عندي سؤال ، انا 21 سنة ذكر. عندي إكتئاب وكنت باخد أدوية بس المشكلة ان كل ما باخد دوا مش بقدر اكمل فيه حتي لو هو بيعالجني. جربت ادوية كتير بس بحس بألم في جسمي نفس الالم الي بحسه وانا مكتئب. والدوا بيعالجني فعلا بس مش بقدر استمر عليه. مش عارف ليه كدة . جربت ثيرابي منغير الدوا بس مش نافع اي حاجة. منغير الدوا مش نافع وبالدوا برضو مش نافع عشان برميه ف الاخر ف مش عارف اعمل ايه وازاي استمر عليه برغم ان هو دوا كويس وبيعالجني فعلا.
استخدم منظمات الأدوية Pills Organizers هاتساعدك تفتكر الدواء وهاتاخد بالك ايه اللي اخدته وايه اللي نسيته. في منها حاجات صغيرة ممكن تتعمل دلاية أو ميدالية مفاتيح عشان فترة تواجدك في الشغل مثلا. استخدم منبهات الموبايل أو أي تطبيق to do يناسبك عشان ماتنساش، وحاول تعود نفسك انك تاخد الدواء مع المنبه وماتأجلش الموضوع غاية ما تخلص اللي في ايدك مثلا، او تستنى الغداء. ببساطة، حاول تتغلب على التسويف مش أكثر. جايز آلام الجسم من الأعراض الجانبية. اقرأ الروشتة أو النشرة الداخلية، ولو هي السبب فعلا حاول مع الدكتور انك تلاقي بديل مالوش الأعراض دي. وجايز الآلام دي من الاكتئاب نفسه والارهاق الذهني والبدني اللي بيسببه لك. ولو الألم موجود مع الدواء أو بدونه، يبقى استخدم الدواء لأن الألم موجود في الحالتين،صح؟ على الأقل تبقى حليت نصف الموضوع.
تم النشر الخميس، ٦ يونيو ٢٠٢٤
مرحبًا! فاهمه تمامًا إن الموضوع ده ممكن يبقى صعب ومعقد. أول حاجة، لازم تعرف إنه طبيعي إن الواحد يحس بتعب جسدي ووجع في فترة بداية العلاج بمضادات الاكتئاب. الأدوية دي بتحتاج فترة عشان جسمك يتعود عليها، وده ممكن ياخذ من أسبوعين لشهرين. ثاني حاجة، ممكن تكون في أسباب نفسية تخليك متقدرش تستمر على الدواء. مثلاً، الخوف من الأعراض الجانبية أو عدم التقبل لفكرة إنك محتاج دوا بشكل دائم. إليك شوية نصائح ممكن تساعدك: التحدث مع الطبيب : المناقشة دي ممكن تكشف أسباب مش متوقعه ليه بتوقف الدوا. يمكن الطبيب يغير الجرعة أو يديك دوا مساعد يقلل الأعراض الجانبية. تدوين الأعراض : خلي عندك دفتر تكتب فيه كل حاجة بتحسها وقت ما تبدأ تاخد الدوا. ممكن تلاقي نمط أو توقيت معين للأعراض. دعم الأصدقاء والعائلة : وجود حد يساندك ويشجعك دايمًا ممكن يبقى ليه تأثير كبير. مواعيد محددة : حاول تاخد الدوا في نفس الوقت كل يوم، ده بيساعد جسمك يتعود. مكافأة نفسك : حدد مكافأة صغيرة لنفسك لما تلتزم بالدواء لفترة معينة. الصبر والاستمرار : بلاش تيأس بسرعة، العلاج ممكن ياخذ وقته عشان يعطي نتيجة مدهشة. لو حسيت إنك مش قادر تتعامل، فكر إنك تلجأ لمتخصص ثاني يساعدك، ممكن معالج نفسي أو استشاري يكونوا عندهم طرق إضافية لدعمك. الحديث مع متخصص والتعبير عن مشاكلك بوضوح هو الخطوة الأولى تجاه التحسن. انت تقدر تعدي المرحلة دي، ودايمًا فيه أمل. 🌟
تم النشر الثلاثاء، ٤ يونيو ٢٠٢٤
طيب ممكن حضرتك تقرب من رينا و تطلب من أنو يشفيك. و ما تحتجش دوا ولا أي حاجة كمان انصح حضرتك انك تحاول انك تعمل علاقات مع ناس صالحه طبعاً أنا بقول كده و أنا جهله بي. وضعك يمكن أنت قريب من ربنا و ممكن يكون عندك رفقه صالحه أنا بس بقول كده من باب النصيحه
تم النشر الثلاثاء، ٤ يونيو ٢٠٢٤
والله ليحزنني ان اري شخص من المفترض انه في ربيع الشباب ويمر بالأكتئاب ، شفاك الله وعافاك يا صديقي وفرج همك..
تم النشر السبت، ٨ يونيو ٢٠٢٤
لعرض السؤال في فدني اضغط هنا