من صغيري عايشه في بيت الاب في سلبي وشاكك وضعيف الشخصية ماعدا علينا انا وامي واخويا يستقوي بيتكلام كتيييير مابيسمعش غير نفسه بس وديما يتدخل في خصوصيتنا يشترط نكلم ومنكلمش مين حد لما كبرنا أناني مبيحبش حد يكون احسن منو حتى ولاده هو يكون احسن منهم الحلو ليه هو طبعآ الأول طول الوقت بيزعق على اتف الأسباب دائمآ الإهانة لي أمي وحاجات تانيه كتير تراتبرعليه ان اخويا طلع ضعيف الشخصية سلبي انا بقيت حد جابان جدا طول الوقت في توتر بسبه بقيت احب الشغل أكتر من البيت إحنا كلنا مبنحبش نقعد معاها علشان طول الوقت يحب يجب اي نكد يشوف اي الموضوع الي ممكن يضايق الي قدامه ويفتحه طبعاً كان في لحظات صعبه في حياتي ملقتش سند الأب ولا دعمه ولا اي حاجه من الابوه والامه عايشه مستحمله علشان خاطرنا فا أذى اقدر اتخطى المرحله دي او اتعمل أذى
بتبقى فيه حاجات الواحد للاسف ملوش يد فيها .. زي الاهل، لانك عمرك ما هتختاري اهلك. علشان كده بيبقى الحل في الحالات اللي زي ديه، هي التقبل والتعايش مع الاشياء ديه بقدر الامكان. حاولي تقللي من الحاجات الكويسة والايجابية في حياتك بقدر الامكان، كل ما هتكتري منها كل ما هتشوفي المشاكل الباقية اقل شوية .. فحاولي تحاوطي نفسك بناس ايجابية، شغلك تنجحي فيه، يكون لكي صحاب كويسة يدعموكي، تحاولي تعملي خير عن طريق مؤسسات تطوعية. تحفظي قران .. خلي حياتك انتي كويسة، بعديا بقى عن جو البيت والمشاحنات اللي فيه.
تم النشر الأحد، ١٤ أبريل ٢٠٢٤
ممكن اكون قريب جدا ليكي جدا جدا بمشكله الاب دي ولكن عن نفسي كنت ببعد عن اي حاجه ممكن تخليني اتصل بيه حتي الاكل باكل لوحدي فلازم تبعدي عنه قدر الامكان تاني حاجه لازم تحتكي بناس كتتير وتحولي تخرجي وتتعملي مع ناس كتتير عشان تبداي ترجعي لطبيعتك تاني وحولي تقراي كتب نفسيه هتفيدك جدا
تم النشر الأحد، ١٤ أبريل ٢٠٢٤
السلام عليكم خليني اقول لك انه ازمه ان يكون الاب او الام فيهم عيب كبير او حاجه كده لتمثل نقص في في الاحتياجات اللي بيحتاجوها الولاد في مختلف مراحل حياتهم دي بتبقى من المشاكل او الحاجات اللي احنا ما نقدرش ان احنا نعمل فيها حاجه بايدينا احنا ما نقدرش نمد ايدينا ونعمل حاجه ليه لان هي مشكله اساس حلها ان الشخص نفسه يدرك ان في مشكله ويبدا يحل حتى معنا يعني فاحنا نقدر نساعده في الحلق ولكن الشخص مش مدرك الغلط بتاعه فما بنقدرش نعمل حاجه غير ان احنا نعمل سبل الوقايه لنفسنا. من اللي بيحصل في اول سبيل للوقايه هو ان احنا نبقى عارفين ان دي حاجه مش بايدينا ومش في ايدينا حلها الاساسي. فمش هنقدر نغير حاجه في الاب ده بس نقدر نبقى مستوعبين هو اللي هو فيه ده سببه ايه فدي بتكون واحده من الحاجات اللي بتهدي الشخص شويه وبيستقبل الحاجات اللي بتحصل مؤذيه ومتعبه كده من الاب او من الام دول فالوضع كده مع باباكي تقدري تشوفي انه اصلا ضعف في شخصيته بره. هو مفتقد ان هو يحس بقيمه الذاتيه بتاعته مش عارف يحقق الجزئيه دي بره باي شكل من الاشكال الناس اللي بره بتقدر ان هي تكون اقوى منه في الشخصيه فهم يقدروا يسيطروا عليه او يمشوا كلامهم عليه اه ما يقدرش يحقق شخصيته بره فبيعمل ايه بيجي على المجتمع الصغير بتاعه اللي هو البيت ويبدا يحاول يمارس ده فاسهل حاجه انا هحاول امارس بها ده ايه ان انا امارس سلطتي بقى في البيت ده انه انا الزوج فاعمل ده واعمله كمان بطاقه قويه جدا طب ليه بتاخد قويه جدا لانه انا بعمله بطاقه غضب في الاساس يعني وانا مش بعمل معكم انتم كده في البيت عشان انا ما بحبكمش لا انا بعمل كده عشان انا متضايقه قوي ان انا مش عارفه اعمل ده بره طب يعني احنا ذنبنا ايه انتم ما لكوش ذنب بس ده الواقع او ده كده التفسير للي بيحصل معك. طيب تمام خلاص احنا عرفنا الراجل ده هو بيعمل كده ليه نعمل احنا بقى معه ايه نعمل بقى احنا صابون للوقايه بتاعتنا سبل الوقايه بتبقى ايه اولا هو دلوقتي عاوز يكون متحكم فاحنا بدل ما نكون بنقاومه في تحكماته فاحنا نقول له شوف حضرتك شايف ايه واحنا نعمله لو سمحت انا محتاجه اعمل ده انا محتاج ان انا اعمل ده حضرتك شايف ايه مجرد ما احنا هنبدا ندي له ده فهنقلل من حده ردود افعاله ده اولا فنبقى ايه عملنا وقايه لنفسنا من اللي هيحصل على اتفه الاسباب وفي حاجات ما لهاش اي لازمه واحنا قاعدين لا بينا ولا علينا بنلاقيه بيزعق على حاجه ما لهاش لازمه كل اللي احنا محتاجين نعمله ان احنا نسمع ومنطلعش اي رد فعل خالص وحتى فكره ان احنا ناخد بعضنا ونمشي من قدامه ده هيبقى رد فعل فاحنا لا مش هنعمل حتى لا احنا هنبصله على حد بالاسم اهو بص له ونقول له حاضر تمام وبس ليه لانه المقاومه مش هتجيب غير ان احنا هناخد من طاقه الغضب اللي عنده واحنا مش مستفيدين حاجه فاحنا مش عايزين نعمل ده احنا بنعمل مقاومه بان احنا لما نبقى شايفين ده طورع ما نستقبلهوش وما نعملش قدامه رد فعل لانه رد فعل ده هبقى عامل زي الايه اللي بسمح ان احنا نبدا نلعب فانا بقى ابص لك الكوره وانت تبصيها لي انت تزعق لي وانا ازعق وانا انت تتنرفز وانا احط في نفسي لا احنا مش محتاجين نعمل. ان شاء الله ربنا يرزقك ثواب البر بانك تصدر على اللي بيحصل ده وتاخد لنفسك وقايه في كل اللي بيحصل وتهدي انت من حده اللي بيحصل ده بانك ما تتجاوزش معاه وما تعملش رد فعل يا رب اكون حاولت على قد ما اقدر اساعدك في مشكله.
تم النشر الأحد، ١٤ أبريل ٢٠٢٤
لعرض السؤال في فدني اضغط هنا