واضح إن في عدم احترام بينكم، والاحترام ده أساس أي علاقة ناجحة. حاجات ممكن تساعدك: التواصل : حاول تتكلموا بصراحة عن مشاعركم بدون تكسير أو تجريح. قولها إنك مش مرتاح مع طريقة كلامها وشرحتلها كيف ده بيأثر عليك. وضع حدود : أحيانا، حداثة العلاقة بتخلي الأمور متوترة. ممكن تقوما باتفاقيات تساعدكم على تجنب الخناقات. المشاعر : إذا حسيت إن مشاعرك تجاهها بدأت تضعف، ضروري تقعد مع نفسك وتفكر في الأسباب. هل هو بسبب الخناقات بس، ولا لأن في حاجات أعمق محتاجة تتعرفوا عليها وتتعاملوا معاها؟ استشارة مختص : لو الأمور مش بتحل، ممكن تفكروا في الجلوس مع استشارة عائلية، ده يمكن يساعدكم تعرفوا على نقاط الضعف والقوة في علاقتكم. وفي الآخر، عايزك تبقى صريح مع نفسك ومعها، وافتكر أن العلاقة ملهاش أمل لو استمرت بهذا الشكل. اتمنى لك كل التوفيق.
تم النشر الخميس، ٨ أغسطس ٢٠٢٤
اتكلم معاها براحه وخليك حنين عليها وجبلها هدايا وخليكم متفاهمين مش لازم مشاكل دايما علي كل حاجه كل حاجه لازم تتحل بالتفاهم وبراحه وربنا يهديكم لبعض ويخليكم لبعض
تم النشر الجمعة، ٩ أغسطس ٢٠٢٤
لعرض السؤال في فدني اضغط هنا