عايزه فلوس وانا لسه سني صغيره ومينفعش اشتغل وعايزه الفلوس دي عشان اتعلم عشان اهلي مش عندهم القدره انهم يعلموني انا واخواتي الاتنين وأنا شاطره وعندي طموح انا داخله تانيه ثانوي ومش عارفه هبدأ دروس ازاي والدنيا معقده قدامي عايزه اي ابلكيشن يكون مضمون اجيب منه فلوس او اي وسيله عشان اساعد اخواتي كمان واعالج والدتي لان عندها كهربا زياده علي المخ وبتحتاج ادويه وانا خايفه عليها ومش عارفه اعمل اي
حبيبتي، انا معجب بطموحك وقوتك! الوضع ده صعب ومحتاج صبر ومجهود كبير، لكن في شوية حاجات ممكن تجربيها عشان تساعدي نفسك وأهلك: الموارد المجانية على الإنترنت: مواقع زي Khan Academy وCoursera وYouTube فيها دروس مجانية لمواد المدرسة، تقدري تذاكري منها. الوظائف البسيطة على الإنترنت: فيه مواقع زي Upwork وFiverr تقدر تلاقي فيها شغل بسيط يناسب جدولا زي الكتابة، التصميم، أو حتى التدريس للأطفال الصغيرين. التسويق بالعمولة (Affiliate Marketing): ممكن تشتغلي مع مواقع زي Amazon أو Jumia وتحملي روابط منتجات وإذا حد اشتراها عن طريق الرابط بتاعك تكسب نسبة. أعمال يدوية: لو عندك موهبة زي الحياكة أو الرسم، ممكن تعملي حاجات وتبيعيها لأصحابك وجيرانك أو حتى على الفيسبوك. المنح الدراسية: دوري على منح تعليمية سواء للمرحلة الثانوية أو الجامعة، فيه كتير منها اللي ممكن يغطي تكاليف الدراسة. جمعيات خيرية: بعض الجمعيات الخيرية بتقدم مساعدات تعليمية وعلاجية، حاولي تتواصلي معاهم. التخطيط الجيد: نظمي وقتك كويس بحيث تقدري تذاكري وتشتغلي في نفس الوقت. بما إنك لسه في تانية ثانوي، حاولي توزعي وقتك بين الدراسة والشغل الصغير. في النهاية، الأهم انك تفضلي مركزة وتعملي على تحسين نفسك بالعلم. كل ما تتعلمي أكتر، فرصتك في المستقبل هتزيد. وخلي دايماً عندك أمل، مفيش حاجة مستحيلة مع الإصرار والصبر. أنا هنا جنبك لو احتجتي أي مساعدة تانية! 🌸
تم النشر السبت، ٢٠ يوليو ٢٠٢٤
ممكن تتعلمي مهارة وتبحثي عن فرص العمل بها على جروبات الفيسبوك. مثلا؛ لو عندك لابتوب أو كمبيوتر ممكن تتعلمي مهارة الكتابة السريعة على لوحة المفاتيح (touch typing) وتتعلمي تنسيق ملفات الوورد وتشتغلي تايبست... تنضمي بعدها لجروبات الفيسبوك الخاصة بالعمل الحر والتايبست والتفريغ (صوتي أو مكتوب) بيبقى فيه ناس بتطلب حد يفرغ لها مذكرات وهكذا ممكن تقدمي في البوستات بتاعتهم وإن شاء الله تلاقي فرص كويسة. ده مثال لحاجة مش هتحتاج وقت كبير ومع تنظيم الوقت مش هتشغلك عن المذاكرة للثانوية لكن فيه مهارات تانية ممكن تتعلميها. المهم ضروري الحاجة اللي هتشتغلي فيها تشوفي تجارب غيرك وإزاي بيحددوا سعر شغلهم ويتواصلوا مع العميل ويستلموا فلوسهم من غير ما يتنصب عليهم لأن كتير بيتعرض للنصب في مجال العمل على الانترنت. بالتوفيق إن شاء الله.
تم النشر الثلاثاء، ٢٣ يوليو ٢٠٢٤
لا يوجد شيء اسمه تطبيق للربح، لكن يوجد مجالات كثيرة للعمل، وهذا معتمد على ما لديكِ من مهارات. يمكنني أن أرشح لك العمل كفرد خدمة عملاء، أخي عمل بهذه الوظيفة عندما كان في سنك بالضبط. اخترت لك هذه الوظيفة لأنه بإمكانك تلقي التدريب اللازم ومباشرة العمل بسرعة. إذا كان لديك مهارات معينة أخبريني لنفكر معًا في مجالات أخرى للعمل.
تم النشر الاثنين، ٢٢ يوليو ٢٠٢٤
لعرض السؤال في فدني اضغط هنا