كل حاجه بايظه و علاقتي بربنا سيئه عمرها ما كانت سيئه زي دلوقتي ، بقيت بعمل الذنب و محشش بتأنيب الضمير بتاع زمان ده معاناه ايع و هل انا كده ميئوس مني ولا لسه في امل فيا ، و اتوب ازاي و التزم علي الصلاه ازاي
كونك جايه تسألي و عاوزه ترجعي دا اكبر دليل انك حاسه بتأنيب ضمير و نفسك فعلا ترجعي لربنا زي الأول و تتوبي من اي ذنب بتعمليه ، ولكن الموضوع ممكن يكون انك مكسوفه من نفسك قدام ربنا و بتحاولي تتجاهلي تأنيب الضمير دا أحيانا عشان مش عارفه تتحمليه .. كلنا كدا صدقيني .. ربنا يتوب علينا جميعا و يغفرلنا ذنوبنا و يقوينا علي نفوسنا و علي شياطين الانس والجن.. بالنسبة للتوبة .. مفيش حد ميئوس منه ، باب التوبة مفتوح لحد آخر نفس في عمرك ولكن لازم نسارع بالتوبة دي محدش عارف عمره هينتهي امتي .. اهم حاجه اوعي تقسي علي نفسك و تشوفيها وحشة و مفيش منها امل ، كلنا بشر و كلنا بنغلط و لسه هنغلط ، و لازم كل مرة نتوب ، و هنغلط بعدها و نتوب تاني و نغلط و نتوب تالت.. لازم كل مرة نغلط نتوب ، مش هنسيب الشيطان يضيعنا .. اسمعي الفيديو دا ضروري .. https://youtu.be/OY5uHXTnCxQ?si=QOwPSbGyzZCYryip بالنسبة للانتظام علي الصلاة .. اسمعي دول و إن شاء الله خير https://youtu.be/RSAZdk64d5s?si=oh9rVx5j_aiQTjHA https://youtu.be/HlU82zvITEo?si=0e0uf6_koimGRA37 https://youtu.be/x5pamG7YPhs?si=TnKXZxaZA2oWmcoq
تم النشر الأحد، ٢١ يناير ٢٠٢٤
يمكنك سماع دكتورة هالة سمير فانها كانت سبب توبتي الان
تم النشر الأربعاء، ٢٤ يناير ٢٠٢٤
أكيد فيه امل حاولي تواظبي علي قراءه القرآن الكريم وواظبي علي الاذكار. وبالنسبه للصلاه لما الصلاه تأذن قومي اتوضي وصلي مش يكون الاذان يأذن وانتي لسه قاعده اصل لو مقومتيش تصلي ف وقت الفرض مش هتقدري بعدين ويتراكم فروض عليكي ومش هتقدري تجيبيها ف استغفري ربنا واكيد لو عندك اصرار ربنا مش هيسيبك اكيد. ولو ندمانه من الفروض ال ضاعت منك حاولي تصلي السنن وقيام الليل. توكلي علي ربنا وبإذن الله تلتزمي.
تم النشر الاثنين، ٢٢ يناير ٢٠٢٤
بص بالتدريج ابدأ صلى وحاول تظبط منبهك على اوقات الصلاه دي بدايه بعدها هتتعود لوحدك تمام بعد كده اقرأ كل يوم صفحه من القرأن واظبط المنبه تصلي قيام الليل الساعه ٢ او ١ بالليل وادعي كتير صدقني الوقت ده في اجر وفي استجابه لا تتخيلها احكي مع ربنا كتير في الوقت ده وادعي الدعاء مستجاب بإذن الله تاني حاجه حاول تغير نمط حياتك اقرأ انزل اتمرن صاحب صحبه كويسه تقربك من ربنا زياده مع الوقت هتحس بتغيير تدريجي وربنا يصلح الحال لينا وليك يارب
تم النشر الاثنين، ٢٢ يناير ٢٠٢٤
اجبر نفسك يعني لما تلاقي الاذان بيادن افتكر ايه اللي ممكن ربنا يعملوا فيك لو مصلتش انك هتدخل النار انك مش هتشوف ربنا شغل علي التلفزيون قران وحاول كل ما تصلي تقرا صفحه من القرآن انت كده مش مياوس منك لانك بتدور علي حل انك تقرب من ربنا انت دلوقتي الشيطان مسيطر عليك حاول كل ما الاذان يأذن تفتكر انك هتخش النار مش هتعرف ترد علي ربنا لما يقلك مكنتش بتصلب ليه استعيذ بالله من الشيطان الرجيم حاول تفرج علي ناس تعرفك عن ربنا وقربك منه حاول تصاحب اصدقاء يقربوك من ربنا
تم النشر الثلاثاء، ٢٣ يناير ٢٠٢٤
الاستغفار عامل زي غلطت فى حد وبتقوله آسف فى الاول هتستتقل الكلمه ومش عايز تقولها بس مع ترديدها هتتدرك غلطك وبتالى ضميرك هيأنبك ممكن انت ف حاله فتور لدرجه مش مدرك حجم الذنب فا لو حتي ضميرك انبك مش زي زمان خصص وقت للاستغفار وكمان نعمه الشكر انك تشكر ربنا وتتأمل اد اى هو سترك رزقك هيخلق حاله رضا دا هيساعدك فى كذا حاجه ومنها انك هتقرب بسرعه من ربنا وعلاقتك هتبقي افضل
تم النشر الأحد، ٢٨ يناير ٢٠٢٤
• لا ليس هُناك ما يُسمى يأس ، هذه وساوس الشيطان حتى تبتعد أكثر ، ما المُشكلة التي حدثت أو الذنب الذي أقترفته فأدت الأمور بك إلى هذه المرحلة ، لأنه إذا عالجت المُشكلة أو كففت عن اقتراف هذا الذنب ستعود مرة أُخرى إلى اللَّه.
تم النشر السبت، ٢٧ يناير ٢٠٢٤
الانسان طول مهو عايش لازم يتوب وميقطعش الصلاه لانها هى الصله بين العبد وربه استغفر الله واتوب اليه
تم النشر الثلاثاء، ٢٣ يناير ٢٠٢٤
لعرض السؤال في فدني اضغط هنا