انا عندي 14 سنه مشكلتي اني بتأثر من كلام الناس بطريقه كبيره وممكن اني احبس نفسي بالشهور لمجرد أن حد انتقدني ده غير اني صعب اثق في حد خالص أو احكيلو عن حاجه حتي لو كانت امي وبخاف جدا من الناس لدرجه ان لو في حده انتقدني أو عملت حاجه غلط او حتي تجمع عائلي ببقي مش عارفه اتنفس خالص وبتجيلي رعشه في يدي ومش عارفه اركز خالص في حاجه ودائما بحس اني وحيده ومنبوزه مع أن في ناس كتير حواليا وبيحبوني
مبدئيا إذا محبتيش نفسك متستنيش من حد يحبك ولازم لازم لازم تحطي قدام عينك ديما جملة " رضا الناس غاية لا تدرك " إللي بيسعي ورا رضا الناس وإنه يسكتهم وميسمعش إنتقاداتهم بيخسر نفسه واللي علشان يرجعها بيدفع كتير أوي والرجوع لنفسه ميبقاش سهل خالص. الحل إيه ؟ مفيهاش غير إنك تحبي نفسك، حبي شكلك أسلوبك تفكيرك، ديما راجعي نفسك أنا عملت كذا، كذا دا حلال ويرضي ربنا؟ أه ؟ يبقى أي حد في الدنيا رأيه مش مهم. طب الحاجة دي حرام ومترضيش ربنا؟ أه؟ يبقى أبطل الحاجة دي، غير كده رأي الناس أخد منه إللي يعجبني وإللي ميعجبنيش أكبر دماغي منه طالما مش بعمل عيب ولا حرام، وكلامه لو ع حاجة مش من إختياري ولكنها قدر ربنا كتبه ليا ف بردوا كلامه ملوش لازمة لأن ربنا إختار لي خير وبس.. مشاكلك هيتحل 80٪ منها لما تتعملي تحبي نفسك وتثقي فيها وتقدريها، ولما كلام الناس ميفرقش..
تم النشر الأربعاء، ١٠ أبريل ٢٠٢٤
فيه حد من اهلك كان ديما بينتقدك ديما ..؟ وليه صعب انك تحكي لماما اي حاجه؟ متوقعة مثلا رد فعلها هيكون ايه؟
تم النشر الخميس، ١١ أبريل ٢٠٢٤
أزيك اولا، شوفي الي اقدر اقولهولك في مقولة بالانجليزي بتقول Fake it till you make it يعني انك تكدبي علي نفسك وتقولي لنفسك انك اجتماعيه واعملي عاده انك مثلا عندك مشكلة ما مفيش حد غير باباكي او مامتك هيخافوا عليكي وهيقفوا جنبك قولي ليهم عليها مرة علي مرة هتبقي عادي وده جزء من الذكاء الاجتماعي لبناء العلاقات هتلاقي نفسك مرة عي مرة اتشجعتي وبقيتي مرنه في التعامل وهتلاقي سهوله في بناء العلاقات.
تم النشر الأربعاء، ١٠ أبريل ٢٠٢٤
لعرض السؤال في فدني اضغط هنا