انا لسه هادخل تالتة ثانوى مرعوبة من الى بشوفة كنت بعيط علشان ادخل ثانوى عام ليا حلم دلوقتى معرفش ملامح لاهدافى اى السبب إلى يخلى الوزارة تعجز الطلاب انها تحل وتوصل لحلمها إلى يتعبوا علشانو سنين من ضغط ومذاكرة وتعب اهليهم هل علشان الكليات الخاصة تشتغل علشان لو الطلاب عرفو يحلو هتقل النسبة فى الكليات الخاصة يعنى حتى التعليم استثمار على حساب الطلاب غير كمان النور الى بيقطع عليهم ب٣ و٦ سعات لى الامتحان ميكنش يتحل ماعدا مثلا كام نقطة تبين الطالب. لى الامتحنات بقت لطلاب المتفوقين فقط وياريت فعلا بيبقو خارجين مبسوطين لى يخلو الطالب وهو خارج من اللجنة تايهة ويودع حلمة وحالات وفيات قد كدة روح الانسان رخيصة ويجى يقولولك مش عاوزين كليات حقوق ولا تجارة عايزين تكلونوجيا طب حضرتك ازاى وانتو بتصعبو على الطلاب انتو إلى بتعملو كدا ان شاءالله ربنا ميضيعش حد تعب وذاكر ويوصلو لحلمهم واجبر بخاطرهم وخاطر اهليهم
بصي ي حبيبتي اهم حاجة هي صحتك النفسية اولا لان ده اللي هيخليكي تكملي مشوار ثانوية عامة وما بعدها اهم حاجة دلوقتي انك تركيزي علي ثانوي يعني مواد والدروس وتذاكري وسيبك دلوقتي من كورسات اون لاين او برمجه لما تخلصي الثانوية ابقي شوفي وعامة انصحك جنب كليه اللي هتتدخليها حاولي تتعلمي لغةهتنفعك جدا وقبل ده كله محافظة علي صلوات ده مهم جدا ،اعملي اللي عليكي وتوكلي علي الله حتة مجموع وامتحانات دي مش بتاعتك ولا في ايدك اللي في ايدك دلوقتي هو انك تذاكري ومتنسيش سلامك نفسي وربنا يوفقك
تم النشر الأحد، ٣٠ يونيو ٢٠٢٤
القلق من أي أمر شيء صحي جدا احييك عليه لكن في حالة زيادة القلق يعتبر مشكله تؤثر سلبا على أفكارنا وسلوكياتنا أولا بذل الجهد والسعي ده شيء طيب وجميعنا مطالب به أما التوفيق فيكون من عند الله لما فيه الخير لنا ،، بمعنى أننا مطالبون بالسعي والاجتهاد وفقط بدون النظر للنتائج ثانياً الثانويه العامه ليست مرحله مصيرية كما يعتقد البعض وإن كانت في سنوات ماضية للبعض كذلك فهي الآن من متطلبات العصر ليست أساس للمستقبل كما تظن ،، الشهادات الجامعية الآن ليست الوسيلة الوحيدة للكسب المادي هي من متطلبات العمل وليس من اساسياته وهذا يجب أن يكون حاضراً في ذهنك ،، ثالثاً المطلوب منك الآن الاجتهاد واليقين بما عند الله من خير وعدم التفكير فيما يحدث من أمور امامك لن تضيف لك إلا حالة سلبيه ليس لها أي فائدة ترجى ،، وتعامل مع هذه السنه كغيرها من السنوات امتحان عادي وسيمر ،، واعلم أن العمل الحقيقي المطلوب منك بعد دخول الجامعه فيما يخص كورسات اللغه والبرمجة والتسويق وما إلى ذلك ،، وفقكم الله وسدد خطاكم ،، تحياتي ،،
تم النشر الأحد، ٣٠ يونيو ٢٠٢٤
بصي معاكي في كل حاجه انتي تقوليها فعلا بس هقولك اول حاجه بجد الثانويه العامه دي مش مقياس لاي حاجه يعني وبعدين الكليات كلها زي بعضها الشاطر للي يثبت نفسه في المكان للي هو فيه ياما في الناس كتير متحققتش حلمها ومدخلتش الكليه للي كانت بتحلم بيها ودخلت كليه عاديه بس قدرت تحقق ذاتها فيها فانتي متخافيش ومفيش حاجه تستعدي انك تشلي هم حاجه انتي اهم حاجه ادخلي واعملي اللي عليكي وادعي ربنا ودايما خليكي قريبه منه واكيد هو ربنا بيكتب لينا الخير في كل حاجه بس احنا نسعى بس والباقي عليه وبجد الثانويه العامه ولا الكليه حتى آخر الدنيا في حاجات كتير ممكن ربنا يعوضنا بيها فانتي سلمي امرك الله وربنا يوفقك ويكتبلك للي فيه الخير
تم النشر الأحد، ٣٠ يونيو ٢٠٢٤
يا بنتي انا حاسة بيكي وبكل اللي بتمري بيه. الضغوطات اللي بتواجهيها في تالتة ثانوي فعلاً صعبة ومحبطة للإمتحانات، وبيحسوا إن أحلامهم بتبقى على المحك. انا معاك إن النظام التعليمي فيه مشاكل كتير، ومش دايماً بيكون في صالح الطلاب. لكن خليني أقولك حاجة مهمة، الطريق للنجاح مش بيعتمد بس على النتيجة في امتحان واحد. أكيد لازم تشتغلي بجد وتذاكري، لكن كمان لازم تأمني إن الله بيقسّم الأمور بقسطاس ويقدر مجهودك. عمرك ما تخلي الخوف يعطلك، حاولي تقسّمي وقتك بشكل سليم، وخدي أيام راحة ومش بس تذاكري طول الوقت. خلي عندك خطة واضحة وحاولي تمشي عليها بحرص واتزان. التعليم بقى فعلاً فيه شوية استثمار وحاجات مش في مصلحة الطالب، لكن انتي ركزي على هدفك واعملي اللي تقدري عليه. المستقبل مش بيتحدّد بس بالثانوية العامة، الحياة مليانة فرص تانية، وربنا ما بيضيعش تعب حد. احفظي على هدوءك، واطمني، وربنا هيوفقك. خليكِ واثقة في نفسك وفي مجهودك وربنا يستجيب لدعاكي ودعاء أهلك. ربنا معاكي يا بنتي ويكتب لكِ الخير والنجاح. 🧡
تم النشر السبت، ٢٩ يونيو ٢٠٢٤
لعرض السؤال في فدني اضغط هنا