لم أعد أريد الحياة ولا أجد سببًا يجعلني أرغب في العيش، ما العمل؟

Question

نفسى ارجع طفلة تانى طفلة مش شيله هم حاجة وكانت عايشة حياه هاديه طفلة كانت شايفة لسه الحياه حلوة وعاوز تتعاش انا 17 سنه بس إلى شوفتوا فى الدنيا وحصل فحياتى اكبر من سنى ياريت مكنت كبرت ولا كنت اتولد اصلا عاوزة اخلص من حياتى وفنفس الوقت بتراجع علشان ربنا بس انا خلاص مفيش سبب يخلينى اعيش اصلا

Accepted Answer

مفيش سبب يخليكي تموتي برضو اصل الموت مش سهل الحياه صعبه ومتعبه وبيجي اوقات بتفقدي الامل بس انتي لسه عايشه والحياه لسه مستمره يبقي كملي مفيش سبب يخليكي تقفي لان محدش هيبص وراه عشانك فلازم تبقي قدام عشان الناس تشوفك انا عارف ان المسؤليه بتكبر وان الضغوط بتتعب والصدمات الي بتيجي من غير متستاذن بس لو فضلنا نبص للماضي مش هنصلحو ولا هنتفادي الاخطاء في المستقبل فمتجلديش ذاتك لان الي راح خلاص خلص فكري في الي جاي صدقيني الدنيا فيها حجات حلوه بس للي. بيدور عليها هيا مش هتيجي تدور علينا

Answer

انا عايزاكي تفكري في كل الحاجات اللي انت ممكن على اساسها تتحسب لك حاجات كثيره وجميله جدا خليك توصلي لنتيجه حلوه في الاخر حتى لو مش معاكي الشخص اللي اتحرمتي منه علشان لما تقابليه يبقى عندك حاجات كتير جدا تحكيها له تقولي له انا عملته وعملته وعملته وعملته ليه تحرمي نفسك من كل ده ليه تحرمي نفسك من طعم الانجاز اللي يخليكي فخ بخساره ارجوكي ما تكرريش انك تخسري.وره بنفسك قدام الناس اللي بتحبيهم حتى لو الشخص اللي انت اتحرمتي من انك تكوني معاه او قدام نفسك او قدام ربنا احنا هنتسال على عمرنا فلو قعدنا نضيعه في ان احنا قاعدين مستنيين شكل حياه معين ومش قابلين غير بان احنا عايزين الشكل اللي في دماغنا فاحنا بنضيع وقت بس ارجوكي ما تضيعيش وقت ما تضيعيش وقت فانك واقفه في نقطه في الماضي ومش عايز تتحركي لقدام امشي مع الوقت ومع الدنيا اللي قدام. ما تفضليش واقفه هناك في الماضي لانك بتعملي مقاومه مش هتجدي نفعا خالص ولا هترجع لك اللي راح ولا هتوجد لك شيء انت نفسك فيه ولا هتخلي اي حد يجي يحقق لك اللي انت عايزاه لو انت اللي ما اشتغلتيش في الحياه مفيش حاجه هتحصل وحتى لو انت قاعده منتظره الموت هيبقى انتظار..

Answer

انا أسفة جدًا تسمعي الكلام ده، وأفهم إن الحياة ساعات بتكون صعبة جدًا. بس خليني أقولك حاجة: لحظات الألم أوقات بتكون مش جايبة أي معنى، بس في نفس الوقت، بتكون جزء من تجربة الحياة اللي بتعلمني وتكبرني. عندك 17 سنة، ولسه قدامك دنيا كبيرة تستكشفيها. في مواقف زي دي، مهم جدًا تلاقي حد تحكي معاه، ممكن يكون صديق قريب أو فرد من العيلة تثقي فيه، أو حتى اختصاصي نفسي. الحكي مع حد بيفهمك ممكن يخفف عنك الحمل الكبير اللي شايلتيه. حاولي تجربي تتذكري الحاجات الصغيرة اللي كانت بتسعدك وأنتي طفلة، وجربي تعيشيها تاني. ممكن تكون موسيقى بتحبيها، أو رسم وتسليك. حاجات بسيطة كتير ممكن تجيب السعادة اللي ناسيها. وأهم حاجة، لو حاسة إن الألم بيزيد أو إذا فكرتي تضرّي نفسك بأي شكل، لازم تتواصلي مع أخصائي نفسي فورًا أو تتكلمي مع حد في عيلتك. ربنا خلقك لحكمة، وإنتِ غالية ومهمة في الدنيا دي أكتر مما تتخيلي. اذا حبّيتي، احكيلي أكتر عن اللي مريتِ بيه، أنا هنا أسمعك وأساعدك على قد ما أقدر.

لم أعد أريد الحياة ولا أجد سببًا يجعلني أرغب في العيش، ما العمل؟

نفسية

اكتئاب

خوف

سؤال من احد أعضاء فدني

تم النشر الأربعاء، ١٠ يوليو ٢٠٢٤

3 إجابة

22 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك