انا مش إنسانة اجتماعية خالص و مبعرفش اكلم و دائما زعلانة اوي و مفيش حاجة بتفرحني خالص و معنديش صحاب و لا حد بيحب يقرب مني كا صديقة أنا دائما خايفة من الي جاي و و خايفة اني منجحش و مبعرفش اذاكر اوي رغم انو عندي التشجيع لنفسي اني اذاكر لكن مش بعمل الي مطلوب مني ف الآخر و فكرت ف الانتحار قبل كدا و ب الفعل عملت كدا قبل كدا و لكني ندمانة لكن افكر ف كدا تاني برضوا لكن معنديش الشجاعة لكدا زي اول مره أنا تعبت من كل حاجة
اولا شيلي فكره الموضوع دا لأن يعتبر مريت بنفس الظروف وزودي حاجات تانيه كتير وان كنتي عايزه تتكلمي مع حد فأنا هنا عادي مش قصدي حاجه تانيه انا اقصد مساعده فقط
تم النشر السبت، ١٤ أكتوبر ٢٠٢٣
بصي انا كنت و لازلت زيك بس صدقيني اكتر حاجة محتجاها انك تقدري نفسك و تعرفي انك مش محتاجة يكون ليكي صحاب او انجاز جامد عشان تبقي ناجحة و تستاهلي تعيشي لا كون ربنا خلقك ف ده لوحده سبب يديكي قيمتك و يخليكي تعيشي حياتك رافعة راسك اتعلمي بس تقدري نفسك و متحاوليش ابدا تكوني اجتماعية ربنا خلقك ب شخصية انطوائية شوية مفيش مشكلة تقبليها و اتصرفي ع طبيعتك بس متمنعيش حد من انه يقرب منك واحدة واحدة ربنا هيبعتلك صاحبة ولا اتنين يعوضوكي و يبقو الاقرب ليكي ان شاء الله اخر حاجة بالنسبة للمذاكرة و النجاح فاحنا ك بشر معليناش غير السعي و النتيجة دي بتاعة ربنا ،، زاكري بس و اعملي ال عليكي و ايا كانت النتيجة آمني ان ربنا ليه حكمته فيها و طبعا طبعا اهم حاجة القرب من ربنا صلاتك اذكارك فيديوهات دينية كل ده هيفرق معاكي كتييير اوي لحد م ان شاء الله يبقى الناس نفسها كمان تتعرف عليكي ربنا يريح بالك و يوفقك 💜
تم النشر الخميس، ١٢ أكتوبر ٢٠٢٣
انا كنت زيك كده بالظبط في فتره المراهقه والحل انك ماتسلميش ودانك للشيطان وصلي وادعي كتيير ده اول حل تاني حاجه انك تكوني اجتماعيه دي حاجه وحشه وإنك تكوني انطوائيه برده حاجه وحشه لما يكون عند صديقه او اخت أو ام أو أب ده بحد ذاته كفايه وبالنسبه لدراسه ابدأي فيها وإن شاء الله هتتعودي عليها حتي لو كل يوم درس واشغاي نفسك بحاجات تانيه زي الرياضه الهوايات وأوعي تخلي نفسك فاضيه لأن ده الوقت الوحيد الي الشيطان بيكلمك فيه ويوسوسلك اهم حاجه انك تقربي من ربنا
تم النشر الخميس، ١٢ أكتوبر ٢٠٢٣
طيب ايه اللي حصل عموما في حياتك خلاكي بالشكل ده؟ وليه حاولتي الانتحار؟ وليه ديما حاسه بزعل ملازمك؟
تم النشر الثلاثاء، ١٠ أكتوبر ٢٠٢٣
احب احييكى على انك اتواصلتى وحكيتى على المشكلة إلى بتعانى منها دى اول خطوة أن الدنيا تتحسن تانى خطوة هى أن انتى فعلا محتاجة زيارة لمختص نفسى لأن موضوع الانتحار مفيهوش هزار بالنسبة لينا دى حاجة كبيرة ومحتاجة طبيب أو اخصائى يتابع معاكى انتى رحتى لحد قبل كده؟ هتقدرى تعملى ده؟
تم النشر الثلاثاء، ١٠ أكتوبر ٢٠٢٣
فرحي نفسك بنفسك و خليكي مصدر دعم لنفسك محدش بينفع حد .. حتي لو كان عندك حد قريب منك مع الوقت كل ده بيروح .. فالاحسن انك فعلا تقوي نفسك و متستنيش من حد حاجه
تم النشر الخميس، ١٢ أكتوبر ٢٠٢٣
انا كده بظبط. بس اعمل اه ربنا مبيديش كل حاجه
تم النشر الخميس، ١٢ أكتوبر ٢٠٢٣
لعرض السؤال في فدني اضغط هنا