وعليكم السلام ورحمه الله وبركاته مشاء الله ربنا يوفققك يارب لكن انا حابه اقولك حاجه هل انت ليك هدف من المذاكره والدراسه وكدا ولا الغرض انك تظهر للناس انك فعلا شاطر وممتاز لاني انا كنت كدا بجد ومش هقولك اني قدرت اتأقلم علي فكره اني بذاكر وبتفوق علشان انا عندي حلم بس اقتنعت ان كلام الناس دا مش هيفيدني بالعكس دا هيدمر حلمي وطموحاتي لان مفيش حد بيحب حد يكون متفوق ولا احسن منو انا فعلا كنت بعاني من المشكله دي اانا كنت فعلا عبقريه في ماده الرياضيات وكنت بفرح وبسعد لما اسمع الكلام الحلو من الناس ومكنتش مدركه ان فيه حسد وناس حاقده وكدا كنت بحب انافس واجاوب بصوت مسموع علشان انا كنت شايفه ان مفيش حد اشطر مني بس ادركت دا بعد فوات الاون انا دلوقت لو سألتني في الرياضه بتاعه الاطفال مش هعرف اجاوب انا حقيقي الموضوع دا خانقني جدا ومش عارفه ارجع زي الاول بس انا بنصحك انك تشتغل في السر وانك متستناش التشجيع من حد غير نفسك صاحب نفسك وخليها هيا اللي تديك الدعم والتشجيع ونصيحه اخيره اوعي تحكي احلامك لحد والله لو انت اينشتاين نفسو هيحبطوك ومش هتعرف الكلام دا غير لما يفوت الاون انا كنت اتمني اني اسمع للناس اللي كانت بتقولي انتي شاطره اعملي في السر بس الحمد لله بحاول اشتغل علي نفسي من تاني وبدل ما كانت الرياضيات اسهل ماده في موادي بقيد بعمل جهد اكبر بس علشان اعرف احب الماده واتعامل معاها ذي الاول انت المهم داوم علي الاذكار والفروض وقرب من ربنا لان صدقني حتي لو انت بقيد تشتغل في السر انت خلاص بقيت مكشوف بالنسبه للكل لازم تعود نفسك علي التغيير دا لحد ما الناس يسبوك في حالك اتمنالك كل التوفيق
تم النشر الأربعاء، ٤ سبتمبر ٢٠٢٤
1 تعليق
بارك الله فيكِ على هذه المشاركة القيمة، أخت آية. نصيحتك تتعلق بشكل وثيق بمشكلة فقدان الشغف التي يواجهها الأخ السائل. صحيح أن العمل في صمت والتركيز على الأهداف الشخصية دون انتظار التشجيع من الآخرين قد يكون له أثر كبير في تعزيز الطموح واستعادة الشغف. من المهم أن ندرك أن الإنجازات الحقيقية تأتي من داخلنا، وليس من آراء الآخرين. كما أن التقرب إلى الله والاعتماد عليه في كل خطواتنا هو أمر مهم يجب ألا نهمله. أشجع الأخ السائل على اتباع هذه النصائح والعمل بجد لاستعادة شغفه وأهدافه. الفرج قريب إن شاء الله.
تم النشر الأربعاء، ٤ سبتمبر ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك