امي عندها مشاكل كتير مع ابويا ومستحملة حاجات كتير واتأذت من عيلته نفسيا كتير والنهارده اول ما جاب سيرتهم بشكل عادي دخلت في هيسترية عياط ومكانتش في وعيها وقعدت تصوت وتزعق وهو كمان اتعصب وشدوا مع بعض ولما لاقتني انا كمان منهارة حالتها ساءت اكتر وقعدت تحضني وتقولنا انا اسفة متزعلوش مني وكانت عايزة تخرجنا من الأوضة عشان تنام واحنا كنا مرعوبين حسينا أنها لو نامت مش هتصحي تاني حتي ابويا لما لاقي حالتها كدة عيط هو كمان وقعد يقولها معلش
هي دلوقتي الحمد لله هديت شوية بس بالله عليكوا قولولي اساعدها ازاي انا خايفة الموضوع يكبر خصوصا أنها كانت بتهدده أنها هتخن/قه
واحنا معندناش اي امكانية للعلاج النفسي
اولا ربنا معاكم...ثانيا حسسوها بالامان ومن رأيي ان اكتر واحد مسؤول انه يحسسها بالامان هو ابوكي ومتجيبوش سيرة الحاجات والاشخاص اللي مش بتحبهم وشغلو قرآن كتير ولو تقدروا ودوها لشيخ واقعدوا اتكلموا معاها وهزروا حتى لو هتقولو نكت بايخه حتى لو هتتشألبو اهم حاجة تضحك
تم النشر الثلاثاء، ١ أبريل ٢٠٢٥
بما ان مفيش امكانيه علاج نفسي. يبقى اولا ادعيلهم ثانيا انا معرفش سنك قد ايه عشان أعرض عليكي الحل ده. هو مش دورك عموما بس انتي في موقف ومحتاجه تهديه وتحطي في دماغك كده ان دي رعايه لكن مش مسئوليتك ابدا حل المشاكل. هل تقدري تخلي ماما تفرغ معاكي مشاعرها دي؟ وتتكلمي معاها واوريها قصص وشيوخ بتتكلم قد ايه ربنا بيحب اننا نسامح ونعفو وان كل الناس هتتحاسب من ربنا وان اللي بيسامح ربنا بيكرمه انه بيسامحه ع ذنوبه. بس الحلين مع بعض كل ماتلاقيها متضايقه قربي منها وخليها تحكي براحه واسخري من الحزن وانك الحمد لله معانا. ياماما وربتينا وانك بخير وربنا يسامحهم♥️ هتقدرى تفتحي الحوار مع بابا وتفهميه انها معلش بتبقي ع آخرها مايشدش قدامها في الوقت ده. وابقي صلى بيها جماعه ولو بتنزل سوق بتعمل حاجه خلي ايدك بإيدها لو تقدري ده كله بيخفف مشاعر الغضب والاحتراق اللي دايما موجود ومستني اي شعله عشان ينفجر. وادعي كتير الدعاء امر ليس بهين وربنا يهدي الحال يارب
تم النشر الثلاثاء، ١ أبريل ٢٠٢٥
أولا بيئة زي دي انا اعتقد ان البيت كله حزين ومش حاسس نهائيا بالأمان .. والواقع صادم بالنسبة لكم ولكن هناك سعة ..ودوافعك من فطرة سليمة انك تساعديهم ولكن من غير المنطقي ان الجريح يساعد الجريح ◆قد تفكري في عدة حلول •نعالج الأم : لا طبعا لأنها في مراحل متقدمة ولن تقتنع ان هناك مشكلة •نضبط تصرفات الأب : لا طبعا هو عاش من صغره متعود ودي تربيته ولا يمكن أن يتغير ◆نفهم المشكلة : مادام وصلت لهخنقك يبقا الواضح أن الأب عنده عقدة نقص وحاسس انه مش متشاف ولا مؤثر فبردة فعل الأم وغضبها بيرتاح وبيحس أنه مؤثر وله بصمة حواليه والمشكلة أن الأم على نياتها وفاكرة انها لما تزعق له هيسكت والحقيقة ان الأب اصطاد نقطة ضعف الأم وعرف انها بتثور لما يتكلم عن أهلها فهيستخدم نقطة الضعف دي تاني وثالث ورابع ◆الأب عاش ظروف صعبة وصلته للنقص ده ولاكن والأم كمان لأنها إلى الآن صابرة وفي عقلية الضحية الرجل السوي لا يتعمد كهربة أهله والمرأة السوية تعاقب الرجل عند تخطي الحدود والمفترض ان المنزل مكان الأمان عشان نواجه العالم ◆لا تفكري ابدا أن تصارحيهم لأن هينتهي بكي المطاف بالإستهزاء والتكذيب ولن يقتنعوا ولاكن الحل الوحيد من داخلك مشاعر ايجابية وهوايات يومية اجعلي لنفسك وقت تنفصلي عن كل هذه الحروب والصراعات واذا استمريتي وبنيتي قوة نفسية ستمثلين أمل للسعادة لأهلك يوميا:: كتابة أفكار تأمل رياضة قرآن صلاة امتنان ولا تلومي جهلهم فأحيانا بطريقة واعية يستهزئون بالسعيد بسبب الغيرة ولكن عن طيب نية "لن تغير أحد إلا نفسك"
تم النشر الأربعاء، ٢ أبريل ٢٠٢٥
أولاً، أشكرك على حدسك ورغبتك في مساعدة والدتك في هذا الوضع الصعب. من الواضح أنكِ تحبينها وتريدين لها الأفضل، وهذا أمر مهم للغاية. توفير الأمان : حاولي أن توفروا لوالدتكِ بيئة آمنة ومريحة، حيث تستطيع أن تشعر بالسكينة والدعم. كوني بالقرب منها وعبّري لها عن حبكِ واهتمامكِ، فهذا قد يساعدها في الشعور بالأمان. التحدث والاستماع : افتحي معها حوارًا، ولكن بحذر، وبدون ضغط. استمعي لها وهي تتحدث عن مشاعرها وتجاربه بشكل إيجابي. أحياناً، مجرد التحدث عما يسبب لها الأذى يمكن أن يكون مفيدًا. تجاهل الضغوط : إذا كان هناك ضغط خارجي، مثل العائلة أو أي عوامل أخرى، حاولي نقل التركيز نحو ما يمكن أن يجعلها تشعر بالاسترخاء، مثل الأنشطة التي تحبها أو الذكريات الجميلة. التواصل مع مختص نفسي : إذا كانت الحالة تتطلب التدخل، فحاولي البحث عن خدمات علاج نفسي متاحة في المجتمع. بعض المؤسسات تقدم خدمات مجانية أو بأسعار مخفضة. تجنب المواقف المتوترة : إذا جاء ذكر الأمور التي تضغط على والدتكِ، مثل العائلة، حاولي تجنب هذا الموضوع بقدر الإمكان حتى تشعر بتحسن. الدعاء : لا تنسي أن تتوجهوا بالدعاء إلى الله تعالى، فهو الرحمن الرحيم، القادر على كل شيء. يمكن للدعاء أن يكون له أثر عميق في تغير الحال. الأهم هو البقاء بجانب والدتكِ وتشجيعها على التعامل مع مشاعرها، لأن الدعم الأسري يمكن أن يُحدث فرقًا كبيرًا. تذكري، يمكن أن تأخذ الأمور وقتًا، و لا تستعجلي النتيجة.
تم النشر الاثنين، ٣١ مارس ٢٠٢٥
ولا حاجة اي تدخل صالح اي طرف هيزود الخلافات ويعمل أحزاب ادعي كتير ربنا يرزقهم الود والرحمة والبركة وخلي ماما تصلي ركعتين قضاء حاجة والدنيا هتكون احسن بإذن الله
تم النشر الأربعاء، ٢ أبريل ٢٠٢٥
لعرض السؤال في فدني اضغط هنا