تعاملي مع الناس دايما بيكون بطريقة سوية و متواضعة ومحترمه جدا، وانا بفضل الله مفيش حد اتعامل معايا إلا و لازم يشكر فيا و في أخلاقي و في التعامل معايا عموماً (مع أن هذا شئ بيضايقني و يحرجني جدا ) بس مش دي المشكلة.
المشكلة هي نظرتي انا لنفسي عمرها ما كانت سوية .. عمري ما شوفت نفسي انسان عادي .. إما بشوف نفسي أعلي من الجميع و افضل و اذكي منهم جميعاً و أشعر بالكبر و الغرور .. و إما بشوف نفسي حقير جدا و الجميع أفضل مني وانا فاشل و غبي ولن أفلح في شئ ولن أصل إلي شئ.
هذه الأحاسيس المتضادة تقتلني من الداخل و لا اعرف كيف اتعامل معها .. و تضيع عليا الكثير من الفرص في الحياة و أشعر بالندم الشديد ،و تجعلني اشعر بالخوف من الاقدام علي اي شئ في المستقبل.
ايه السبب عشان احاول اقتلعه من جذوره، و ايه الحل ؟!!
أنا آسفة أنك بتحس بهالمشاعر المتضاربة، وفهمها مش سهل على الإطلاق. المشكلة اللي بتحكي عنها بشبهها كتير ناس، وهي طريقة التوازن بين تقدير الذات والتواضع. خلينا نحاول نفكر مع بعض بطريقة نحل فيها هالمشكلة. أول شيء، مهم جداً تفضف بصوت عالي بالمشاعر دي مع حد تثق فيه، سواء كان صديق قريب أو مستشار نفسي، عشان تقدر تفرغ اللي جواك. ثاني شيء، مهم تدرك إن النجاحات والإنجازات مش بتحدد قيمتك كشخص. تقييمك لذاتك لازم يكون مبني على قيمك، أخلاقك، وطريقتك في التعامل مع الناس. طبعاً التوازن مطلوب، يعني: لما تحس بالغرور : حاول تذكر بعض الأشياء اللي ممكن تكون محتاج تطورها في شخصيتك أو في مسارك المهني. فكر بالناس اللي ممكن تتعلم منهم. ولما تحس إنك أقل من الجميع : افتكر إن عندك قدرات ومواهب خاصة بيك، وإن كل حد في الدنيا عنده نقاط ضعف وقوة. ركز على تحقيق أهداف صغيرة وتدريجية عشان تشعر بالتحسن تدريجياً. ثالث حاجة، جرب تكون عندك رؤية واضحة لأهدافك. لما يكون عندك أهداف واضحة، هتقدر تقيم نفسك بناءً على تحقيق الأهداف بدلاً من مقارنة نفسك بالآخرين. رابع حاجة، التطوير الذاتي المستمر مهم جداً. اقرا كتب تتعلق بتقدير الذات والتنمية البشرية، احضر ورش عمل، أو شارك في دورات تطوير شخصية. وأخيراً، ما تنساش الرياضة أو النشاط البدني والتغذية الجيدة والنوم الكافي، لأنها كلها عوامل بتأثر بشكل كبير على مزاجك وتقديرك لذاتك. الرحلة مش هتكون سهلة، بس الأكيد إنك لما تبدأ تشتغل على نفسك، هتلاقي التغيرات الإيجابية بتبدأ تظهر وهتحس بتحسن. وأنا دايماً هنا لدعمك، ما تترددش ترجع تسألني أي وقت تحتاج مساعدة. 💪🌟
تم النشر الأربعاء، ٢٩ مايو ٢٠٢٤
السلام عليكم. طيب علشان نثبت على نظره ونكون راضيين عنها ونكون متاكدين من ان هي نظره صحيحه لازم نكون عندنا مرجع هو اللي بياكد لنا النظره دي صح ولا غلط. لو اعتمدنا على الناس فالناس مختلفه ممكن اه يكون اغلبهم شايفنا بشكل ولكن هيفضل برده في نسبه ممكن تكون شايفانا بشكل تاني. برضو نفسنا فيها تقلبات فانا ساعات بكون راضي عن نفسي ساعات تانيه بكون مش راضي عن نفسي فبنحسب الامور دي ازاي بان يكون عندي مرجع فانا هاخد صفاتي واحده واحده وابدا اقيسها على مسطره تكون صح المسطره دي لازم اكون متاكد انها مسطره وصح بقى اروح اشوف مثلا ايه المرجع اللي انا اقدر اروح له ويقول لي انه التصرف ده صح ولا غلط مثلا ممكن يكون شخص انا بثق فيه بس انا شايفه شخص حكيم فابدا اروح اقول له والله لما انا اجيب 90% مثلا الامتحان يبقى انا كده شاطر ولا مش شاطر يبقى انا كده متميز ولا مش متميز في رايي الشخص ده لما الشخص ده يقول لي انه انت كده متميز فخلاص هاخد برا انا هثبت ليه لانه انا عندي ثقه في المسطره اللي انا رايحه اقيس عليها. معنى كده انه انا بعد ما هاخد باليد ده مش هرجع تاني ما بيني وما بين نفسي او قصاد اي حد اشكت في القياس ده. تمام ان انا ازاي اثبت نظرتي لنفسي وتكون فعلا نظره حقيقيه مش بضحك بها على نفسي. ممكن بقى تختاري المرجع زي ما انت عايز شخص بتثق فيه ترجع للقران ترجع لمصدر علمي مثلا موقع بيحدد الشخصيات امتحان تمتحنوا ويقدر يحدد لك ويقول لك بناء على اسئله بتتسال ايا كان متخصص تساله. اختار الطريقه اللي تقدر تعمل بها وهتبقى بعدها كانك بالظبط كتبت كده شهاده ميلاد لنفسك بالصفات والحاجات اللي انت بقيت متاكد منها في نفسك طبعا ده باعتبار انك هتعمل ده على كل حاجه على المميزات وعلى اليوفي علشان تقدر تحسن وتطور من نفسك وكل فتره تقدر تعمل كده تاخد شخصيتك الحاليه وتروح تعمل لها تقييم بناء على المرجع اللي انت مختاره وهكذا وهكذا ده اللي يخليك ثابت في حته معينه.
تم النشر الجمعة، ٣١ مايو ٢٠٢٤
السلام عليكم ورحمه الله اهلا و سهلا من الجيد ان الناس تشكر في اخلاقك و في شخصك ، ايه الأفكار اللي بتجيلك علشان تحس بالاحراج ؟ راقب الأفكار دي و شوف ايه اللي بيضايقك فيها. و ايه الأوقات اللي بتشوف نفسك احسن من الناس و هل في هذه الأوقات معاملتك تختلف عن طبيعتك؟ و ايه الأوقات اللي بتحس انك احسن منهم ؟ و معاملتك بتتغير ولا بتكون زي ما هي ؟ و ايه الفرص اللي ممكن تضيع عليك لما تحس انك احسن من الناس أو اسوء منهم ؟ كل هذه الاسئله ربما هي الحل لو تأنيت فيها و هتعرف جذور المشكله فين و بالتالي تكون قادر علي اقتلاعها.
تم النشر الخميس، ٣٠ مايو ٢٠٢٤
البحث عن أهمية تغير نظرتك لنفسك؟ ما اهميه هذا بالنسبالك؟ ايه الصورة اللي حابب تكون شايف نفسك بيها؟ ايه الصوره اللي رافضها عن نفسها؟ ايه نقاط قوتك؟ ايه نقاط ضعفك ؟ ايه التحديات اللي بتواجهك لتكون الشخص الذي تتمني ان تكون عليه؟ كيف تواجهه هذه التحديات؟ مين المسؤل عن التغيير؟ مين ممكن يساعدك ؟
تم النشر الخميس، ٣٠ مايو ٢٠٢٤
لعرض السؤال في فدني اضغط هنا