بقالي فتره كبيره جدا بتلغبط في ركعات الصلاه وقراءه الايات في اول ركعتين مش بفتكر بكون قريت سوره مع الفاتحه ولا لا، والمشكله الاكبر ان انها اثرت نفسيا عليا تجاه ربنا لان مستحيل يكون طبيعي اللي انا فيه دا مكنتش بتحصل قبل كدا واني انسى الركعات بحس ان دماغي اتمسح في الركعه التانيه وبحس اني في التالته ساعات اقرأ تشهد في الاولى حاولت اصلى وفي جيبي اقلام كل اما اصلي ركعه اضع قلم على الارض حتى ولما بذهب للمسجد بنسى اي ركعه
لحد اما بقيت خايف جدا اني اقطع الصلاه من كتر زهقي من نفسي وحاسس ان مخي دا بيأدي الصلاه بشكل تلقائي ماني بقود سياره كانه اتحفظت على مجرد حركات في عقلي الباطن ووالله ما كنت في هذا قبل عام لكني من العام الماضي في شهر 7 وانا اعاني من نسياني في الصلاه واحس ان ربنا مش عايزني اكون فيها لان فعلا مش حاسس بيها وخايف اوووووي ارجع اني مصليش 😓😓
تم النشر الثلاثاء، ٤ يونيو ٢٠٢٤
دي مجرد وسوسه شيطان اول متبدأ الصلاه استعيذ باللّٰه من الشيطان الرجيم و ابدأ هقولك فكره كنت بعملها ف الحاله دي هي إني مثلا لو هم ٤ ركعات بصلي اول ركعتين ب سور مختلفه و براحه و بصوت عالي اسمعو ف مبنساش و ركز ف كل كلمه بتقولها متشغلش دماغك ب حاجه تانيه ركز ف معنى الكلام نفسو و لو مثلا هصلي سُنه طويله ذي سنن الضهر اربع ركعات قبل و اربع ركعات بعد بس اكيد متقسمين ركعتين و ركعتين يعني بالظهر حوالي ١٢ ركعه بين كل ركعتين بجيب المصحف و احفظ آيتين مثلا و اطبقهم ف الصلاه دا بيخليني مبنساش ممكن تعملها ف الضهر او العصر او بين الفجر و السُنه بتاعتو و لو اتغبطت صلي سجده السهو اللي هو قبل متسلم بتسجد مرتين و بعدها تسلم ذي كدا https://youtube.com/shorts/3pm9tTOYfjk?si=uggKMnSdWo-TrR8N و ادعي ربنا إن متنساش الصلاه و يثبتك
تم النشر الأربعاء، ٥ يونيو ٢٠٢٤
بص دا عادي كلنا بننسى كتير ودا شئ طبيعي، وكلنا بنسرح ودا شئ طبيعي برده، انا فاكرة قصة زميلتي قالتهالي ان ايام النبي صلى الله عليه وسلم قالهم في مرة اللي هيكمل الصلاة من اولها لآخرها بدون سرحان هديله مكافأة( مش فاكرة كانت ايه المكافأة بس كانت حاجة بتاعت النبي صلى الله عليه وسلم، غالبا كانت العباية بتاعته)، المهم لما خلصوا مفيش غير واحد بس اللي ماسرحش والباقي سرح. فلو نسيت ركعة يعني مثلا لو صليت التالتة وحسيت إنك ماصليتش التانية... بتصليها في الآخر عادي جدا وبتسجد سجدتين سهو قبل التسليم، الحكم دا في حالة انك نقصت ركعة الحكم التاني في حالة الزيادة فعادي برده صلاتك صحيحة بس هتسجد سجدتين سهو بعد التسليم (الدين يسر) الحكم التالت هو انك لو مش فاكر انت صليت كم ركعة فانت بتبني على العدد الأقل وتكمل صلاة، ودا غير الحكم الأول... الحكم الأول لو نسيت التانية ودخلت في التالتة مثلا... اما دا لو نسيت انت صليت ركعتين ولا ٣ بتحسبهم ٢ وهكذا آخر حاجة بقا في حالة الوسواس القهري فالمسلم مش مطالب بأي حاجة من دول، لإنه بيكون من الشيطان فهنا الحكم انه يكمل صلاته عادي... ودي اظن حالتك -والله أعلم- يعني لو جالك تفكير في دماغك انك صليت ٣ بس وانت حاسس انك صليت ٤، احسبهم ٤؛ لإني أنا شايفة ان سنة كتير لغاية اما تتحسن ان شاء الله. يارب اكون وصلت المعلومة كويس ولو حاجة مش واضحة قولي اوضحها وماتخليش الشيطان يدخلك من المدخل دا ويضحك عليك وافتكر ان الدين يسر
تم النشر الأربعاء، ٥ يونيو ٢٠٢٤
عانيت مشكلتك بالضبط فتغلبت عليها بوسيلتين: صليت حسب أفضل ظنوني ولم أعد ألتفت كثيرا لنسياني وغفلتي، واستخدمت خاتما انقله من اصبع لاخر، كما استخدمت انت الأقلام لأعرف كم ركعة صليت. تمسكت بالقاعدة الفقهية في أن تأخذ باليقين ثم بما هو أقرب. صليت وانا موقن انني إذا زدت في الركعات عن المفروض، أثابني الله، وإذا قصرت فلن يحاسبني الله على غفلة لا أملك لها حلا ولا يد لي في التغلب عليها. تابع صلاتك وان دعت الحاجة ان تحافظ على فرائض الصلاة من اقوال وحركات دون السنن، فقراءة سورة بعد الفاتحة سنة على سبيل المثال لا الحصر، لتكون أسهل عليك وأخف ان خشيت الانقطاع عنها.
تم النشر الثلاثاء، ٤ يونيو ٢٠٢٤
مرحبًا! فاهمه تمامًا مشكلتك وحاسه باللي بتمُر بيه. الأمور الدينية حساسة وأي لخبطة فيها بتزود من قلقنا وتوترنا. حبّيت أقول لك إنك مش لوحدك، ناس كتير بتواجه المشاكل نفسها وفي حلول بإذن الله. أول حاجة أحب أقولك إن ربنا رحيم وعالم بظروف كل واحد فينا. مسألة النسيان في الصلاة ممكن تكون نتيجة ضغط نفسي أو توتر زائد، مش لازم يكون لها سبب روحي زي ما بتفكر. في معلومة مهمة ممكن تساعدك: في حالة النسيان، ممكن تلجأ لسجود السهو، اللي بيكون في النهاية قبل التسليم. ده ممكن يكون حل عملي ويريحك شوية. نصائح تانية ممكن تساعدك: التروي والتركيز: حاول تحضر نفسك قبل الصلاة بخمس دقائق. اقعد في مكان هادي وتفكر في النية والركعات. الوسائل المساعدة: ممكن تستعين بتطبيق على الموبايل بيفكرك بالركعات أو يستخدم مسبحة. التدريب العقلي: مارس تمارين تنفس وتركيز لتحسين ذاكرتك أثناء الصلاة. الاستشارة: لو المشكلة استمرت، ممكن تستشير شيخ موثوق بيفهم حالتك أو طبيب نفسي يساعدك على تخفيف التوتر. وأخيرًا، لا تخف من ربنا. هو يعرف ما في قلبك ويعلم نيتك الصافية. ربنا معاك وكلنا هنا بندعيلك تتحسن وترجع تصلي وأنت مطمئن وسعيد. 🌷
تم النشر الثلاثاء، ٤ يونيو ٢٠٢٤
اسأل الله المعافاه
تم النشر الخميس، ٦ يونيو ٢٠٢٤
+1
تم النشر الأربعاء، ٥ يونيو ٢٠٢٤
واياك ان شاء الله
تم النشر السبت، ٨ يونيو ٢٠٢٤
لعرض السؤال في فدني اضغط هنا