امبارح كنت بقرأ عن ال ADHD بالصدفة لقيت كل أعراضها حرفيا عندي وانا بعاني منها من سنين طويلة دايما بأجل أعمالي وبمل بسرعة وتركيزي بيتشتت بسهولة ومن الصعب أكمل اللي بدأته ببقى مثلا عاملة to do list مش بكملها دا لو بدأتها أصلا ومتأخرة جدا عن زمايلي ، قرأت عن علاجه امبارح وعرفت اني لازم اتابع مع دكتور نفسي يتابع التطور ويرشدني بس أنا عايزة أعالج دا بنفسي تنصحوني ب أي وعايزة حل لأن الموضوع مأثر على حياتي بالسلب جدا
الأحسن تروحي لدكتور يشخصك ويقولك المفروض تعملي ايه ومتخافيش يا حبيبتي كل حاجة بتعدي وإن شاء الله تبقى احسن بكتير
تم النشر الاثنين، ٢٩ أبريل ٢٠٢٤
شكرا جزيلا على مشاركتك ايه الوسيلة لتشخيص اي مرض سواء عضوي او نفسي ؟ هل كل الاعراض لو انطبقت عليا يبقي أنا مصاب بالمرض؟ هل بمجرد قرائتي عن مجال معين اكون خبير به؟ للأسف الكثير منا قد يكون عنده بعض القلق بسبب الحياة ورتمها المتسارع فيتسلل القلق لباقي حياتنا ومن ضمن الافكار المقلقة أن أنا أما أقرأ عن مرض معين اشعر بأعراضه ولذلك بعض الدكاترة ينصح بعدم قراءة النشرة الداخلية وقراءة الاعراض الجانبية لان بعض الناس بمجرد قرائتها تصاب بيها _ايه الوسيلة لتشخيص المرض ؟ الذهاب لدكتور متخصص ذو خبرة فالمجال نفسه _هل الاعراض لو انطبقت عليا يبقي أنا مصاب بالمرض ؟ طبعا لأ لان كل عرض له مقياس شدة ومقياس مدة _هل بمجرد قرائتي عن مجال أكون خبير به ؟ اي مجال محتاج دراسة وتدريب وممارسة علي ارض الواقع لسنين لاكتساب الخبرة الكافية وللأسف لو زاد الموضوع عن حد معين قد يدخل فالتوهم المرضي او السايبركونداريا وهوا مصطلح جديد عن البحث التكنولوجي عن الأمراض وأعراضها عبر محركات البحث لمدد طويلة
تم النشر السبت، ٢٧ أبريل ٢٠٢٤
لو لقيتي حل قوليلي عشان الماديات مش احسن حاجه عندي عشان انا متبهدل حرفيا وحاسس اكن عندي ADHD
تم النشر الأحد، ١١ أغسطس ٢٠٢٤
+1
تم النشر الخميس، ٢٥ أبريل ٢٠٢٤
لعرض السؤال في فدني اضغط هنا