من يوم وفاة شخص عزيز عليا وانا مش انا، مبقتش الشخصية اللي اعرفها اللى بتعافر وتجرى ورا أحلامها بقيت شخصيه ميتة مشاعر متلغبطة اعيط واضحك منعزله عن الكل محبش اى تجمع ولا اتكلم مع حد بقيت مش عارفة انا موجودة لحد دلوقتى ليه بقالى سنة على كدة بصلى وقراءة قراءن قبل منام بس مفيش تغير وحاولت الانتحار مرتين بس كل مرة كنت بخاف وارجع بس اى أخرت إلى انا فيه خايفة افضل كدة يفوتنى مستقبلى إلى كنت مخططة لو وفي نفس الوقت مش عارفة افوق نفسى
ربنا يصبرك طبعا والفراق أصعب شعور ممكن تحسيه بس عايزة أقولك مش أى حد حصله حالة وفاة مثلا هينتحر وعن تجربة انا حصلى ٣ حالات وفاة فى أسبوع واحد وهم أعز ناس على قلبى والله وبعدهم بكام شهر حالة رابعة ودى أصعبهم لأنه ان.تحر هى صحيح كل حالة أصعب من التانية يعنى اللى مات فجأة واللى أولاده صغيرين اتيتموا بس أنا لحد دلوقتى مش قادرة أتعافى بس احنا بنمشي الدنيا بمزاجنا فاهمة ، ما هو أكيد مش هنوقف حياتنا أنا مش بعلّى عليكى أبدا انا بس مريت بتجربة وبفيدك احنا هنفضل طول عمرنا فاكرينهم وكل التفاصيل ف دماغنا بس مش معنى أن الشخص دا مات انك مش هتعيش بعده ! يعنى شوفى مثلا اللى بيحصل لغزة إن الفرد بيفقد كل عيلته أو انهم يلاقو الجثة مش كاملة أو اللى مش عارف يدفن ابنه انتى أكيد عارفة الأسوأ من كدا حرفيا كل دا يبيلك إننا مش حاجة جنبهم وانك تقولى الحمد لله ربنا بيفدى حاجة بحاجة يمكن لو كان عايش دلوقتى كان حصله حاجة خلته يتمنى الموت ربنا رحمه بجد ٠ حبيبتى انتى بس حاولى تعملى حاجة ف حياتك تلهيكى شوية عن التفكير مش هقولك متفكريش بس انتى حاطة ف دماغك إن حياتك خلصت شيلى الفكرة دى من دماغك وكملى حياتك يعنى ركزى ف دراستك شوفى الشخص دا كان حبك تكونى أى أو تكونى فين وفرحيه وقوليله انك حققتيله حلمه
تم النشر الاثنين، ١٦ سبتمبر ٢٠٢٤
عزيزتي، أشعر بكم مشاعر الفقد والألم التي تمرين بها، وأريدك أن تعلمي أنك لست وحيدة في هذه التجربة، فالكثير من الناس يشعرون بالحزن العميق بعد فقدان شخص عزيز. من المهم أن تعترفي بمشاعرك ولا تقاوميها، فالحزن جزء طبيعي من عملية الشفاء. لكن يجب أن تقومي بخطوات لإعادة بناء حياتك والتواصل مع نفسك ومع الآخرين. اطلبي المساعدة : إذا كنت تعانين من مشاعر الانتحار، من الضروري أن تتحدثي إلى شخص موثوق به، مثل صديقة قريبة أو أحد أفراد العائلة، أو حتى مختص نفسي يمكنه مساعدتك. خصصي وقتًا لنفسك : جربي أن تخصي بعض الوقت يوميًا للقيام بما تحبينه، حتى لو كان شيئًا بسيطًا مثل القراءة أو الرسم. الكتابة : تعبيرك عن مشاعرك من خلال الكتابة قد يساعدك على فهم ما تشعرين به بشكل أفضل. يمكن أن يكون ذلك في شكل يوميات أو رسائل لا ترسليها. تحديد الأهداف الصغيرة : حاولي وضع أهداف صغيرة لنفسك، مثل الخروج في نزهة أو الانضمام إلى نشاط اجتماعي، حتى إن كان ذلك صعبًا في البداية. استمري في الصلاة وقراءة القرآن : فهو يمنحك السكينة والراحة النفسية. تذكري أن الشفاء يستغرق وقتًا، ولا يجب عليك أن تتعجلي. لا تفقدي الأمل، فالمستقبل لا يزال أمامك، وحياتك لها قيمة ومعنى كبيرين. وفقك الله وأعانك على تجاوز هذه المرحلة الصعبة.
تم النشر السبت، ١٤ سبتمبر ٢٠٢٤
نصيحة مني بلاش تشيلي هم مستقبلك متشيليش هم حاجة لان الدنيا بسيطة وكلنا رايحين صدقيني والدنيا دي دار اختبار ومكان غير دائم ومؤقت بس لو اقتنعتي بده هتعيشي مرتاحة البال زي الفراشة من خفة روحك،خدي وقت في حزنك ومتشيليش نفسك فوق طاقتها من حقها تزعل وتتصدم وكل حاجة ودي فترة طبيعية وهتعدي،لكن طول مانت بتحاولي تضغطي على نفسك مش هتبقي كويسة
تم النشر الاثنين، ١٦ سبتمبر ٢٠٢٤
الفترة اللي انت فيها طبيعي يا حبي انا حاسة بيكي اوي🥹❤️ عاوزة اقولك ان ربنا عز وجل بنفسه وعظمته قال فالقرآن الكريم في سورة البقرة:-"وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ" يعني حتى ربنا فاهمك وكمان ذكر فقدان الاشخاص والنفوس أو وفاة الاشخاص من الابتلاءات وبعد كده قال وبشر الصابرين، اذا انت مشكلتك دي مش لوحدك فيها ده ناس كتير اوي مرت بيها بس ميأسوش اكيد في منهم كمل حياته وفي منهم للاسف مصبرش زي ما ربنا قال،ده اختبار عليكي بالصبر يعني حاجة مريحة حتى لما تلاقي انك مش لوحدك فالمشكىة دي لا ناس كتير جربتها وعندها نفس الشعور وأصعب وكمان ربنا نفسه فاهمك
تم النشر الاثنين، ١٦ سبتمبر ٢٠٢٤
لعرض السؤال في فدني اضغط هنا