انا ثانوية عامة وف اخر سنة ودلوقتي احنا ف شهر 3 وانا لسه مبداتش وعايزة ابدا بس معنديش شغف و وقتي كله ع الموبايل ومش بستفاد بحاجة وبقيت احس بملل من الموبايل مش عارفة اعمل اي بجد ومش عايزة اضيع تعب اهلي واكسر بفرحتهم💔
حاولي مع بدايه المذاكره تذاكري ماده واحده بس قدامك مش مواد كتير وكتاب واحد مش كتب كتير وتذاكري بصوت عالي متذاكريش بصمت وحاولي تذاكري عن طريق الشرح انك تشرحي لحد وان بتذاكري عشان تقوي عندك الفهم والتركيز ف يكون النسيان اقل واستخدمي خرايط ذهنيه لتلخيص كل جزء ولخصي الاجزاء المهمه عل هيئه نقط بسيطه سهله الحفظ والفهم وعيدي على نفس المعلومه الي حفظتيها كتير عشان تساعدك على سهوله عمليه الحفظ والتخزين وقسمي الماده اكتر من جزء وكل جزء تخلصيه قومي اتحركي كلي حاجه اشربي حاجه خمس دقايق وارجعي تاني وبعد كل جزء كبير تخلصيه كافئ نفسك بحاجه بتحبيها تحفزك انك تكملي وابعدي عنك اي مشتتات وقت المذاكره الاصوات العاليه والفون والتلفزيون مثلا وبعد كل درس بتروحيه ترجعي تذاكري الدرس لانك لسه سمعاه وتحلي عليه الواجب وتبصي على درس قديم من اول السنه عشان تذاكري الي فاتك ف نفس الوقت وان شاءالله هتقدري تنجز وتلم المنهج وترجع اشطر من الاول وتدخلي الكليه الي نفسك فيها وان شاءالله هتقدري تنجز وتلم المنهج وترجع اشطر من الاول وتدخلي الكليه الي نفسك فيها وطبعا علاقتك بربنا مهمه جدا حافظي عليها وكمان حياتك مش مذاكره بس ف خلصي مذاكرتك والخروج حدديله وقت مثلا مره ف الاسبوع وافصلي نفسك عن المذاكره بس كافئي نفسك بالتزامك ف المذاكره بأنك هتخرجي
تم النشر السبت، ١١ مارس ٢٠٢٣
احنا لسه هنسأل ...روحى سلمى الموبايل تسليم اهالى كده وقوليلهم مش عاوزاه الا وانا خارجة. ووصى ماما على شوية سندوتشات ونسكافيه وشمرى ايدك وذاكرى ساعتين وافصلى نص ساعه قومى سرحى شعرك وحطى روج وارجعى ذاكرى ساعتين وبعدين ريحى نص ساعه وصلى ركعتين.....وهكذا وابتسمى دايما وقولى لنفسك اللى فات حماده واللى جاى حمادة تانى .
تم النشر السبت، ١٨ مارس ٢٠٢٣
اهلا بك! يبدو أنك تشعرين بالقلق حول مستقبلك، وهذا شعور طبيعي في هذه المرحلة من الحياة. لكن يجب أن تحاولي التفكير بإيجابية والعمل علي تغيير هذه الحالة، فالحياة مليئة بالفرص والاحتمالات، والمهم هو أن تكوني على استعداد للتغيير والتعلم. أولاً، يمكنك تجربة تحديد أهداف وتحديد الخطوات اللازمة لتحقيقها. ويمكن التحدث مع أحد المدربين الشخصيين أو المستشارين المهنيين لتحديد اهدافك وخطتك و مساعدتك في الوصول لها. ثانياً، يمكنك تجربة أمور جديدة والاهتمام بأنشطة تهمك وتحفزك. ابحثي عن مجالات جديدة وهوايات تستطيعين القيام بها كتعلم لغة جديدة أو ممارسة الرياضة أو الخروج والتطوع في المجتمع. أخيراً، عليك أن تتذكري أن هذه المرحلة من الحياة تتطلب التغيير والتقدم و التحديات، و يمكنك تجاوز الشعور بالملل والعادة القديمة عن طريق إيجاد هدف والعمل نحو تحقيقه. ولاتنسي ان تقومي بإدارة وقتك بشكل صحيح وعدم إضاعته على الأمور الغير هامة، علماً بأن مواقع التواصل الاجتماعي تستنزف الوقت والطاقة، فحاولي قضاء وقتك على أشياء تحفزك وتساعدك في النمو الشخصي.
تم النشر السبت، ١٨ مارس ٢٠٢٣
لسة فيه وقت ابدأي من دلوقت واوعي تقفي واوعي تقولي اكيد ربنا مش هيساويني باللي بدا من الاول السنة سيبك من كل الأفكار السلبية ده خالص خليكي إيجابية اسمعي تحفيزات كتير خدي الخطوة وامسحي كل الابلكيشنز االي بتضيع الوقت تعب تلات اربع شهور دلوقت احسن من التعب النفسي اللي ممكن بعد الشر تتعبيه لو مبداتيش التعب الجسدي ده هيزول إنما التعب التاني اللي هو النفسي عمره ما هيزول وحتى لو زال بعد وقت طويل هيفضل سايب اثره ف انتي اللي في ايديكي ولسة قدامك فرصة انك تختاري عايزة تتعبي انهي تعب ابدأي وابعدي عن كل السلبيات ابدأي وابعدي عن كل المشتتات ابدأي وانتي ساكتة ابدأي من غير ما تفكري ابدأي من غير ما تعرفي هتعملي اي حتى لو مرتبتيش ابدأي وخلاص وتاكدي ان ربنا هييسرها من عنده وعمره ما هيضيع تعبك انتي قدها ي بطلة 💪🏻💖
تم النشر الخميس، ١٦ مارس ٢٠٢٣
حددي وقت ع الفون وبعد كدا اديه لحد من أهلك يخبيه واقعدي ذاكري ولسه بدري ملحوظه:انا كمان ف ٣ ثانوي
تم النشر السبت، ١١ مارس ٢٠٢٣
خلينا واقعيين وإن مفيش حاجه اسمها كل مذاكرتي ع الفون بس حتي لو حقيقه فا في برامج تنظيم وقت جامده جدا وأهمها tik tik وده يخليكي تكتبي notes لازم تخلصيها و برنامج action dash علشان تعرفي استخدمتي برامج أد ايه وبرنامج athanotify علشان مواعيد الصلاه وتنتظمي ف الصلاه فا حاولي تنظمي وقتك بالبرامج دي وحاولي تشتري note أحسن من كل ده وتكتبي فيها الحاجات اللي محتاجه تخلصيها وتبدأي فيها وأهم حاجه حسني علاقتك بربنا
تم النشر الثلاثاء، ١٤ مارس ٢٠٢٣
جزاك الله خيرا🤍🤍
تم النشر الجمعة، ١٧ مارس ٢٠٢٣
لعرض السؤال في فدني اضغط هنا