بنت اختي بتسرق فلوس من جدتها وامها مش عارفه أخبر امها ولا لاءمع العلم أن بنت اختي عندها ١٩ سنه
اعمل ايه ارجو الافاده
عزيزتي، أقدر مشاعرك حيال هذه المسألة الحساسة. من المهم أن نفهم دوافع السلوكيات غير الصحية مثل السرقة، فقد تكون ناتجة عن مشاعر عدم الأمان، أو الضغوط الاجتماعية، أو حتى شعور بعدم الاكتفاء. إليك بعض الخطوات التي يمكنك اتخاذها: التواصل مع الفتاة : حاولي التحدث مع بنت أختك بطريقة ودية وغير تحذيرية. اطرحي عليها أسئلة حول سبب قيامها بذلك وعبري لها عن قلقك بشأن تصرفاتها. التوعية بالعواقب : يمكن أن تكون هذه فرصة لتعريفها بالعواقب السلبية التي قد تترتب على السرقة، سواء كانت قانونية أو متعلقة بالعلاقات الأسرية. تشجيعها على طلب المساعدة : إن كان الأمر عميقًا ويحتاج لمساعدة احترافية، فشجعيها على الحديث مع مستشار أو مختص نفسي. التحدث مع الأم إذا لزم الأمر : إذا لم تتجاوب معك أو استمر سلوكها، قد يكون من الضروري التحدث مع والدتها، ولكن بحذر شديد، ويفضل أن يكون ذلك بطريقة تسلط الضوء على القلق والمحبة بدلًا من اللوم. كوني دائمًا بجانبها، وأظهري لها الدعم والرغبة في مساعدتها على التغيير. حفظك الله ورزقك الحكمة في هذا الموقف.
تم النشر الأربعاء، ١ يناير ٢٠٢٥
السلام عليكم ورحمه الله وبركاته 19 سنه مش صغيره فاحنا هنا قدام مشكله مع حد بالغ عاقل مدرك كويس جدا جدا انه اللي هو بيعمله ده غلط فالتعامل هنا مش هينفع بس يكون بالكلام اللي هو انت ما ينفعش تسرقه وده حرام وده عيب والكلام ده اولا احنا محتاجين نتكلم معاها علشان نشوف الفلوس اللي هي بتاخدها دي بتاخدها بتعمل بيها ايه دي جزئيه مهمه جدا هي بتاخدها علشان تعمل نفس الحاجات العاديه يعني هي بتاخد مصروفها العادي بتشتري بيه مثلا حاجات او بتخرج بيه مع صحابها فهي عايزه تخرج في مكان اغلى شويه فعشان كده بتسرق فلوس ولا بتاخد الفلوس بقى علشان تشتري حاجات هي المفروض انه الاهل اصلا مش موافقين عليها فهي بتاخد الفلوس تجيب الحاجات دي من وراهم من غير ما هم يعرفوا كمان انها بتجيب الحاجات اللي ما ينفعش نجيبها ولا بتوصل لدرجه ان هي بتاخد الفلوس تصرفها على حد ثاني ولا هي تاخد الفلوس ليه السبب اللي هي بتاخد الفلوس عشانه ده ضروري ان احنا نعرفه ونعرف هي بتاخده تعمل بها ايه ده اولا ثانيا والله لو اا الام وعيه ومش هتاخد رد فعل مفاجئ. ممكن يضر اكثر ما يفيد فاحنا ضروري ان احنا نقولها. نفهمها انه دي حاجه لازم هي تكون عارفاها وتبدا تاخذ بالها. وتاخذ بالها من الفلوس وتبدا تسال البنت عشان البنت تعرف انه مامتها بدات تاخدها لانه اكيد بما ان مامتها وجدتها مش واخدين بالهم او مش حاسين بالموضوع يبقى هما يعني حالتهم ماديه كويسه فمش واخدين بالهم لما الفلوس بتنقص. فضروري يبداوا يتساءلوا علشان يعملوا لها جزء توتر شويه انه احنا بدانا ناخذ بالنا ان الفلوس بتنقص وده اا لازم هي تحسه في الاول قبل ما نبدا نديها المواجهه بشكل صريح انه انت بتاخذي الفلوس. الجزئيه الثانيه ان احنا لما نتكلم مع البنت لازم نبدا نشوف احتياجاتها الاخرى النفسيه لانه طبعا مساله السرقه دي كمان لما يكون مفيش اصلا احتياج ليها الاهل موفرين كل حاجه فبيبقى هنا الدافع اصلا للسرقه هو احتياجي نفسي مش احتياج مادي فضروري نبدا نتكلم معاها هنحتياجاتها النفسيه هي ايه ناقصها في الحياه هل مفتقده اهتمام هل مفتقده حنان هل بتشعر بانه هي مش كفايه مثلا بيتقدم لها لون كثير او متوقع منها حاجات كثير وهي مش بتعملها فهي حسيناها مش كفايه الاسباب النفسيه بتبقى كتير اللي بتدفع الاشخاص ان هم يعملوا السرقه هم مش محتاجينه ف ضروري برده ان احنا نتكلم معاه هنفهم النقطه دي كويسه. لو البنت اعترفت ان هي عارفه ان دي حاجه غلط وانها المفروض ما تعملهاش بس مش قادره تمنع نفسها فدي هتبقى جزئيه مهمه قوي وكويسه جدا ان احنا نبدا نقول لها طيب احنا هنروح لحد يساعدنا في انك توقفي الحاجه اللي انت مش عارفه توقفيها دي ونبدا ولا ان احنا هنروح لاخصائي اخصائي ده يديكي شويه حاجات تبداي تعمليها ويفكر معاكي في الموضوع عشان.
تم النشر الأحد، ٥ يناير ٢٠٢٥
ما دخل اللين فى شيء إلا زانه و ما نزع من شيء الا شانه. يعنى بالراحة انتى لو يهمك فعلا أمر بنت اختك لازم تكلمى معاها و تعرفى هى ليه بتعمل كدا. مع انهم أمورهم المادية زى ما حكيتى متيسرة . فاللى هى بتعمله ملهوش مبرر . و بعدين دا ممكن ميكونش سرقة بمعناها الحقيقي من وجهة نظر بنت اختك . زى طفلة صغيرة بتقول حاجات محصلتش و يكون خيالها واسع و بتطلعه فى صورة حاجات مختلقة محصلتش . قد يكون الأمر مرض نفسى و بيحصل معاها أنها شايفة أنها قد تكون حرمت من شيىء ما فى طفولتها والأمر تطور معاها لغاية ما كبرت . وانتى اكيد مش حتقعدى أربعة وعشرين ساعة مراقباها . فلازم علاج . و بلاش تقولى لأختك أو جدتها دلوقتى. بس لازم توعى بنت اختك بخطورة الموضوع. لأنها بعد كدا حتنزل الحياة العملية و الأمانة متعلقة بالثقة و الشرف و النجاح. أنا متأكد انها فى مواقف كتير بتكذب . لأن الموضوع بيبقى صفة بتظهر فى الإنسان و بيبقى ليها فروع اخرى . زى الإنسان البخيل بيبقى شخص عصبى و انانى و خائن . بتبقى صفات مترابطة ببعض. الكذاب بيبقى شخص غير امين و غير مأمون الجانب و غدار و ذكى زى النصاب بالظبط. فالموضوع مش سهل و لازم تكونى على تواصل مع اخصائى نفسى حقيقى مش مدربين التنمية البشرية. اخصائي نفسي او طبيب نفسى . شخص مؤهل درس علم نفس و سلوك . و فى مرحلة لازم تخبرى امها بالموضوع بس بالراحة و متقلهش أنها بنتها بتسرق . خلى الموضوع يجى أنها بتأخد فلوس من وراها . خليكى حريصة فى كلامك مع اختك و لو انتى قريبة من اختك . كلميها من باب حرصك على مصلحة بنت اختك. و تفكير اتنين غير تفكير واحد. و ربنا معاكم و يصلح حال بنت اختك
تم النشر الأربعاء، ١ يناير ٢٠٢٥
كويس خالص يعني البنت في سن عاقل الحل أنك هتخديها في فسحة وتروقيها وفي آخر الجولة ولوحدكم وفي مكان هادي مفيش زحمة حاولي تشكي لها حاجة من همومك مثلا دين من الديون وكدا وبعدين قوليلها أن احنا هنكرر الفسحة تاني يوم كذا وفي المرة الثانية وفي آخر جوله هتقولي الكلام ده معلش لو في اساءة لحضرتك بس كله لإصلاح الحال .. أنتِ عارفة يا فلانة، البنت يعني، أنا لما كنت صغيرة طلبت من أمي تجيبلي عروسة من محل اللعب بس هي رفضت فروحت من وراها أخدت الفلوس واشتريت العروسة وكنت مخبيه اللعبة علشان متشوفهاش وبعدين ماما تعبت فجأة ولما أختي أو بابا دور في الدولاب ملقاش فلوس وراح أو راحت يستلف من جارنا فلان ملقاش لحد ما راح لجارنا فلان وعطا له بس لما شوفت بابا وهو بيدور على الفلوس وأنا اللي أخدت الفلوس وشوفت ماما تعبانة عيط يامه صحيح محدش عرف اني سرقت بس بعدها من اللي شوفته من تعب ماما وحيرة بابا قولت ولو عرايس الدنيا بحالها أنا عمري يا بنتي ماحكيت الكلام ده غير ليكي ولما كبرت بقرا في التليفون على التليفون حديث للرسول عن السرقة ويقول لو أن فاطمة بنت محمد سرقت لقطعت يدها ساعتها حمدت ربنا .
تم النشر الأربعاء، ١ يناير ٢٠٢٥
انا متفقه مع انك تكلميها الاول بس انا اعرف حد بيعمل كده عشان بيعاني من مشكله نفسيه زي عدم الاهتمام فبيحاول من خلال السرقه أنه يلفت الإنتباه فجربي تتكلمي معاها وتساليها ليه هي بتعمل كده
تم النشر السبت، ٤ يناير ٢٠٢٥
كلميها الاول
تم النشر الخميس، ٢ يناير ٢٠٢٥
كلميها الاول لو مبطلتش عرفي والدتها
تم النشر الأربعاء، ١ يناير ٢٠٢٥
قولي للبنوته الاول وتتكلمي معاها براحه وفهميها ان كدا غلط
تم النشر الأربعاء، ١ يناير ٢٠٢٥
اتكلمى معاها وقربيها منك واديها الامان وعرفيها انك عارفة .. افهمى بتعمل كدا ليه وخديها بالعقل والهداوة وساعديها.. اهم حاجة متخوفهاش منك..
تم النشر الأربعاء، ١ يناير ٢٠٢٥
لعرض السؤال في فدني اضغط هنا