السلام عليكم
ف البداية انا بنت مليش علاقة بأي ولد الحمدلله و دايما ف حالي و انا ف اخر سنة ف الجامعة الحمدلله ربنا يكملها على خير و نتخرج ، وانا ف سنة تانيه كليه فيه ولد بعتلي على صراحه و انه معجب برسمي و متابعني و محتفظ بلينك صراحة عنده (لاني كنت بقفل الاكونت) ، كان ف اوقات الامتحانات يبعتلي يشجعني ع المذاكرة و انا كل مرة كنت بصده و اقوله ميبعتش تاني ، كان بيدخل ع كل اكونتاتي و عمل اكونت فيك يعتذرلي و قال انه مش هيضايقني تاني، فضل فترة مش بيبعت بس بيراقب اكونتاتي ، السنادي بعتلي انه عايز يتقدملي و قال انه بيدعي ف الصلاه اني اكون من نصيبه ، الفكرة انه مش راضي يقول هو مين كل الرسايل اللي بعتها بتكون على صراحه او كيوريس ،انا عارفه الشخص دا بس هو مفكر اني مش عارفه و مش عايز يقول اسمه ، حاليا بعتلي من الاكونت بتاعه وانا مش عارفه اعمل ايه ، انا مش بحب حد و مش عايزة اعلق حد بيا ، عارفه انه بيحبني بس انا مش ببادله الحب دا و كمان كشخص مختلف عني ف الفكر و الكلام و الاسلوب و اصغر مني سناً عكس اللي انا عايزاه تماما ، انا مش عايزة اجرح حد بكلامي بس هو مش عايز يبعد مش عارفه اعمل ايه..
بعتذر اني طولت عليكم ، ممكن لو حد يقدر يفيدني يرد و شكراً مقدما
انا بعتذر عن كلماتى مقدما لأنها ممكن تكون مش ألطف حاجة بالنسبالك بس كده انتى ال بتعلقيه بيكى (بطريقة لاواعية عندك) مش عند قصد منك بس وجوده بيشبع جواكى مشاعر مش الحب ولكن الاهتمام ، خاصة انتى ذكرتى بيشجعك أيام الامتحان تحديدا لان ده ال لمس معاكى من جوه فعلا (فكرة وجود دعم واهتمام بصورة دائمة وغير مشروطه ) ودى فطرتنا كبشر نميل ونركن لمن يهتم بنا خاصه انه بدون مقابل أو شرط . آسفة مرة تانية بس احنا بنات نقدر نقفل الباب بطريقة مينفعش يتفتح تانى وبكل أدب واحترام لكن كونه فالنهاية بيقدر يتواصل ده معناه انك مقفلتيش الباب بلا رجعة ومواجهتيهوش بصورة مباشرة تقتل الأمل بداخله برده بلا رجعة ... اعتقد محتاجه تراجعى رؤيتك للحدوتة ككل وتشوفى الصورة الكاملة وتعكسي الأدوار بصدق وشفافية ... ربنا ينور قلبك ويرزقك الحكمة والبصيرة 🤲
تم النشر الأحد، ٢٦ مايو ٢٠٢٤
السلام عليكم ربنا يوفقك في حياتك العلميه انا رأيي في الموضوع الصراحه ديمآ بتريح ومن الواضح انك مش حباه خالص فلازم تقولي ده عشان يبطل يتعلق بيكي تاني
تم النشر الأحد، ٢٦ مايو ٢٠٢٤
الموضوع مش محتاج اكتر من ثبات على موقفك فى حالة انه ظهرلك باى شكل او اى طريقة وبلاش اى تجاوب معاه حتى لو من باب انك مش عاوزه تحرجيه مسج صغيرة ...احنا مش مناسبين لبعض لاسباب كتير ومفيش داعى تعلق نفسك بيا وياريت متحاولش تتواصل معايا تانى ...وبس وطالما الامر محسوم عندك يبقى ملهوش اى تحايلات بحلول اخرى
تم النشر الأحد، ٢٦ مايو ٢٠٢٤
لو موافقة عليه خليه يتقدم ويدخل البيت من بابه، لو مش موافقة اعمليله بلوك بدون ماتقوليله على حاجة عشان ماتجرحيهوش هيبقى البلوك من باب انك محترمة ومش بتكلمي حد وهو لما مارضاش يبطل كلام انتي عملتي بلوك
تم النشر الأحد، ٢٦ مايو ٢٠٢٤
طيب ايه الحل ايه الحل الافضل للموضوع من وجهه نظري او يفضل يعني في الموضوع كله انك انت تعملي ايه؟ تخلصي كليتك السنه دي ما تفتكريش اي حاجه تخلصي امتحانات خلاص امتحانات خلاص اسبوعين ثلاثه وتخلصيهم في امتحاناتك ويجي تجدد ولو اهلك لو عدى منهم مرحله اهلك بيجي لمرحلتك انت في فتره صعوبه هتبداوا الرقيه شرعيه وقاعده كده وتشوف عقليه والله لقيت ممكن انت يا ستي يكون هو شخصيته في الحقيقه مختلف عن الاونلاين اللي بيعاملك به يمكن هو على الاونلاين اقل حاجه او اسلوبه مثلا مختلف شويه عن الواقع ده احنا بنشوفه على كتير جدا بنشوف ناس على العرض الرفع باسلوب وفي التليفون ممكن يكون هو الشخص اللي انت بتدوري عليه مع اختلاف السن بس ده لو بشرط ان مساله السن بالنسبه لك مش مشكله فاللي هو ممكن في فتره الخطوبه تتقارب وجهات النظر دايما وجهه نظري انا يعني لا انت شايفه ان ده مستحيل يتفرجات نظر ومش عايزاه فبعد ابو باحترام كده عقل نفسي الاكونت اللي قال لك ان انا عايز اتقدم لك منه والله معلش مش هيحصل. فكره رفضه نهائيا فكره الزواج بشخص اصغر مني وتجيب الموضوع في السن ودي حاجه قهريه بقى ما حدش فيها. فاهمه قصدي بس لا تدخل الشخصيتك ولا تجرحني في الكلام طالما انت مش عايزه تجرحي بحد وفي نفس الوقت ما خسرتش حد يعني او ما ضرتنيش حد وفي نفس الوقت ما ضرتيش نفسك دي وجهه نظر يعني وباذن الله خير.
تم النشر الأحد، ٢٦ مايو ٢٠٢٤
أنا هنا عشان أساعدك، وأولا مبروك على انتهاء سنة التخرج اللي عقبالك فيها النجاح. بالنسبة للواقعة اللي بتحكيلي عنها، فعلا موقف صعب. من الكلام اللي ذكرتيه، يبدو إن الشخص ده لديه مشاعر صادقة تجاهك، ولكن واضح إنك مش مهتمة بالشئ نفسه. من الأفضل توضيح الأمور له بصراحة وبدون تشويش، مثلا تقولي له بكل احترام إنك تقدر اهتمامه ومشاعره، لكنك لا تشعرين بنفس الطريقة تجاهه، وتفضلي تكوني صديقة له إن احتاج المساعدة أو النصيحة. وبعد كده خلي القرار يكون بإختيارك، لأنك لازم تدافعي عن شعورك وتراعي مشاعر الآخرين. كمان لو محتاجة حاجة تانية أنا جاهزة لمساعدتك بكل ما أستطيع.
تم النشر السبت، ٢٥ مايو ٢٠٢٤
بإذن الله ، شكرا 🤍
تم النشر الأحد، ٢٦ مايو ٢٠٢٤
الله المستعان صلي استخارة والخير هتلاقية جاي لوحده لو خير ربنا هيخلي بينكم قبول ولو لا هتلاقي الموضوع باظ لوحده من غير تدخل منك
تم النشر الأحد، ٢٦ مايو ٢٠٢٤
صلي استخاره وممكن ترتحيلو او لو مرتحتلهوش قوليلو كل شئ قسمه ونصيب
تم النشر الأحد، ٢٦ مايو ٢٠٢٤
صلي استخارة وربنا يقدملك اللي في الخير وطبعا هو مش بالسن اكيد وربنا يوفقك
تم النشر الأحد، ٢٦ مايو ٢٠٢٤
هو صعبان عليا بجد ، بالرغم من اني كنت صعبه ف ردودي معاه و بقفل الدنيا ف وشه ، كان علطول بيعتذر مني و يبعد بس بيرجع تاني و ف الحياة الواقعيه وانا بتجاهله علشان مش عايزاه يتعلق بيا اكتر من كدا
تم النشر الأحد، ٢٦ مايو ٢٠٢٤
بصي انا مش برجح السن الاصغر انا كنت هقولك اقعدي معاه الاول بس زي ما قولت فس البدايه انا مبرشحش السن الصغير عن البنت مبيبقاش في تفاهم اصلا
تم النشر السبت، ٢٥ مايو ٢٠٢٤
لعرض السؤال في فدني اضغط هنا