أنا فتاه بصراحه مريت بفترة لخبطه في حياتي وكنت بدخل مواقع مش كويسه علي النت وبمارس العاده الشبابيه وفي واحده صاحبتي أكبر مني سنا في مقام مامتي كنت بشاركها في كل حاجه بعملها
وهي كانت بتساعدني ابعد عن حاجه ذي كده لكن في موقف عملته معايا ماعجبنيش وأحنا قاعدين مع بعض مجموعة أصحاب فيهم ناس أنتيم ليها جدا فكنت ماسكه الموبايل بشوف حاجات علي البرنامج فدني وبقول لباقي أصحابنا عليه
فهي وجهتلي الكلام قدامهم وتقولي داخله ليه علي النت وبتكلمي مين وكفايه تضيع وقت وانا حاولت أزوح في الكلام علشان ما أتحرجشي قدامهم وهما كمان شكوا ليه بتقولي كده
كررت الكلام اكتر من مره
ولما رجعت اعاتبها قالت أنا مقصدتش واللي حواليا مش فاهمين حاجه
فقولتلها إن كانوا هما أنتيمك وبتشاركيهم كل تفاصيل حياتك أنتي حره لكن مش هقول تشاركيهم حياتي وقولتلها انسي أي حاجه قولتهالك عن نفسي وانا هكمل مع حد تاني يساعدني
قالتلي أنا حاسه إنك مريضه وتمام روحي لحد تاني
أنا بصراحه زعلت أنها عارفه قد إيه أنا محتاجاها سابتني ومش بتغلط نفسها أبدا وحسستني إني كنت عبء عليها وماصدقت خلصت منه
وأنا حاليا شاعره بوحده ومش هقدر أشارك حد بتفاصيلي ولو رجعتلها هتزلني بشروطها ومش ضhمنه إيه اللي ممكن يحصل تاني
تنصحوني أعمل إيه وخاصة إني ببدأ طريق التعافي من العاده السريه والبعد عن المواقع ومش هقدر اتابع مع حد نفسي ولا أي حد غيرها
بصي محد هيقدر يساعدك في الدنيا ديه كلها غير ربنا احنا مجرد اسباب في بعض وربنا هو من يسبب الأسباب حاولي تواظبي علي الصلاه وانت بتصلب اقفلي باب الأوضه عليكي وأبكي لربنا واشكي كل همك صدقني بجد هتعرفي يعني ايه ربنا رحيم
تم النشر السبت، ١٣ يوليو ٢٠٢٤
حبيبتي، أول حاجة خليني أقولك إنك قوية وشجاعة عشان بتحاولي تتجاوزي الموقف اللي مريتي بيه. وكونك بتحاولي تتعافي وتتحسني ده بيدل على عزيمة وإرادة قوية عندك. اللي حصل مع صاحبتك كان مؤسف، وأكيد حسسِّك بألم وخيبة أمل. لما شخص بنثق فيه يكشف أسرارنا أو يحسسنا بالإحراج، ده بيكون جرح كبير للقلب. دلوقتي، خلينا نركز على كام حاجة ممكن تساعدك: الثقة بالنفس: حاولي تعززي ثقتك بنفسك. اعرفي إنك إنسانة قيمة ومهمة، ومش لازم تعتمدِي على حد تاني عشان تشعري بالقيمة. دائرة دعم جديدة: حاولي تلاقي مجموعة دعم جديدة أو شخص تاني ممكن تثقي فيه. ممكن يكون قريب، أخصائي نفسي، أو أي حد بتحسي إنه بيفهمك ويساعدك بدون ما يحكم عليكي. الـهوايات والاهتمامات: اشغلي وقتك بهوايات واهتمامات مفيدة. ده هيساعدك تخرجي من الدائرة اللي كنتي فيها وتكتشفي حاجات جديدة بتحبيها. ممارسة الرياضة والتأمل: الرياضة والتأمل ممكن يكونوا وسائل رائعة لتخفيف الضغط والتوتر. ويساعدوك تلاقِي سلام داخلي. المسامحة: حاولي تسامحي صاحبتك من جواكي، مش عشانها، لكن عشان نفسك. الغضب والحزن بيأذوا صاحبهم أكتر من أي حد تاني. إذا كنتي فعلاً محتاجة دعم نفسي ومالكيش حل تاني غيرها في الوقت الحالي، حاولي ترجعي تتكلمي معاها بهدوء وتوضحي ليها إنك محتاجه دعمها وعونها في فترة صعبة. أما إذا كنتي حاسة إن العودة ليها مش هتكون مفيدة ليكي، فلازم تفكّري في شخص تاني مناسب أو مكان تاني ممكن يفيدك. وأخيراً، فخورين بيكي وبمحاولاتك للتحسُّن والتعافي. إستمري وانت هتقدري تتغلّبي على أي حاجة بإذن الله. 💪🏼❤️
تم النشر السبت، ١٣ يوليو ٢٠٢٤
عندك حق لكن أنا كنت واثقه فيها أكتر من نفسي لكن فعلا اللي زعلني أكتر من الموقف أنها سابتني بكل سهوله برغم من أنها عارفه صعوبة اللي بمر بيه مع اني كنت معاها وصاحبتها جدا قبل الأنتيم بتاعتها الجديدة تدخل حياتنا التانيه مش بتفارقها ملازماها طول الوقت أنا شاعره بفراغ كبير وتعب ووحده
تم النشر السبت، ١٣ يوليو ٢٠٢٤
شكرا للنصيحه
تم النشر السبت، ١٣ يوليو ٢٠٢٤
بصي اهم حاجه الالتزام بالصلاه هتبقي صعب ف الاول بس لازم تاخد الخطوه وان شاء الله هتستقيمي.
تم النشر الأحد، ١٤ يوليو ٢٠٢٤
الفيديو 52 القاعدة الاهم في التعافي عماد رشاد
تم النشر السبت، ١٣ يوليو ٢٠٢٤
حملي تطبيق واعي وشوفيلك صديقة تعافي تانية عادي جدا
تم النشر السبت، ١٣ يوليو ٢٠٢٤
بطريقة تانية شاريك ومش بايع نفسي
تم النشر السبت، ١٣ يوليو ٢٠٢٤
لو انت مش شاري انا بايع
تم النشر السبت، ١٣ يوليو ٢٠٢٤
موضوع الكرامة عندي حساس شوية ف لو شايفة انها قلت منك وفعلا مصدقت عايزة تخلص منك خلاص
تم النشر السبت، ١٣ يوليو ٢٠٢٤
ممكن فعلا أكون كبرت الموضوع وهي ماتقصدتش
تم النشر السبت، ١٣ يوليو ٢٠٢٤
لما واجهت أعتبرتني مريضه
تم النشر السبت، ١٣ يوليو ٢٠٢٤
+طبيعي تحسي ب دا بس محدش فهم كدا غيرك في مواقف كتير احنا بنشخصنها بس هي بسيطة جدا ، محضرتش الموقف عشان احكم بس يمكن فعلا انتي كبرتي الموضوع
تم النشر السبت، ١٣ يوليو ٢٠٢٤
+ في مشكلة بيني وبين شخص اكتب المشكلة دي اونلاين واحس اني حليتها ولا اروح اواجهه ...اروح اواجهه انا شايف دا
تم النشر السبت، ١٣ يوليو ٢٠٢٤
واكد عليها كذا مرة مش قالها كدا وخلاص
تم النشر السبت، ١٣ يوليو ٢٠٢٤
مش عايز ابقا بضغطك بس ، حسب اللي اعرفه دكتور عماد رشاد قال ف سلسلة فهم الادمان و التعافي انه : مستحيل تتعافى لوحدك ولازم صديق تعافي فعلا يوجهك ويدلك ع الصح وكدا
تم النشر السبت، ١٣ يوليو ٢٠٢٤
نصيحه من اخ لا تنتظري من أحد اي مساعده مع نفسك انتي اقوي مع نفسك التعافي بيكون اسهل بدون ضغوط يعني كلنا بنعمل الغلط وبنرجع نعمل الصح لحد منستقيم ونساعد نفسنا لكن متحاوليش تخلي حد يعرف عنك حاجه تعافي بنفسك فقط حتا إذا فشلتي ف التعافي مره لا تجدي من يبتزك
تم النشر السبت، ١٣ يوليو ٢٠٢٤
لعرض السؤال في فدني اضغط هنا