مبدئيا إذا محبتيش نفسك متستنيش من حد يحبك ولازم لازم لازم تحطي قدام عينك ديما جملة " رضا الناس غاية لا تدرك " إللي بيسعي ورا رضا الناس وإنه يسكتهم وميسمعش إنتقاداتهم بيخسر نفسه واللي علشان يرجعها بيدفع كتير أوي والرجوع لنفسه ميبقاش سهل خالص. الحل إيه ؟ مفيهاش غير إنك تحبي نفسك، حبي شكلك أسلوبك تفكيرك، ديما راجعي نفسك أنا عملت كذا، كذا دا حلال ويرضي ربنا؟ أه ؟ يبقى أي حد في الدنيا رأيه مش مهم. طب الحاجة دي حرام ومترضيش ربنا؟ أه؟ يبقى أبطل الحاجة دي، غير كده رأي الناس أخد منه إللي يعجبني وإللي ميعجبنيش أكبر دماغي منه طالما مش بعمل عيب ولا حرام، وكلامه لو ع حاجة مش من إختياري ولكنها قدر ربنا كتبه ليا ف بردوا كلامه ملوش لازمة لأن ربنا إختار لي خير وبس.. مشاكلك هيتحل 80٪ منها لما تتعملي تحبي نفسك وتثقي فيها وتقدريها، ولما كلام الناس ميفرقش..
تم النشر الأربعاء، ١٠ أبريل ٢٠٢٤
2 تعليق
ربنا يسعدك ويريح قلبك يارب. متنسيش يا جميلة، إنتي مكنش في إيدك تختاري شكلك ولا شخصيتك، لكن إنتي في إيدك تختاري الطريقة إللي عاوزة تكملي بيها حياتك، هتتعبي النهارده علشان تتقبلي نفسك لكن بكرة هترتاحي. وفكري نفسك ديما إن محدش يستاهل إهتمامك قدك ومحدش يستاهل حبك قدك وإن إنتي أولى تسمعي كلام نفسك من إنك تسمعي كلام الناس إللي في الأول وفي الأخر مجرد أراء مختلفة طول الوقت..
تم النشر الأربعاء، ١٠ أبريل ٢٠٢٤
شكرا ، بجد تعليقك ادني طاقه ايجابيه
تم النشر الأربعاء، ١٠ أبريل ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك