السلام عليكم جميعًا،
في بداية الأمر أنا بشكر أي شخص يحاول يساعد غيره بجد وربنا يجازيكم خيرًا ❤️
أنا عندي مشكلة وابتديت أشوفها مشكلة كبيرة مع تقدم العمر، أنا كان عندي طموح كتير أوي وذكي جدًا، وكل الناس دايمًا بتشكر في إمكانياتي وكنت شاطر جدًا من صغري ودايمًا بطلع الاول بس كنت بآجي اشارك احلامي مع الناس كانت بتقولي مخك نضيف وجدع وكل الدعم ده، بس بلاقي نفسي محلك سر ومش بآخد أي خطوة ناحية أي حاجة وبكتفي دايمًا بالكلام وكل ما آجي آخد خطوة يحصل مشاكل والباقي نفسي رجعت لنقطة فقدان الشغف.
أنا مش فاهم أنا بمر بإيه ولا عارف أتعامل مع كل ده، أنا بقالي فترة كبيرة على كده بسبب الاكتئاب والضغوطات اللي عندي بس مش عارف أحدد فعلا هل نفسيتي وصحتي لها علاقة ولا ده عيب فيّ أنا أو إني ضعيف ومش عارف آخد أي خطوات ولا العيب في إيه بالظبط؟
فى البداية كده.من الواضح انك شخصية ذكيه وطموح ان يكون ليك مجالك وحابب تطور نفسك دى حاجة مميزه وجميله جدا، لكن ممكن الظروف المحيطة بيك مش مساعداك تعمل ده الموضوع محتاج منك صبر وإرادة قويه علشان تقدر توصل لهدفك حاول دايما تكتب كل اللى جواك واللى نفسك تحققه وايه اللي ممكن يوقفك وازاي ممكن تتغلب عليه لو حسيت انك بترجع عن هدفك فكر نفسك دايما أن ده هدفك اللى لازم تحققه علشان تقدر تثبت نفسك وتوصل لنفسك فيه حاول انك تواجه أي فكرة جواك او سؤال سلبي بتفكير إيجابي زى مثلا انت مش هتقدر تكمل ؟ ايه اللي محتاجه علشان اكمل؟ دايما خلي كلامك وأفكارك تكون بشكل إيجابي ، كل ما تحقق إنجاز اكتبه وكافئ نفسك عليه لانك تستحق ده لو ليك صديق مقرب أو لايف كوتش اتكلم معاهم وشاركهم افكارك ومشاعرك لأن ده هيفرق معاك كتير مشوارك محتاج منك عزيمة وإصرار فكن صبور وقدها
تم النشر الأربعاء، ٤ سبتمبر ٢٠٢٤
زي ما قالت اكتب وتابع نفسك حتي اشتري من مكتبه الحاجات بتاعت to do list هتشجعك جدا واكتب عن مشاعرك في اخر كل يوم وعن افكارك ومتشاركش كل الناس افكارك ممكن لما انت بتحكي بتحس من جواك أن الحاجه حصلت ودا احساس مزيف فحاول متقولش هتعمل اي غير لو حد هيشجعك ويفكرك بهدفك وفي فكره ساعدتني اعمل مربعات في ورقه علي عدد الايام اللي انت عاوزها واليوم اللي تمشي فيه تجاه احلامك واهدافك بخطوات فعليه لونه بلون تحبه انا مثلا بلون برصاصي واليوم الاجازه بخليه اخضر يعني كسبت وكدا ولو عملت وحش بلون ب احمر .. الحاجات دي هتساعدك تعرف انت فين وكل يوم اسأل نفسك فين المشكله بالظبط وحلل ..وكمان نزل دولينجو وخليه يعد معاك الايام كل دي حاجات ممكن تشجعك تكمل ..انا لحد النهارده بحاول وبغلط وعندي ايام لونها احمر كتير بجد بس بحاول ..واهم حاجه بجد توكل على ربنا وخليه رقم واحد من ناحية الاذكار أو الصلاه او اي حاجه وبقيت الحاجات هتتحل واحده واحده وادعي انك تستقيم وطالما عندك اهداف وطموحات فكر نفسك بيها دايما ارسمها علقها اكتبها بس عشان تفضل فاكر
تم النشر الأربعاء، ٤ سبتمبر ٢٠٢٤
وعليكم السلام ورحمه الله وبركاته خليني اقول لك المشكله دي ممكن تكون بتظهر ليه الانسان لما بيبدا يتكلم عن الافكار اللي موجوده في دماغه او الحاجات اللي هو ممكن تكون اهداف بالنسبه له بيبدا ياخد رد فعل من اللي قدامه وياخذ تقدير معين للفكره اللي هو دي فكره حلوه دي فكره كويسه انت كويس جدا انت جات لك الفكره دي ازاي وواو فالانسان بيحس ان هو كده خلاص هو اخذ اللي هو محتاجه فاذا كنت الفكره في الاساس ودماغك اللي شغال علشان تطلع افكار معينه او اهداف معينه لو انت كشخص او شخصيتك كده من اكتر الحاجات اللي بتبقى ريبوردينج بالنسبه لك او بتكون هو ده التقدير اللي انت بتحس ان هو ليه قيمه كبيره وهو تقدير المعنوي او انك تاخد مديح. هو ده بالنسبه لك اللي انت بتعمل مجهود عشانه فخلاص انت ايه اللي هيخليك تشتغل في الفكره وانت اوريدي خلاص اخذت الملح اللي انت محتاجه لذلك خلاص مخك بيعمل كلوز للفكره خلاص الفكره جابت الهدف بتاعها ايه ده يعني هي اصلا الفكره ما كانتش هدفها ان انا احقق منها ربح او ان انا ااا اوصل بيها لنتيجه محدده. هو النتيجه النفسيه اللي انت كنت مستنيها هو التقدير وانك الناس تنضحك على الفكره فاخذته خلاص فالموضوع وانت.
تم النشر الأربعاء، ٤ سبتمبر ٢٠٢٤
وعليكم السلام ورحمه الله وبركاته مشاء الله ربنا يوفققك يارب لكن انا حابه اقولك حاجه هل انت ليك هدف من المذاكره والدراسه وكدا ولا الغرض انك تظهر للناس انك فعلا شاطر وممتاز لاني انا كنت كدا بجد ومش هقولك اني قدرت اتأقلم علي فكره اني بذاكر وبتفوق علشان انا عندي حلم بس اقتنعت ان كلام الناس دا مش هيفيدني بالعكس دا هيدمر حلمي وطموحاتي لان مفيش حد بيحب حد يكون متفوق ولا احسن منو انا فعلا كنت بعاني من المشكله دي اانا كنت فعلا عبقريه في ماده الرياضيات وكنت بفرح وبسعد لما اسمع الكلام الحلو من الناس ومكنتش مدركه ان فيه حسد وناس حاقده وكدا كنت بحب انافس واجاوب بصوت مسموع علشان انا كنت شايفه ان مفيش حد اشطر مني بس ادركت دا بعد فوات الاون انا دلوقت لو سألتني في الرياضه بتاعه الاطفال مش هعرف اجاوب انا حقيقي الموضوع دا خانقني جدا ومش عارفه ارجع زي الاول بس انا بنصحك انك تشتغل في السر وانك متستناش التشجيع من حد غير نفسك صاحب نفسك وخليها هيا اللي تديك الدعم والتشجيع ونصيحه اخيره اوعي تحكي احلامك لحد والله لو انت اينشتاين نفسو هيحبطوك ومش هتعرف الكلام دا غير لما يفوت الاون انا كنت اتمني اني اسمع للناس اللي كانت بتقولي انتي شاطره اعملي في السر بس الحمد لله بحاول اشتغل علي نفسي من تاني وبدل ما كانت الرياضيات اسهل ماده في موادي بقيد بعمل جهد اكبر بس علشان اعرف احب الماده واتعامل معاها ذي الاول انت المهم داوم علي الاذكار والفروض وقرب من ربنا لان صدقني حتي لو انت بقيد تشتغل في السر انت خلاص بقيت مكشوف بالنسبه للكل لازم تعود نفسك علي التغيير دا لحد ما الناس يسبوك في حالك اتمنالك كل التوفيق
تم النشر الأربعاء، ٤ سبتمبر ٢٠٢٤
وعليكم السلام ورحمة الله وبركاته. أولًا، أشكرك على شجاعتك في مشاركة مشاعرك وتجربتك. من الواضح أنك تمر بفترة صعبة، وهذا أمر طبيعي يحدث للعديد من الأشخاص، خصوصًا في ظل الضغوطات الحياتية والتحديات التي قد تواجهنا. يظهر من حديثك أنك كنت تتمتع بشغف وطموح كبيرين، وهذا نعمة يجب عليك أن تتذكرها. ولكن، عندما يشعر الإنسان بفقدان الشغف أو الانتكاس، قد يكون لذلك عدة أسباب مثل الضغوط النفسية، الاكتئاب، أو حتى القلق. من المهم أن تعلم أن هذه المشاعر ليست دليلًا على ضعفك، بل هي تجارب إنسانية طبيعية. أنصحك بالتحدث مع مختص نفسي يمكنه مساعدتك في فهم مشاعرك بشكل أعمق وتوفير الأدوات اللازمة للتعامل معها. يمكن أن يساعدك المعالج في تجاوز هذه الأوقات الصعبة واستعادة الشغف الذي كنت تشعر به في السابق. كما يمكنك أيضًا محاولة تحديد أهداف صغيرة وواضحة والعمل على تحقيقها خطوة بخطوة، بدلاً من التفكير في الأهداف الكبرى. يمكن أن تساعدك هذه الخطوات الصغيرة في استعادة الثقة بنفسك وشعورك بالإنجاز. تذكر أن الحياة تتضمن تقلبات، وأن البحث عن الدعم من الأصدقاء والعائلة أمر مهم. لا تتردد في طلب المساعدة عندما تحتاج إليها. أنت لست وحدك، والشفاء ممكن بإذن الله.
تم النشر الأربعاء، ٤ سبتمبر ٢٠٢٤
جملة ( بشارك أحلامي مع الناس) دي كفيلة انها تعرفنا كلامك ده من غير ما تتكلم والله... اوحش حاجه ف الدنيا انك تقول لحد علي حاجه انك عملتها أو نفسك تعملها.. الحاجه الل عملتها هتبوظ والحاجه الل نفسك تعملها مش هتتعمل... اقسملك اني تقريبا عمري ماقلت لحد علي حاجه معينه أو هدف معين ف حياتي واتحقق.. كتّم على حياتك وعلي أهدافك ومتعرفش حد انت عاوز تعمل ايه أو ناوي علي ايه خليك ذكي.. مستحيل تلاقي حد عاوزك احسن منه انت متعرفش قلوب الناس فيها ايه ودايما يبينولك الظاهر الجميل ( وما خفي كان أعظم).. ف ابدا صفحة جديدة مع نفسك وحط أهداف لحياتك من الصفر وامشي خطوة خطوة من غير م حد يعرف عنك اي حاجه
تم النشر الخميس، ٥ سبتمبر ٢٠٢٤
المشكله انك بتمشي ورا الكلام ولكن ملكش دعوه بالكلام لو الكلام في دعم ليك ادعم نفسك لو الكلام سلبي ومحبط اعتبره تحدي وخليك دائما متفوق وبعدين ايه اللي خلاك تتراجع من الطموحات والأهداف 🤔 ارجع وشوف انت عايز توصل لإيه وتعمل ايه وحط هدف وأبدا في سعيك مش قادر قول يارب ساعدني يارب هد بايدي وملكش دعوه بكلام الناس المحبط ومتخليش عندك اوقات فراغ حاول تشغل دماغك باي شئ
تم النشر الأربعاء، ٤ سبتمبر ٢٠٢٤
وعليكم السلام ورحمة الله وبركاته اولآ عزيزي دعنا ننظر للجانب المشرق اولآ نحن كبشر يمكننا أن نفشل مرة ومرتين وعدة مرات ذلك ليس عيبآ ولا أي شيء يخص ذلك فالسقوط أيضآ ليس نهاية بل بداية جديدة حينما تفشل لاتستلم بل انهض وحاول مره آخرة مرارآ وتكرارآ لا بأس بالمحاولة بدل الجلوس بالتفكير بتلك الطريقة وجعل المشاعر السلبية تؤثر عليك جسديآ وعقليآ ومن أجل القول للناس بماذا ستفعل ذالك خطأ ان أردت لشيء بأن يستمر عليك بالكتمان فالعين حق خذ نصيحتي بعين الاعتبار وفقك الله وحفظك ورعاك دمت بخير.
تم النشر الأربعاء، ٤ سبتمبر ٢٠٢٤
لعرض السؤال في فدني اضغط هنا