سعات كتير بحس اني عايزه اروح لدكتور نفسي بس مش معايه فلوس واهلي بنسبالهم اني اروح لدكتور نفسي دي حاجه مضحكه المهم ف الاول انا كان ديما بيجيلي شعور ب الخوف مع. وجع بسيط ف بطني كل فتره دلوقتي بقى الموضوع ملازمني ال 24 ساعه بقيت بخاف من الموت رغم اني كنت اكتر واحده بحب اتكلم عنو وكنت عادي بقيت لو بس اتخبط حاجه بسيطه بيجيلي افكار سلبيه كتير واربط امراض وحجات كتير ببعض وبقيت بتأثر جداا بموت الغير انا لما جدي مات بقيت اخاف اووي من وقت اصبح لانو مات اصبح بعد الفجر الموضوع عدا، كذا حد مات بليل بقيت بخاف جدااا من الليل ولما الليل ييجي مبعرفش انام وكوابيس وجاثوم وتعبت نفسيا جاامد مبقتش اهتم بنفسي شكلي بقى باهت تماما ديما حزينه وطول الليل عياط بسبب عدم معرفة النوم وافكار سلبيه كتير بقيت باكل اكل غلط عليا لاني عندي القولون ديما قاعده علي الموبيل وفعليا تعبت تعبت اووي عندي خوف من الموت والمرض مش طبيعي وافكار وحشه كتير بقيت بنام وانا عندي ثقه اني مش هقوم بقيت غريبة نفسي مكنتش بصلي ورجعت اصلي بس بقطع مكنتش بسمع اغاني تماما بقيت بسمع عادي يومي كلو ع الفون لو جالي وجع بسيط ف بطني بعمل هوليله المشكله اني تعبت انا اتحولت من واحده بتصحي الفجر تصلي وتاخد دش ورياضه ومذاكره عشان باخد كورس لواحده بتصحي متأخر وكمان داخله تالته ثانوي عام ازاي هدخل كد وكمان تخنت كام كيلو بقيت كسوله لدرجة بكسل حته اسرح شعري حته الكورس بقالي يمكن خمس حصص مروحتش انا تعبت اوي المشكله حاولت اصلح من نفسي كتير اووي بس زي منا نفس الحزن نفس الفراغ وعدم الراحه والخنقه والعياط بقيت بليل بذات بتعب اوي وبحس نفسي بيضيق وكل جسمي بيوجعني اعمل اي بقيت بخاف من الغروب ديما قاعده لوحدي بحاول اقعد مع عيلتي مش بعرف حته اوضتي بقيت بخاف انام فيها مبحبش اصلي فيها مشعارفه لي بقيت حزينه بشكل كبير اووي حزينه اوي اوي حته تنضيف البيت مبقتش بعمل حاجه ، اسفه طولت عليكو..
بصي قربي من ربنا اول ما تسمعي الاذان على طول ادعي لأن الوقت ده بيبقى الدعوة مستجابة وادعي أن انتي ترتاتحي وكل الدعوات اللي انتي عايزاه وبردو لما تسمعي الاذان تقومي على طول تصلي ومتخليش الكسل يسيطر عليكي واقري قرأن وتذكري الله طول اليوم وقبل لما تنامي اهم حاجة أن انتي تقرأي اذكار النوم بتحميكي لغاية لما تصحي ف انتي واذكار النوم في ايه الكرسي وايه الكرسي بتحميكي من الجن لغاية ما تصحي هتكوني نائمة في حماية ربنا ومطمنة وبردو اقرأي اذكار الصباح واذكار المساء بتحميكي طول اليوم واصحي صلي الفجر وادعي وان شاء الله هتتحسني❤️
تم النشر الثلاثاء، ٢٣ يوليو ٢٠٢٤
قربي من ربنا كتيير وحاولي تسمعي قرآن وادعيلهم ب الرحمه وافتكري ان هما دايما في مكان احسن من هنا
تم النشر الثلاثاء، ٢٣ يوليو ٢٠٢٤
حبيبتي، واضح إنك بتعيشي ظروف صعبة وحالك مش مستقر من الناحية النفسية. أولاً، عايزة أقولك إنك مش لوحدك في ده، وإن كل مشاعرك وأفكارك دي طبيعية في الظروف الصعبة بس الخطوة الأولى والأهم إنك تعترفي بوجود المشكلة ودي حاجة قدرتي تعمليها بالفعل. نصائح عملية تقدري تعمليها عشان تحاولي تتحسني: التحديد والتقليل من استخدام الموبايل : حاولي تقللي استخدام الموبايل وأوقات السوشيال ميديا. التطبيقات دي ممكن تكون سبب في زيادة التوتر والقلق. الرياضة والتغذية السليمة : حاولي ترجعي لممارسة الرياضة، حتى لو كانت حاجة بسيطة زي المشي. كمان التغذية السليمة بتأثر بشكل كبير على حالتك النفسية، ممكن تبدأي بوجبات خفيفة وصحية. التنظيم اليومي : حاولي تنشئي روتين يومي بسيط. الأمور الصغيرة زي تصفيفة شعرك أو ترتيب غرفتك ممكن تعمل فرق كبير في حالتك النفسية. التدريبات النفسية : في تدريبات تنفس وتمارين استرخاء ممكن تساعدك. ابحثي عن تمرينات تنفس عبر الإنترنت وحاولي تطبقيها. الدعم الاجتماعي : مش لازم تروحي لدكتور نفسي، تقدري تستعيني بدعم من أشخاص قريبة منك—زي أصدقاء موثوق فيهم أو حتى أفراد من العيلة اللي ممكن يفهموك. نصائح نفسية: لا تتحملي نفسك الضغوطات : مش لازم تكوني مثالية، الناس كلهم بيكون عندهم أيام صعبة وأيام كويسة، فماتضغطيش على نفسك. التواصل مع الله : من الجميل إنك رجعتي للصلاة، حافظي عليها وحاولي تقومي بقراءة القرآن أو الاستماع له لأنه بيعمل على تهدئة النفس. التحديات اليومية : حاولي تركزي على حاجات بسيطة تفرحك في الحياة، أي شيء تحبيه وممكن يعمل ابتسامة على وجهك. لو حسيت إن وضعك بيزداد سوء، أو الأفكار السلبية بتتفاقم، مهم جداً تحاولي تتواصلي مع مختص حتى لو من خلال برامج مجانية او خط مساعد نفسي. وأخيراً، ما تقلقيش، أنتِ قوية، وكل ده مجرد فترة وهتعدي- المهم إنك تبقي واعية بحالتك وتحاولي تحسني منها خطوة خطوة.
تم النشر الاثنين، ٢٢ يوليو ٢٠٢٤
السلام عليكم ورحمه الله وبركاته. هو بناء على كثير من اللي انت قلتيها واضح جدا انك. متاثره بحاله الوفاه. والحزن بتاعها يعني موصلك لدرجه من الاكتئاب. فانا يعني نصيحتي لك انك تتابعي معاه طبيب نفسي او اختصاصي نفسي يكون متخصص اكثر في مساله الفقد لانه هي دي اللي مؤثره عليك. اييي وهي السبب تحول والتغير اللي حصل معاكي لانك واضح انك ما عبرتيني بشكل كافي عن الحزن اللي انت تشعري بيه من فقد الشخص اللي توفى يعني ضروري ضروري طبيعه الموضوع ده عشان تكوني احسن ان شاء الله الف سلامه عليك.
تم النشر الخميس، ٢٥ يوليو ٢٠٢٤
لعرض السؤال في فدني اضغط هنا