ابنى عنده سنتين ونص ومش بيتكلم انا رحت للدكتور واداني علاج وشخص الحاله بدايه توحد بس ابنى بيعمل كل حاجه عايزها بيعملها بنظام وعقل الا الكلام لسه متكلمش اى كلمه مفهومه او فى مكانها لسه حتى مقلش امبو امبو عند العطش لكن يروح للميه ويدو على اى وسيله يشرب بيها لو ملقاش يشد ايدى للميه او يشاور عليها
بيروح حضانه من ٣ شهور وغيرت الحضانه من شهر للاختلاط اكثر بالعيال هل يوجد حلول أخرى يكون غيرى لجأ ليها ونجحت ان ابنه يتكلم اتمنى الاجابه من كل اللذين يقرأون السؤال شكرا
انتى فى البيت محتاجة تحفزيه على النطق ....يعنى قول اسم اللعبه وانا اديهالك ...وانتى كررى اسم الحاجة ببطء وتكونى بصاله وشجعيه انه لو قال هتفسحيه او هتجيبيله هديه وهكذا .... حطيله قاعدة ...مش هرد عليك ولا ابصلك االا لما تقول ماما ...هقولك نعم محتاجة صبر واستمراااااار واصراااااار ....متزهقيش ابداا
تم النشر الاثنين، ١١ سبتمبر ٢٠٢٣
احتمال انه بدايه توحد بعيد جدا في هذا السن هناك الكثير من الاطفال تأخرو في النطق الطفل فقط يحتاج الى الكثير من التفاعل في الحديث إذا كان من متخصص أو الوالدين فيجب تعليمه وأعانكم الله بالصبر
تم النشر الثلاثاء، ١٢ سبتمبر ٢٠٢٣
أشكرك على ثقتك ومشاركة قصة ابنك معي. أعتقد أنه من المبكر جدًا تشخيص حالة ابنك على أنها بداية توحد في هذه السن المبكرة. كثير من الأطفال يتأخرون قليلاً في النطق والكلام دون أن يكون هناك سبب للقلق. أوصي بالآتي: استمر في أخذه للعلاج واتباع نصائح الأخصائيين. العلاج المبكر أساسي لتحفيز النمو. شجعه على التواصل غير اللفظي - مثل الإشارة والتعبيرات ولغة الجسد. كرر الكلمات البسيطة بصوت واضح وبطء أمامه. اقرأ له الكتب وحاول إشراكه من خلال إشارات بسيطة. اجعل اللعب تفاعليًا - مثل تقليد الأصوات والإيماءات. خذه لبيئات جديدة لتحفيز حاسة الاستكشاف لديه. وفر له بيئة محفزة وآمنة ليتحرك ويستكشف بحرية. كافئه عندما يحاول التواصل مهما كان بسيطًا. تواصل مع أطفال آخرين ليتعلم منهم. لا تضغط عليه كثيرًا في التكلم، دع الأمور تأخذ مجراها.
تم النشر الاثنين، ١١ سبتمبر ٢٠٢٣
وديه دار تحفيظ للقرآن الكريم وياريت تكون شغاله بنظام الترديد الجماعي وعن تجربة لاطفال شرفونا في الدار مع زوجتي
تم النشر الثلاثاء، ١٢ سبتمبر ٢٠٢٣
انصحك باللجوء لمتخصص اخر ...ارى فكرة التوحد بعيدة قليلا ....محتاج جلسات تخاطب تحفيز النطق باذن الله وليس الاندماج فى حضانة فقط
تم النشر الاثنين، ١١ سبتمبر ٢٠٢٣
• يحتاج إلى جلسات تخاطب ، بمُعدل 2:4 جلسات أسبوعيًا مع أخصائية تخاطب مُتخصصة.
تم النشر الخميس، ٢٥ يناير ٢٠٢٤
ابعدي عنه الموبيل وابعدي عنه قنوات الكرتون نهائي حاولي تخليه يتكلم معاكي تفضلي تتكلمي معاه الموضوع عايز شويه مجهود منك خليه يتكلم زيك كمانلو فيه مشاكل لا قدر الله حاولي تبعدي عنها متخليش الولد يسمع اي خناق او طاقه سلبيه تخوفه كمان حاولي تدمجيه مع أطفال وخدي بالك من الحضانه لان فيها امكان بتسبب الرعب للطفل او تهمل الطفل فكهتما انتي عملتي الحضانه مكن تضيع ده
تم النشر الثلاثاء، ١٢ سبتمبر ٢٠٢٣
ادعي كتير له وعليه الاسلام مش عيب أنه يبقي متوحد العيب اللي بجد أنه مابعرفش دينه
تم النشر الاثنين، ١١ سبتمبر ٢٠٢٣
لعرض السؤال في فدني اضغط هنا