انا عندي22سنه بابا وماما منفصلين من وانا عندي15سنه كنا عيلة حلوة جدا متكونة من 6اسر اخويا الكبير وعندي اتنين اصغر مني بسنه ولد وبنت تؤام وبابا وماما حالتنا الاجتماعية عادية جدا بس كنا مبسوطين اووي زي اي عيلة بابا كان حنين اوي وكان بيحب البنات ماكنش بيسمح لحد يزعلنا ان واختي الصغيرة نهائي بس للاسف ماتفقوش هو وماما والمشاكل كترت لعدة اسباب مش حابه اقولها ادت للانفصال ومن هنا بدأت معاناتي طبعا عشت مع ماما وبابا بعد الانفصال سافر وماعرفتش عنو حاجة فضلنا مع والدتي في الاول مكنتش متاثرة بالانفصال اوي لاني وقتها مكنتش مدركة كم المعاناه اللي ممكن اي بنت تواجهه من غير والدها بدات بقا مع الوقت احس بالمواقف لما اشووف بنت جاية المدرسة مع والدها او بنت بتتكلم علي الهدية اللي جابهلها والدها عشان نجحت بدات احس بالنقص لما مثلا تحصل مشكلة بيني وبين اخويا الكبير ويضربني ومالقيش بابا يدافع عني فضلت دايرة الفراغ توسع شوية شوية لحد مافي لحظة مقدرتش استحمل المشاكل والتراكمات واهل ماما خلوني اسيب مدرستي وسافرنا وحياتي اتشقلبت180درجه لحد ماقدرت اتواصل مع والدي،وقولتلو اني محتجالو وهنا كانت الصدمة بجد انو قالي انو مفيش في ايدو حاجة يعملها ومش هيقدر يجي ياخدني حسيت بكم وجع وحصرة كأني بمسك بأخر قشة ووقعتني للاسف انتحرت قطعت الوريد وكنت هموت بس ربنا اداني فرصة تانية وندمانه اووي اني عملت كدا بس اكيد ربنا،سامحني قررت اني اتقبل الواقع واعيش لحد ماربنا،يفرجها في عز كل دا طبعا اخر حاجة افكر فيها الحب بس البنت في الوقت دا بتكون محتاجة لطبطبة سند حد،يحبها،حد يهتم بيها،يطمنها،هو بقا جه في الوقت دا يمكن لو كنت قابلتو في وقت تاني مكنتش اديتو فرصة لاني مش بتاعت حب ولا بعترف بي طول عمري لما بقعد مع صحابي ويتكلمو عن الحب كنت احس ان الحب دا حاجة حرام وعيب لانو بيبقا من ورا الاهالي وبينتج عنو حجات وحشة بس لاني كنت في حالة ضعف مافكرتش في كل دا اتعرفت علي شب في2019كان صاحب خطيب صحبتي كانو بيتقابلو وبالصدفة شوفتو معاه مرة اتعرفنا وخد رقمي وخدت رقمو وبدأنا نتكلم ومن هنا بدات حياتي تتصلح او انا تخيلت كدا كنا بنتكلم طول الوقت حكتلو كل حاجة عني وهو كمان وحبيتو اه للاسف حبيتو اووي من كتر ماكان حنين وكان بيهتم لزعلي وتفاصيل يومي وبيخاف عليا كل اللي كنت محتاجاه من والدي لقيتو في ممكن اختصر واقول انو سد فراغ الاب تخيلو في حد يسد فراغ الاب مستحيل هو بقا قدر فضلنا في علاقة اربع سنين بين مشاكل ومعاناه وحب زي اي علاقة بين اي اتنين بس طول الوقت كان في احترام بينا وحدود عمرو ماتخطاها لحد في2022 بعد اربع سنين بعد ماتعلقت بي وحبيتو اكتر من نفسي وشوفت في كل احلامي وبنيت حياتي عمل اكتر حجتين بتكرهم اي بنت وكفيلة انها تنهي اي علاقة خاني وكدب عليا المشكلة بعد ماسمعت كل حاجة بودني روحت وسألتو ولو كان انكر والله كنت هكدب وداني واصدقو انا وثقت في اكتر من نفسي حبيتو حب مستحيل حد يتخيلو خونت ثقة اهلي واخواتي مع انهم مايستهلوش مني كدا بعد ماواجهتو ماانكرش بالعكس قالي اني انا السبب واني قصرت اخر فترة هنا قررت ابعد كان لازم دا يحصل قعدت فترة نفسيتي مدمرة وبقت بتجيلي نومة هلع اصرخ وارعش وبعدين يغمي عليا حسيت اني فقدت والدي للمرة التانية بس المرة كانت اقوي عايشت اهلي معايا فترة صعبة مع انهم مالهمش ذنب بعد سنه ونص قدرت اقف من تاني وقدرت اتخطا او كان بيتهيألي اني تخطيت طبعا في الوقت دا كنت مغيرة كل ارقامي واكونتاتي كل حاجة واختفيت بس كنت برقبو من بعيد وبتابع كل حاجة متعلقة بي قربت من ربنا وقطعت وعد علي نفسي اني مش هرجع للغلط دا تاني وربنا شاهد اني حاولت وبعد ماحسيت اني خلاص قدرت اني اتخطا واتأقلم في لحظة ضعف رجعت تاني وكلمتو ازاي عملت كدا ولي معرفش بس كان واحشني اوي وكنت محتجالو اووي هو اللي عودني علي كدا عودني لما احتاج لحد الجألو هو عودني لما اعيط هو اللي يطبطب انا اتعلمت الحب معاه ازاي انسا واتخطا كل داا انا جربت كل حاجة جربت اقرب من ربنا واصلي وادعي لربنا اني انساه واديت وعد لربنا اني مش هرجع تاني وخونت الوعد دا يمكن دي اكتر حاجة وجعاني ومحسساني بالذنب حاسة ان ربنا زعلان مني ومش عارفة اتصرف ازاي دلوقتي ولا عارفة اتسحب ولا عارفة اكمل وانا حاسة بالذنب ونبي فيدوني اي حد يفدني ويساعديني انا بكتب بأخر طاقة عندي مابقتش عارفة افكر حاسة اني مش مسيطرة علي نفسي وبعمل كل حاجة بدون وعي اسفة لو كنت اطلت عليكم
يوجد سبب بسيط جدًا وخفي هو ما أدى بك لهذه الانتكاسة. وهو متابعتك له عن بعد. أنت كنت صادقة في توبتك، وابتعدت وغيرتِ كل وسائل التواصل، لكنك كنتِ تنثرين الملح على جرحك وهو حي، أنت كنتِ ما زلتِ غير متعافية تمامًا. سوف أنصحك بعدة نقاط تأخذ بيدك وتساندك في هذه المحنة: أكثري من الدعاء والسجود، تضرعي إلى الله أن يجبر قلبك، توسلي إليه، ابكِ بين يديه، قولي يا رب قلبي يؤلمني، قلبي مجروح، أنا أتألم، ساعدني يا رب، اجعلي الدعاء في كل وقت، بين الأذان والإقامة، في السجود، قبل الفجر، كل وقت. أكثري من الذكر، اجعلي لسانك لا يكف عن الصلاة على النبي، والاستغفار. اعرفي كيف تتعاملي مع هذا الموقف نفسيًا، أنصحك هنا بقراءة كتاب سكن، منه ستتعلمين كيف تجعلي هجمات الذكريات أقل قسوة، الكتاب للأستاذة ريهام حلمي، وهي تنشر على صفحتها في الفيسبوك منشورات تمس هذه الجراح، تابعيها. أعانك الله ووفقك.
تم النشر الأربعاء، ١٤ أغسطس ٢٠٢٤
بسم الله الرحمن الرحيم السلام قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ. وهو الذي يقبل التوبة عن عباده ويعفو عن السيئات ويعلم ما تفعلون. عن النبي ﷺ أنه قال: لو لم تذنبوا لذهب الله بكم، وجاء بقوم يذنبون فيستغفرون فيغفر لهم هذا من رحمته وجوده أنه جل وعلا قدر على عباده وجود الخطايا، ثم يتوب عليهم سبحانه إذا تابوا إليه. خير ما قال ربنا سبحانه وتعالى وخير ماقال نبينا محمد صلى الله عليه وسلم دينا جميل مهما عملنا او اذنبنا فى امر او ظلمنا أنفسنا ربنا بيقلنا استغفرو وتوبو هترجعول احسن من الاول بس بنيه صادقه لا ربنا عليم بانفسنا والى جوانا. معنى انك جيتى الايلكيشن ده وتحكى دا كله انك معندكيش حد تفضفضى معاه ودا بيبقى صعب جدا ان الانسان ميلاقيش حد يتكلم معاه فى امر خصوصا لو نفسى بس لازم نفهم ان انفصال بابا وماما هل دا بايدى دا قدر بتاع ربنا حاجه ماليش دخل فيها ( ربنا قال لاتكلف نفسا إلا وسعها) يعنى ربنا عمره ماحيط انسان فى اختبار مش على قدر تحمله بس هو صعب لازم يكون صعب عشان ممكن الصعب ده يقويكى لما تتجاوز الامر ده لبعد كده منعرفش بكره فى ايه المواقف الصعبه والشدائد بتخلينا نقدر نتحمل لبكره بس الصعب هو نتجاوز ده ازاى.. انا متفهم ان معندكيش حد يعوضك اهتمام والدك او حنيته بس للاسف ضعفنا بيخلينا نسد ده بغلط يمكن اذاه اشد من من باباكى مش جمبك ودا الى حصل و ميرضيش ربنا فى الاول.. ماتيجى نشوف الامر من منظور تانى.. ماذا لو باباكى كان موجود والدنيا تمام بس مكنش مهتم و بيعاملك بقسوه كنتى هتقولى الانفصال هو السبب.. والله ناس كتير واسمعى عن الابهات الى بسببها بتاذى اولادها والعنف والضرب والغصب..ف الله اعلم ايه الى هيحصل لو باباكى لسه موجود لان كتير من الابهات مش بيقدم الدعم النفسى والحنيه .. الازمه ان احنا فى احتياج معنوى و نفسى نواجه بيه الحياه مش انتى بس كلنا ف حاجه لده طيب مين يدينى يسد حاجتى دى رقم واحد ربنا سبحانه وتعاله جربتى تصلى وتدعى ربنا وتتكلمى معاه بينك وبينه جربتى تدعى ربنا فى قيام اليل وتشتكى ليه بالى انتى محتاجاه اقرى واسمعى عن قيام اليل على يوتيوب والخلوه مع ربنا جربى مره وادعى بيقين هتلاقى الرد جالك متعرفيش منين بس احكى ربنا واشتكيله.. صاحبى بنات تعرف ربنا واحفظى قرأن و ادعى بالزوج الصالح هو الى هيعوضك والله عن كل الكلام ده لان فى حالتك دى انتى محتاجه زواج واستقرار الزوج هو الى هيعوضك عن كل فتره صعبه مريتى بيها بس اختار صح او الاحل من كده ادعى ربنا يختارك هو هو عارف انتى محتاجه ايه انا بنى ادمين جهله بانفسنا كتير.. نصيحه لوجه الله اوعى تتعلقى بوجود حد فى الدنيا لان ده بيبقى سبب لمرض نفسى شديد لان لازم يحصل فراق ان كان صاحب اب ام او اى انسان لان فتره فى حياه بعض ممكن فى اى وقت يحصل فراق ودا مؤلم نفسيا. واخيرا شوفى حد قريب منك سلى وقتك زورى اصحابك اهلك اقرى كتب اشغلى وقتك دايما اعملى اى نشاط صلى بلاش سماع اغانى و سماع القصص الغراميه اعرفى طريق ربنا وربنا هيكرمك من اوسع ابوابه وشكرا واسف على الاطاله
تم النشر الثلاثاء، ١٣ أغسطس ٢٠٢٤
يا حبيتّي، أولًا، أحب أقولك إنك قوية جدًا ومش لوحدك في اللي حسيتي بيه. كلنا بنمر بتجارب صعبة، وده طبيعي. أحيانًا الحياة بتبقى مش سهلة، خصوصًا بعد انفصال الوالدين وفقدان الشخص اللي حسيتي إنه كان سندك. لازم تحاولي تعرفي إنك تستحقي السعادة وحياة جديدة، وانك مش لازم تعيشي في الماضي. صحيح، التجارب اللي مرّيتي بيها صعبة، لكن كل تجربة بتعلمنا حاجة. الخطأ اللي حصل بعد ما اتكلمت معاه لا يعني إنك فشلت. كلنا بنغلط، والأهم إنك تتعلمي وتعودي تقومي من تاني. حاولي تققدمي لنفسك العناية والاهتمام اللي كنت محتاجاه من حد تاني. كوني لطيفة مع نفسك، واهتمي بنفسك. ابحثي عن نشاطات تحبيها، تعلّمي حاجات جديدة أو جربي هوايات تحبيها. وابتعدي عن كل ما يذكّرك بالذكريات القديمة. لو حسيت إنك مش قادرة تتجاوزي بمفردك، ممكن تفكري تلجأي لدعم محترف، زي معالج نفسي أو مدرب حياة. ده هيكون مفيد جدًا في مساعدتك على تخطي الصعوبات. فكري في الجوانب الإيجابية في حياتك، وحاولي تطلعي من الدائرة السوداء اللي حبيتيها. حطّي لنفسك أهداف صغيرة وابدأي في خطوة خطوة. حتلاقي نفسك قادرة تتقدّمي للأمام. وآخر حاجة، خدي وقتك. الشفاء مش بيلزم وقت معين. حاولي تحبي نفسك وكوني صديقة لنفسك. ربنا معاك، وأنتي قادرة على كل حاجة.
تم النشر الثلاثاء، ١٣ أغسطس ٢٠٢٤
لعرض السؤال في فدني اضغط هنا