مساء الخير ..عندي مشكله بدأت وانا ف ثانويه عامه (انا ف جامعه حاليا)بتجيلي افكار سلبيه مثلا حليت كويس الدرس انهارده يجيلي فكر مش هتحلي كويس المره اللي جايه وانا بكون خايفه من الفكره دي في امتحان بكره مش هتحلي كويس مع اني اكون مذاكره كويس جدا اللي هو اسمع حد قالي كلمه كويسه اني شاطره مثلا فيجيلي فكره اني مش هبقى شاطره بعد كدا ..حد قالي مثلا اني عارفه اتعامل مع الناس يجيلي فكر اني مش هعرف اتعامل بعد كدا..واحده صحبتي مش حابه شخصيتها يجيلي فكر اني اكون شبها وانا مش شبها واقعد احارب الأفكار كتير اوي اقول لا لا وانا تعبت اوي من الأفكار دي نفسي اكون كويسه مش كل كلمه اقعد احارب مع فكره جديده انا تعبت بجد وبعيط من الأفكار دي تعبت وافكار كتير اوي ..مبقيتش احب افتح الفيس كتير أو اقرا بوستات لاشوف كلمه أنها تثبت واقعد افكر فيها
انتي حياتك فاضيه محتاجه تكوني بتعملي حاجه مفيده قربي من ربنا إلهي نفسك قي دراسك لما تجيلك الافكار دي تغلبي عليها استغفري اعملي حاجه علشان دماغك تبطل تفكير اكتشفي نفسك في حاحه تكوني مميزه فيها
تم النشر الأحد، ٤ فبراير ٢٠٢٤
مساء النور .. في ثانوية عامة هل كان فيه حد من الاهل يحسسك انك ديما مقصرة؟ او مش عاملة اللي عليكي؟ او حتى انت كنتي ضاغطة على نفسك وحاسة ان طول الوقت ان فيه اكتر من اللي انت بتعمليه؟
تم النشر السبت، ٣ فبراير ٢٠٢٤
السلام عليكم و رحمة الله و بركاته ممكن تكون الأفكار دي بسبب الثقه في النفس اعرفي ان انتي محدش يقدر يهزك و انك لازم تدي لنفسك حقك و متبوصيش لنفسك ابدا على انك قليله و ان انتي قيمتك عاليه اوي محدش يقدر يوصلك خليكي دايما ايجابيه حاولي تقوي ثقتك في نفسك سواء في مظهرك دراستك او غيره متخليش حد يقل منك ابدا ممكن لو جالك التفكير الزايد دا تشغلي نفسك ب اي حاجه مثلا لو في وقت فراغ تقدري تمارسي هواياتك او تشوفي فيلم مع مراعاة الآداب طبعا او اقرأي قرآن و تقربي إلى الله و متقلقيش ان شاء الله واحده واحده مخك هيبطل العادة دي و هي مش حالة مرضيه ولا حاجه لا تقلقي
تم النشر السبت، ٣ فبراير ٢٠٢٤
طالما بنعمل اللى علينا وإن كل حاجه مقدرة عند ربنا فملوش لازمه اننا نفكر كدا وخلي ليكِ ذكر معين كل ما تجيلك الأفكار دى افضلى كررى الاذكار دى كتير .. اشغلى نفسك ..اقري واسمعي عن المشكلة اللى عندك.. ممكن تلاقي متخصصين ع اليوتيوب يفيدوكي... وممكن تقولى كمان الدعاء دا جميل حفظته عن والدتي ( ربي لا تشغل عقلى بما يقلقه ولا قلبي بمن لا يرحمه ولا وقتي بما لا ينفعه ربي اجعلني بك أقوى وبك أغني عن العالمين ).
تم النشر السبت، ٣ فبراير ٢٠٢٤
ممكن نقول دى أفكار سلبية ممكن تيجي لناس كتير فينا فمتخافيش ...بس لازم تبدأى تواجهي ده ..انتى محتاجه تعززي الثقة فنفسك علفكرة ولو عملتي اختبار ذات ( فى تطبيقات كتيرة ممكن تبينلك شخصيتك منها تطبيق ذاتك ) ...اعرفي إن كلنا فينا عيوب ونواقص عادى وإنك عادية جدا زى اللى حواليكِ ... وإن مفيش حاجه وحشه هتحصل
تم النشر السبت، ٣ فبراير ٢٠٢٤
لو الموضوع مأثر ع حياتك لازم دكتور نفسي تتابع معاه و ممكن يكتب لك ع أدوية ، بس مينفعش تضغط ع نفسك و يكون الموضوع مرضي محتاج علاج متخصص
تم النشر السبت، ٣ فبراير ٢٠٢٤
عندك تفكير مفرط و وسواس كده عشان احنا نبداء نلتزم بالاذكار ومنقعدش لوحدنا ابدا لانه ده هيأثر عليكي الالتزام بالذكر بيبعد التفكير ده خليكي ايجابيه اول م عقلك يبداء يفكر كده استغفري كتير انا كان عندي وسواس في الدين واي حاجه اخاف اقولها والكلام الداخلي اللي صوت الداخلي بيتكلمي وانتي ملكيش سولكه عليه الالتزام بالذكر والانشغال في اي حاجه صديقتي هيبعد عنك ده كله
تم النشر السبت، ٣ فبراير ٢٠٢٤
ليه محدش بيرد ؟
تم النشر السبت، ٣ فبراير ٢٠٢٤
لعرض السؤال في فدني اضغط هنا