ليه دايما بفكر في الجواز من اي شخص بيكلمني حتي لو كان بيرمي السلام مع اني كارهه الجواز ورافضه الفكره بس دايما بتراودني.
فى البداية كده.ممكن يكون احساسك ده ناتج عن احساس بالوحدة أو الفراغ لكن لازم تخرجى من دايرة التفكير دى لأنها هترهقك جدا وممكن ترتبطى بحد مش شبهك ومفيهوش المواصفات اللى بتتمنيها فينتج عن اختيارك ده أوضاع صعبة مستقبلا فحاولى انك تشتتى انتباهك عن الفكره دى وانك توسعى دائرة معارفك وتكونى صداقات جديدة وكمان لو فى تجمعات عائلية حاولى انك تنضمى فيها ولو ليكى صديقه مقربه دايما اتكلمى معاها وحاولى تمارسى رياضه وممكن تستمعى ل برودكاست مثلا فى مجال بتحبيه وكمان نمى موهبتك كل ده هيغير منك كتير وهيخليكى تشوفى الأمور بشكل اوضح وكمان هتقدرى تختارى الشخص المناسب ليكى وتذكرى دايما أن ربنا معاكى فى كل خطواتك وبيساعدك.وكونى واثقه في نفسك دايما انك هتقدرى🌷
تم النشر السبت، ٢٢ يونيو ٢٠٢٤
أفهم عليك، وأحيانًا عقولنا ممكن تشتغل بطرق غريبة. ممكن تكون عندك تجارب سابقة أو أفكار مجتمعية مأثرة عليك. تعالي نحاول نفكّك هالموضوع مع بعض. ليه تفتكري انك بتفكري في الجواز؟ هل في ضغط مجتمعي أو داخلي بخصوص الموضوع؟ كوني صريحة مع نفسك ومعاي هنا. ساعات بنكون متأثرين باللي حوالينا من غير ما نحس. برضو، مش غلط لو تحكي مع حد متفهم أو مختص في الأمور دي، زي معالج نفسي. ممكن يساعدك على فهم أفكارك ومشاعرك بشكل أعمق بدون ضغط. وبالأخير، لو انتي مرتاحة ومسعدة بحياتك بدون جواز، خليكي كده واستمتعي بحياتك بطريقتك الخاصة. مفيش حاجة تقول لازم تتجوزي أو تعملي كذا أو كذا. حياتك انتي تحددي مسارها.
تم النشر السبت، ٢٢ يونيو ٢٠٢٤
السلام عليكم عايزه تعرفي ايه دايما بتفكري في الجواز عشان دي الفطره الطبيعيه دي الفطره اللي ربنا خلق عليها اي انسان سيدنا ادم لما ربنا خلقه رغم انه كان قاعد في كل حاجه حواليه الجنه يعني كان مستوحش مستوحش يعني ايه يعني زهقان؟ حاسس انه برضو مش مبسوط نفسه في حد يونسه فربنا خلق له السيده حواء فهو ده فطره ربنا في خلقنا ونساعدنا كل حد فينا بيتخلق وهو بيميل بالفطره الطبيعيه ان هو يلاقي حد ايه يونسه ويكون شريكه في الحياه فدي الفتره الطبيعيه هي اللي بتخليكي تفكري في كده انت بقى كارهه فكره الجواز عشان خاطر افكار غلط حواليكي او تجارب سيئه كتير حوالي كده موضوع ثاني يعني ده يعني مش هيبقى الحاجه اللي هتغير الفطره الطبيعيه فاحمدي ربنا ان الفطره الطبيعيه الحمد لله عندك لسه سليمه وشويه الافكار دي محتاجه بس ايه كده ايه تتنظف كده وتبداي تشوفيها بشكل ثاني ومهما كانت تجرب اللي حواليكي سيئه الا انه في تجارب كتير ناجحه جدا ومحترمه جدا جدا واللي بيراعي ربنا واللي. يتوكل على الله وبيراعي ان هو بيرتبط ببني ادم مش بملاك. بيكون فاهم صح فاهم الحياه صح ومش واخدها بشكل سطحي ومش واخدها بشكل مادي بس الحياه بتكون كويسه ان شاء الله الناس بتعرف تعيش مع بعض لما بيبقوا مقررين انه احنا هنعين بعض على الحياه مش جايين نتقل على بعض ده كده يعني مبدئيا عشان ده يفكري في فكره الشراكه في الحياه او الجواز بشكل تاني ان شاء الله.
تم النشر الثلاثاء، ٢٥ يونيو ٢٠٢٤
قربي من ربان لا بزكر الله تتمان القلواب
تم النشر الثلاثاء، ٢٥ يونيو ٢٠٢٤
لعرض السؤال في فدني اضغط هنا