السلام عليكم جميعا سؤالي اشتغل و ادرس الاثنين معا علي الرغم من ان الشغل اللي بيجي ليه خارج مجال دراستي ادرس حاليا فقط و لا ممكن الاثنين معا
وعليكم السلام ورحمة الله وبركاته. عادي جدا ممكن تعملي الاثنين مع بعض .. ولكن كل واحد بيبقى على حسب قدرته على جمع الاشياء مع بعضها، وطبعا عامل تنظيم الوقت مهم جدا. ف انتي اكتر حد ممكن يجاوب على السؤال ده .. هل بتعرفي تجمعي حاجات كتيرة مع بعض ولا لأ.؟ اما بالنسبة ان فيه شغل ولكن مش في مجال دراستك .. هو برده الموضوع مفيش فيه اي مشاكل لان حتى فكرة انك تشتغلي اي شغل دلوقت مفيد جدا ليكي .. على المستوى المادي والاجتماعي والعملي. هتكوني خبرة وعلاقات .. وهتستفيدي على اي حال من الاحوال
تم النشر الأحد، ١ يناير ٢٠٢٣
فعلا لازم يكون في بعد نظر ، مرسي جدا لذوقك
تم النشر الاثنين، ٢ يناير ٢٠٢٣
دا بيرجع لقدرتك الشخصية وتحملك للاتنين، وكمان على حسب السنة الدراسية والمرحلة اللى انتى فيها عاوزة منك مجهود وتفرغ كامل ام لا، ديما حاولى وركزى على انه يكون في عندك بعد نظر لكل حاجة بتخططى انك تعمليها والعائد اللى هيبقى مترتب عليها وقتها هتقدرى تقررى.... ولو 1 ٪ بس اللى هيعود عليكى ف دى برضو حاجة كويسة وفيها مرجوع ليكى انتى هتستفاديه، بصى كويس للحياه وللوقت اللى معاكى والحاجة اللى هتقضيها فيه مش مجرد تضيع وقت وخلاص لاء طبعا مش بتتحسب كدا. يارب اكون قدرت اوصلك حاجة وافدك بيها وشكرا.
تم النشر الاثنين، ٢ يناير ٢٠٢٣
تسلمي 🌹ربنا يوفقك للصالح والخير كله يارب العالمين
تم النشر الاثنين، ٢ يناير ٢٠٢٣
لعرض السؤال في فدني اضغط هنا