انا أعجبت بولد معايا في الدرس و المستر تقريبا لاحظ الموضوع ده فبعد ما كانت الحصة ولاد و بنات عادي قالنا انه هيخليها بنات لوحدهم و ولاد لوحدهم و حتى إنه كان بيطلعنا استراحه في نص الحصة و لكن دلوقت مش بيعمل كده و انا واثقة إنه أكيد لاحظ موضوع أعجابي بالولد ده لأن كنت بتكلم مع زميلتي و يمكن سمعني و مش عارفة حاليا أتصرف اذاي هل مروحش الحصة رغم ان في حصص مهمه جدا لازم اروحها لاني تالته ثانوي و لا اروح عادي و اعمل نفسي عبيطة و لا اعمل إيه مش عارفة
رغم اني معملتش اي حاجة فيها تجاوز بيني و بين الولد ده يعني ما اتكلمتش معاه و لا النظرات كانت قليلة جدا جدا كل الي حصل اني اتكلمت مع زميلتي عن الموضوع و تقريبا كده المستر سمعني
تم النشر الخميس، ٦ يونيو ٢٠٢٤
ماتعمليش عبيطة ولا أي حاجة. الموضوع عدا وانتهى والمدرس كان حكيم جدا، فصل بين الولاد والبنات عشان الموقف ما يتكررش وفي نفس الوقت من غير ما يسبب احراج لأي حد أو يكلم أي حد. المدرس قفل الموضوع بالنيابة عنك خلاص. نقطة على جنب، جايز الموضوع كله مالوش علاقة بيكي أساسا ويكون المدرس لاحظ حاجة تانية من ناس تانية خالص.
تم النشر الخميس، ٦ يونيو ٢٠٢٤
اما بالنسبة للدرس فالمفترض شهر 6 نقعد من الدروس لو مدرسك مكمل وبترتاح لشرحه روحي ولا تهتمي طالما توبتي وبعدتي عن اصحاب السوء، لكن لو محرجه كملي اون لاين مفيش وقت يضيع وربنا يتولى امرك
تم النشر الخميس، ٦ يونيو ٢٠٢٤
يا حبيبتي، أول حاجة لازم تعرفي إن دي فترة بتكون مليانة بمشاعر مختلفة والتفكير بيبقى زيادة شوية. فمهم تكوني دايما مركزة على الاولويات المهمة. مادام ما عملتيش حاجة غلط ولا تصرفتي بأي طريقة تزعج أو تضر حد، يبقى مفيش حاجة تخوفك أو تخليك على أعصابك. المدرس ممكن يكون لاحظ حاجة أو سمع حاجة، بس ده مش معناه إنك لازم تغيبي عن الحصص. الحاجات المهمة دلوقتي هي مذاكرتك وتحقيق اهدافك الدراسية. فحاولي تركزي على ده وروحي الحصص عادي. واعملي نفسك مش واخدة بالك لو حصلت أي تغييرات في الجدول أو النظام. الشيء الأهم هو أنك تكوني واثقة في نفسك وتفكري إزاي تعملي الأفضل لنفسك في الوقت ده. لو حسيتي بأي إحراج أو إنك محتاجة تتكلمي مع حد عن اللي حصل، ممكن دايما تلجئي لحد من أصحابك القريبين أو حد من العيلة اللي بيثق فيك وبيفهمك. أما بالنسبة للولد، حاولي تخلي الموضوع عادي وركزي على أولوياتك دلوقتي. بالتوفيق يا جميلة! وكلنا بنعدي بمواقف زي دي والأمور بتعدي إن شاء الله.
تم النشر الخميس، ٦ يونيو ٢٠٢٤
انا كمان نفس سنك وبحذرك والله العظيم هتندمي ندم عمرك انا عارف ان المجتمع بيسوق الموضوع بشكل ظريف وعادي انت ممكن تفضلي على مكتبك وفي اوضتك غارقه في مياه الحب ولحظات من الوهم وكل دا من عمرك ببساطة انتي بتكوني عقلك وحتما لما الحب «القلب» يسوق العقل هيرجع يقعد وراه وقابلي بقا الصدمات انتي الشيطان دخلك في فتره حرفيا ممكن تقفل عنك مستقبلك بسبب تضييع فتره زي دي في وهم الشاب مننا مبيحبش انه يوصل لحاجه بالسهل من الاخر يعني نصيحه من اخ انتي لو هو وصلك في الاول يتكلمك معاك وانتي قبلتي فانتي كدا ويؤسفني اقولك خرجتي من دايره القيمه اللي الشريعه وضعتها ليك وانطبق عليك قول ربنا "ولا متخذات اخدان" متزعليش منى بس محدش بيحب الحاجات المستعمله البنت دي اغلى شيء واللي بيحبك عمره ما هيكلمك لانه هيحافظ عليك ويدخل بيت اهلك و لو كتبتلك من هنا لبكرا اضرار الحب الحرام وامثله لناس فيه مش هنخلص فاللي انتي فيه من الاخر مجرد اعجاب بشخص ممكن يكون قمور او شاطر بس افترضي لو كلمك شويه وخلصتوا على مشاعر بعض هيبقى في الاول كلام عادي ثم انتي جميله لا انت اجمل لا انتي قمر طب ممكن صورتك لا بعد كده فيديو ثم الكلام يخلص ثم يا يمشي واحده واحده يا اما يصدمك ويقولك انتي رخيصة في نظري وفي الحالتين انتي خسرتي وقتك وحرقه مشاعرك وقلبك دا سيناريو السيناريو التاني انه فعلا يفضل جنبك كاخ اي صاحب وبردو عاصيين لربنا ولو حبك واعترف وخطبك قولي انه حتى اتجوزك كمان بالطريقه دي فانتوا من الاول ماشيين على سلسله من اعمال الشيطان ومتبعين خطوات الشيطان فاكره لما قولتلك القلب اللي كان سايق بعد الجواز يرجع عقلك وتشوفي الصفات اللي انتي وهو اصلا هتخبوها عشان تكملوا العلاقه ولو كنتي عارفه عيوبه اصلا وهو كمان فهتكون مشاعرك باهته بيه بعد الجواز اصلك وصلتوا لاخر مرحله بعد الكلام والصور والفيديوز والخطوبه للجواز فبردو هتندمي لما تفكري وتتمني انك كان ممكن تعيشي مع زوج حلال يعني من الاول في طريق ربنا مش خطوات الشيطان
تم النشر الخميس، ٦ يونيو ٢٠٢٤
الاختلاط في الدروس حاجة مشتتة للتركيز للأسف
تم النشر الخميس، ٦ يونيو ٢٠٢٤
لعرض السؤال في فدني اضغط هنا