من بعد كورونا بقيت بلبس الكمامه في كل مره اخرج فيها من منزلي حتى بعد انتهاء كورونا مقدرتش اخلع الكمامه و مش عارفه السبب في ده بس انا مش برتاح لما حد يبصلي من غير الكمامه أو أن حد يقرأ تعابير وجهي و المشكله انا الوحيدة بين الناس الي بلبسها و بشوفهم كلهم عايشين حياة طبيعية من غير ما يخافوا أن حد يشوف وجههم و شكلهم حلو بس انا كل مره يقنع فيها نفسي اني حلوة من غير الكمامه مش بقدر اخلعها برضو و حاولت قبل كده اني انزل من غيرها و كنت طول الوقت بحاول اخفي وجهي بأي طريقه.....لو حد عنده حل ارجو الرد
هى اتحولت لعادة ووفرتلك شعور بالطمأنينه وانها بتبعد عنك مشاكل فكرى نفسك ان لبسك للكمامه باول ما لبستيها او لبستى الكاب والخوف اللى كان نفسك تتخلصى منه ...الراحة اللى بتحافظى عليها بلبسك للكمامه ...قاوميها زى اللى بيقاوم الراحة اللى فى سرير المستشفى ...معتقدش انه فى حد هيحب يفضل فى المستشفى بعد ما يخف... كلمى نفسك وقوليلها الكمامه دى للمرض وانا مش مريضه ومش خايفه من حاجة وخفيت . وبعدين ابتسامتك فى وش غيرك وهما يبتسمولك احسن ما تخفيها وتشوفى على وشهم تعابير غير مفهومه والابتسامة صدقة ...شوفى الحسنات اللى انتى موقفاها وحارمه نفسك قد ايه بقي. والموضوع ممكن تعمليه تدريجى تلبسيها بس تسيبيها على فمك بس وبعدها نزليها على دقنك او رقبتك بس تفضل موجوده وهكذا لحد ما تقدرى تبعديها خالص.
تم النشر الأحد، ٩ أبريل ٢٠٢٣
أولاً ، أريد أن أشكرك على مشاركتنا هذا الأمر الذي يؤرقك. بطبيعة الحال ، قد تشعرين بالقلق وعدم الارتياح عندما تعودِين للعمل بدون كمامة. ولكن هناك بعض النصائح التي يمكن أن تساعدك في التغلب على هذه المشكلة: - ابدأي بالتدريج. يعني هذا أنه عليك إجراء محادثات صغيرة ومواجهة العاملين في المكتب بدون كمامة لفترات قصيرة من الزمن وتزيد مدة الزمن زيادة التدريجية. وبمرور الوقت ستتعودين على الأمر. - اعتمدي على التشجيع الذاتي. يمكن أن تساعدك الكلمات الإيجابية والخطط القابلة للتنفيذ على التغلب على مشكلات الثقة بالنفس والتوتر العاطفي. - يمكنك أيضا الاتصال بمعالج نفسي أو مدرب حياة للحصول على دعم إضافي. قدمي إيجابيات وسلبيات هذا المشكلة ومصدرها للخبير وابحثي معه عن حلول عملية. - لا تنسي أن تهتمي بجمالك من جميع النواحي، لجعلك تشعرين بالثقة بنفسك دون الكمامة. وعند الخروج ممن يمكنك الحوار معهم والإعتماد على مصادر الإيجابية الخارجيه. أتمنى لك كل التوفيق والنجاح في التغلب على هذه المشكلة.
تم النشر السبت، ٨ أبريل ٢٠٢٣
بقيتي تخافي من ايه ؟ وايه اللي اتغير بعد كورونا ف شكلك؟ يعني انتي كنتي من غيرها وعايشة طبيعي ما قبل كورونا مش كده؟ ايه اللي حصل بعدها خلاكي مش عايزة تقلعيها!
تم النشر السبت، ٨ أبريل ٢٠٢٣
طيب ما تلبسي نقاب؟
تم النشر السبت، ٨ أبريل ٢٠٢٣
لعرض السؤال في فدني اضغط هنا