لو اهتمامات الشخص مختلفة تماما عن اللي حواليه او القريبين منه
ومش بيحب يشارك حد انجازاته او اهتماماته لانه مش بيحب حد يسخر منه او من اختلافه
لو مش بعرف انصح اللي حواليا لخوفي من عدم تقبلهم ولأن مفيش حد حواليا بيتقبل نصايح كله بيشوف دا بتريقه
هل دا صح ولا غلط ولا اي المشكلة
زائد اني مش بقدر اعبر عن الكلام دا للناس بردو انا مش بقدر اتكلم وحاسه اني هوصل قريب للخرس عندي وسواس اني لازم اسكت حتي لما ببقا داخله اكتب عن حاجه وعايزه اعبر عنها برجع وببطل خالص
اي الحل
طبيعي ان الاهتمامات بتختلف ... ولو انت بتحب حاجات وناس تانية بتسخر منها او مش من مفضلاتهم ده شئ عادي جدا ... ومش معنى انهم مختلفين عنك يبقى انت كده غلط، او عندك مشكلة ... اللي مش متقبل الاختلاف هو ده اللي غلط ... لانه مش طبيعي ان كل الناس تبقى شبه بعضها. ف اول حاجه لازم يكون عندك اليقين بنفسك وبذاتك .. وان انك اللي طبيعي والناس هي اللي عندهم مشاكل ... ومعندهمش ثقافة الاختلاف .. وقول رأيك وشاركه لو عندك رأي في حاجة معينه لا تخجل من كده، ايه اللي هيحصل ؟ الناس هتنتقد رأيك طيب ما الناس بتنتقد اراء ناس كتير ... الناس اساسا هتفضل تنتقد، وهتفضل تقول رأيها في كل حاجه .. الصح اللي تعملوا بقى انك تركز على نفسك ... ركز على نفسك ومتركزش على الناس واللي بتعملوا.
تم النشر الأحد، ٣٠ أبريل ٢٠٢٣
هو ده ولا غلط ولا فيه مشكله خالص بالعكس قد تكوني مميزة عنهم في امور كثيرة ومش لاقيه ال شبهك بس كده انت مش منسجمه او مندمجه مع طباعهم وده مش عيب فيك الحديث بيقول الارواح جنود مجندة ما تعارف منها ائتلف وما تناكر منها اختلف بالنسبه لانك مش بتنصحي عشان التريقه فأنصحك انك متعمليش كده انصحي في موضع النصيحه عشان ٣ حاجات اول حاجه عشان لما تكوني بينك وبين نفسك متحسيش انك قصرتي او كان المفروض تنصحي ومنصحتيش تاني حاجه عشان كتر النصيحه حتى وان قوبلت بالتريقه صدقيني بيجي يوم سبحان الله وتطرق قلب احدهم فيستجيب ولو بنسبه بسيطه وممكن يتذكر نصيحتك بعد زمن طويل ويعمل بها وكلامي ده عن مواقف عديدة تعرضت لها انا مقدرة جدا ان شعور التريقه واحساسك انك الوحيده ال بتنصحي او اخده اتجاه معين بيؤذي نفسيا وبيضايق ولكن اثره في نفوس الناس ال بتسمعيهم كبير وبتشوفيه بعد تكرار النصيحه وتكرار المواقف ثالث حاجه انصحي عشان تعملي لنفسك بينهم كيان ونظام ووضع كله يبقى عارف يعمل لك حساب في طريقه التعامل معاك بعد كده حفظا للود كل ده بعد مواقف كتير مريت بها كنت زيك كده فيها والحمد لله ربنا علمني 🥰🥰 بالنسبه لانك مش بتعرفي تعبري انت محتاجه بس ثقه وشجاعه في نفسك وانك تتكلمي مرة واتنين وتلاته وتقيمي نفسك بعد كل مرة وتتعلمي من غلطاتك وكده موضوع ممارسه مش اكتر كل ما هتتكلمي وتعبري اكتر هتعرفي كل مرة تبقي افضل من ال قبلها ان شاء الله بس متسيبيش نفسك لفكرة انك مش بتعرفي بالتوفيق
تم النشر الاثنين، ١ مايو ٢٠٢٣
فلنتحدث بشكل واقعي، لأن غير هذا لن يفيد. برأيي أن المرحلة التي أنتِ فيها هي مرحلة النضوج، ولكن لأنك غير مدركة لذلك فتشعرين بالغرابة. إننا في بدايات المراهقة والشباب يكون لدينا حماس لإقناع الكل بأفكارنا نغضب عندما نجد ما نؤمن به لا يساوي شيئًا عند الآخرين. نغضب، نثور، نحاول اقناع الجميع بأفكارنا، واثبات إننا على صواب، ولكن ... لا شيء من هذا يعود بفائدة، وما علينا فهمه أننا أولى بطاقتنا، وأنه ليس من الحكمة الدخول في كل حرب نقابلها. علينا تخير حروبنا بعناية، وما تفعليه ليس بشيء خاطئ بل أنتِ على صواب تمامًا بعدم الرد على كل شيء. أما عن اختلافك فالمثل يقول لولا اختلاف الأذواق لبارت السلع. وأنا أقول لولا اختلاف البشر وتنوع شخصياتهم لصارت الحياة لا تطاق، ولرأينا آلاف البشر ينهون حيواتهم بأنفسهم، أو يفتعلون أمورًا جنونية بحثًا عن شيء جديد مختلف. اختلافك نعمة، كوني على يقين بهذا. استمتعي بفعل كل ما تحبيه غير عابئة بما يقوله الناس عنك، أو يفعلونه من سخرية وتنمر. وتدربي على التجاهل، أن تسمعي الكلمة فتتجاهليها ويكأنها لم تنطق من الأساس. السفيه حله التجاهل يا صديقتي، ومن يشغل باله بالناس وينصب نفسه حكمًا عليهم يسخر من اختلافاتهم وأذواقهم هو برأيي سفيه ليس لأ أعانك الله يا صديقتي ورزقك راحة البال
تم النشر الأحد، ٣٠ أبريل ٢٠٢٣
لو اهتماماتك مختلفة عن القريبين منك ف دي حاجه عادية جدا احنا كبشر مختلفين .. و النقطة دي كانت عندي بردو و مكنتش بقول لحد انا بعمل ايه و لا بشارك اي حاجه مع حد خوفاً من أن حد مبيفهمش حاجه يتريق او يقولي كلمة ممكن تحبطني من الحاجه اللي بتعلمها او اللي انا مهتم بيها و يمكن يكون عندي طموح و أهداف مستقبلية فيها كمان ف كنت بخاف اني أتكلم للأسباب دي و كنت بشتغل مع نفسي في صمت و دا كان صعب عليا طبعا لان الإنسان مهما كان قوي ف هو محتاج يشارك اللي حواليه و ياخد رأيهم ، ينصحهم و ينصحوه و كدا يعني ولكن كنت بحس أن طالما انا صح و بعمل الحاجة اللي حاببها فمش مهم حد تاني يهتم ..المهم قعدت كدا لمدة 6 شهور مثلا و بعدها ربنا بكرمه بعتلي صحبة صالحة بقيت بشارك معاهم حاجات كتير جدا ولقيت أن اهتمامتنا زي بعض في حاجات كتير وحتي لو مختلفين فكنا بنتقبل الاختلاف دا و نشجع بعض عادي جدا .. ف اللي عايز اقولهولك ان أيا كانت اهتماماتك ايه ، طالما حاجه مش حرام اوعي تحسي انك بتعملي حاجه غريبة أو شاذة عن الناس اللي حواليكي بالعكس انك تكوني غريبة في الزمن دا حاجه كويسة جدا .. ف استمري في اللي انتي بتعمليه عادي و ربنا يكرمك بناس تبقي عندها نفس اهتماماتك ان شاء الله و ممكن كمان تدوري بنفسك علي جروبات الفيس او الدورات اللي بتبقي علي التليجرام مثلا .. أما بالنسبة للنقطة التانية وأنك بتخافي تتكلمي أو تقولي رأيك و تنصحي الناس .. ف هقولك حاجه فكك من الناس خالص .. وابدأي حلي المشكلة دي لنفسك عشانك و عشان مستقبلك انتي في المستقبل هتكوني زوجة و أم و هيبقي واجب عليكي أنك تتكلمي و تنصحي ، و ممكن تكون بتشتغلي في مكان ما ف لازم يبقي ليك رأي وتعرفي تعرضي وجهه نظرك صح .. ف اوعي تخافي و شيلي الاوهام دي من دماغك و عادي اغلطي و اتعلمي و اتكلمي بأي طريقة و كل مرة طوري منها و قولي رأيك في اي حاجه بردو عادي .. احنا مش مسؤولين عن بجاحة اللي حوالينا اللي ممكن يحسسونا أن رأينا ملوش قيمة أو أننا بنقول أي كلام .. فـ خدي قرار انك تعملي دا لنفسك و بس وتقدري تشوفي حد علي اليوتيوب مثلا بيتكلم في الموضوع دا و ان شاء الله الوسواس دا يروح و تبقي تمام ❤️
تم النشر الأحد، ٣٠ أبريل ٢٠٢٣
صحيح أن تصبح محاطاً بالناس الذين لا يشاركونك نفس الاهتمامات يمكن أن يكون عزلة وتجربة صعبة. إذا كان لديك شغف أو هواية مهمة لك، يجب أن تحاول العثور على مجموعة أو مجتمع يشاركك نظرتك وتوجهاتك وذلك طبيعي وشائع للغاية ، كما يمكنك الانضمام إلى الأندية الرياضية أو الفنية التي ترغب فيها أو الانضمام إلى جروبات على الإنترنت التي تشارك أفكارك وأهمياتك . وكذلك يمكنك تحديد نقاط القوة لدى الأشخاص القريبون منك والذين لديهم اهتمامات مشابهة، كما يمكنك تحديد كلامك بمهارة واحترام لعدم تعرضك للاستهزاء والتنمر. وبخصوص عدم القدرة على التعبير عن مشاعرك، يمكنك البحث عن طرق بديلة للتعبير عن الذات مثل الكتابة أو الفن أو الموسيقى أو التمارين الرياضية. كل الأمر يتطلب المزيد من الوقت والتحلي بالصبر، ولكن في النهاية، ستجد مجموعة من الناس الذين يدعمونك ويتقبلونك على نحو كامل ويشاركونك مثل اهتماماتك.
تم النشر الأحد، ٣٠ أبريل ٢٠٢٣
الاختلاف شىء طبيعى وان اتفقت مجموعة من البشر على بعض الصفات او الانشطة او الاعراف او الافكار ده مش معناه ابدا انهم متشابهين . الاختلافات دايما موجودة ولكن بنسب متفاوتة ....عشان كده بيبقي فيه مجتمعات ومجموعات تقوم على فكرة الاتفاق على فكرة واحده مش بالضرورة كل الافكار. النقطة هنا هى ثقتك فى اختلافك ده ...الاختلاف ممكن يكون تميز او ممكن يكون عار . اختارى انك تحسي التميز عشان تقدرى تعبرى عن نفسك باختلافك ....احساسك بالتميز معناه انك تقبلى اختلاف الاخرين عنك كمان وانهم فى الغالب هيرفضوا اهتلافك انتى وتميزك ...خصوصا لو اختلافك معناه تضاد لافكارهم هما ... كل الافكار الجيدة فى يوم من الايام وقفت لوحدها غريبة وسط الافكار السيئة لحد ما اقتنعوا بيها مجموعه كبيرة وزادوا لحد ما الميزان اتقلب وبقي السىء هو الوحيد الغريب. خلى دايما عندك حجة ومرجعية قوية للى هتنصحى بيه ...وطول ما اللى قدامك هيشوفك واثقه هيتقبل نصيحتك . اخلصى النية لله ولهدف الخير وانك تغيرى الغلط بقدر استطاعتك ...فاو استطاعتك حتى كتابة كلمة ...اكتبيها ومتوقفيش ابدا . قابلى التريقة بابتسامة لطيفة وقولي للى قدامك ...كنت اتمنى تتقبل اختلاف وجهات النظر بشكل ارقى من كده .وسيبيه وامشي ...هيتحرج من ذوقك وهيفكر فى نصيحتك اكيد.
تم النشر الأربعاء، ٣ مايو ٢٠٢٣
لعرض السؤال في فدني اضغط هنا