انا كنت بحب حد من طرف واحد وكنا اصدقاء وكنت راضيه وف يوم قالى أنه بيحبنى وعاوز يتجوزنى وفعلا كانوا احلى يومين ف حياتى لحد ما كان جه لبابا واتكلموا واتفقوا ع كل حاجه وكانوا متفاهمين وكل حاجه تمام جدا وكان مبسوط من بابا جدا وبابا كمان وف يوم م جالنا هو ومامته البيت انا كنت مكسوفه جدا الفكره أنه مشى وقطع كلام معايا نهائى استنيت يوم اتنين مش بيرد فعملتله بلوك بس كنت هتجنن من التفكير وحاليا عدى شهر وانا لسه مش عارفه ايه حصل ولسه لحد النهارده مش عارفه اتخطاه انا بس نفسي افهم ليه انا بفكر أكلمه علشان أخرج اللى جوايا مش شتيمه وكدا لا الكلام والمشاعر اللى محبوسه جوايا فهل انا كدا صح
ضرورى طبعا تحاولى تعرفى ايه حصل منه عشان تتخطى الموضوع وحتى لو معرفتيش توصليله وتفهمى هتلاقى المجهود اللى بذلتيه هيوازن الموضوع وهتزهقى وترميه ورا ضهرك
تم النشر الاثنين، ٢٥ ديسمبر ٢٠٢٣
من الواضح إن الموضوع عمل معاكي صدمة ولخبطة، وطبيعي إنك تحاولي تخرجي المشاعر والكلام الي جواكي عشان تتجاوزي الصدمة دي. لو في طريقة توصليله كلامك حتى لو برسالة فحاولي تعملي كده. لو مفيش يبقى تحاولي تخرجي الطاقة الي جواكي في صورة ما. ولو حصل واتكلم لازم تحسبيها
تم النشر الأحد، ٢٤ ديسمبر ٢٠٢٣
هو لو كان مهتم لمشاعرك من البدايه او امرك يهمه مش هيقطعك بالطريقه دى ومش فى فايده من الاتصال حاولى تبعدى وتبصى لحد افضل واللي مش تهميه.. متهتميش بيه وربنا يرزقك كل خير يارب
تم النشر الأحد، ٢٤ ديسمبر ٢٠٢٣
حاولي تخطيه وتعيشي حياتك عادي وبحلو وبمره ما تحاوليش تفكري فيه في تجارب كده في حياتنا بتيجي علشان تعلمنا حاجات احنا مش فاهمينها بس هنفهمها بعدين لان لو كلمتيه اي كلام هيقوله لك هيكون مبرر وهتحاولي تسامحيه ممكن وترجعي الموضوع ثاني يا اما هياذيكي بالكلام عشان مش عايز يرجع فالاحسن ان احنا نتخطى مشاعرنا وننسى الفتره دي ونكمل حياتنا عادي الحياه ما بتقفش على حد وما حدش هيموت من وجع القلب فالاحسن ان احنا نعتبر ان ده شر وبعد عننا ونكمل حياتنا بعد كده عادي
تم النشر الاثنين، ٢٥ ديسمبر ٢٠٢٣
لما بتقرري تكلميه فانتي منتظره رد وتفسير عن الي حصل .... واي رد منه فهو لا يبرر الموقف بالنسبة ليكي ... وبالتالي حاولي تفكري انتي كسبتي اي من التجربه دي واي السلبيات الي عدت عليكي ... فكري بعقلك مش بقلبك ... انتي قدها بس خليكي فاكره دايما ان انتي تستحقي كل خير ومش شرط انه عمل كدا يبقي انتي وحشه هي معادله من اطراف كتيره فمش شرط انك تكوني الطرف السئ في الموضوع لو عايزه تقيمي نفسك قيميها بموضوعيه مش لان دا حصل فانا فيا حاجه وحشه .... اتفقنا 💪💪❤️
تم النشر الأحد، ٢٤ ديسمبر ٢٠٢٣
اعتقد انك لازم تتخطيه بالتفكير في حياتك القادمة، ممكن يكون شر وربنا علشان بيحبك بعده عنك، اكيد في شئ ربنا كاتبه لشخص آخر يقدرك وتكون من نصيبه.
تم النشر الأحد، ٢٤ ديسمبر ٢٠٢٣
هو ممكن عنده عذر بس مفيش حد بيحب حد يسيبه لنفسه و تفكيره ف الافضل انك تتخطي الموضوع و تكملي حياتك لو كان خيرا لبقي
تم النشر الاثنين، ٢٥ ديسمبر ٢٠٢٣
الحل عشان بس تبقي مستريحه و مش حاسه بحاجه وحشه انك تكلميه و تعرفي السبب بس حتي عشان انتي نفسيتك ترتاح لاني انتي دلوقتي هتبقي تايهه و تقعدي تفكري هو اي الي حصل و حصل ليه و دماغك مش هتسيبك الحل الوحيد انك تعرفي اي السبب حتي لو مش هيكون فيه نصيب
تم النشر الاثنين، ٢٥ ديسمبر ٢٠٢٣
يمكن الراجل حصل معاه ظروف ياجماعة صحية مثلا، ... بس برضو كان حد من أهله اتواصل،... لا خليكي ماتكلميهوش وكملي حياتك عادي كأنه ماجاش...
تم النشر الأحد، ٢٤ ديسمبر ٢٠٢٣
حاولي تفهمي اكتر من والدك عن اللقاء اللي ما بينهم ولازم لو عرفتي أنه مفيش حاجه من ناحيتكم ف ده ترمي طوبته للأبد لأن الراجل يسيب الدهب لو مش عايزه ويمسك ف حتة بلاستيك لو نفسه فيها
تم النشر الأحد، ٢٤ ديسمبر ٢٠٢٣
نفس اللي بيحصل معايا نصيحه حاولي تنسي و متفكريش فيه تاني
تم النشر السبت، ٢٣ ديسمبر ٢٠٢٣
لعرض السؤال في فدني اضغط هنا