إنتو بتشوفو الغلط الأكبر من البنت انها سمحت للولد انه يتكلم معاها؟ او لي مش بيجي ف بالكم انها ممكن تكون حصل ضعف منها وحبت تسمع الكلام الي هو بيقولو لها ؟! او مثلا في بنات لما حد يجي يكلمها بتقولو حرام ويبداء يقولها كلام يا خد عقلها بيه بتكلم عن البنات الي بتكون ف سن 11 و 14 لـ 16 سنةة بتكلم عن البنات الي في السن ده حابه أسمع رئيكُم بجد.
بس بجد فكرو فِ كلامكم قبل ما تقولو هيا لو ولو وشوفو اما بتلكم ف سن قد اي ومش هقلوكم انه افتقار للحب من الأهل والكلام ده بس
الغلط متقسم على الكل طبعا فى المجتمع بندور على حد نشاور عليه ونحمله الغلط عشان نصدر الحكم وخلاص ....لان تقسيم الغلط هيصعب المواضيع اكتر فى اننا ندفع مين ولا مين. مجتمع بيعرف يشارك فى الحلو ...بس ساعة الغلط محدش بيقبل المشاركة .
تم النشر الأحد، ١٦ يوليو ٢٠٢٣
في جزء من الغلط على الأهل إنهم -بدون قصد- قصروا في إعطاء العاطفة الكافية لأولادهم، ودا مش شماعة نعلق عليها الموضوع لكن نعرف إنه سبب ونحاول نعالجه، وأما الخطأ على الولد ولا البنت فكل حد منهم عليه نسبة خطأ والموضوع بيختلف حسب كل موقف فردي لكن عموما المفروض البنت تكون حاسمة في قفل أبواب الريبة والتعامل غير الضروري مع الأولاد ومتسيبش الباب إن حد يتكلم كلام زيادة ويتعدى حدوده لأن دا هيضرها هي والبنات بتتأثر أكتر من العك دا. بالتوفيق
تم النشر الأحد، ١٦ يوليو ٢٠٢٣
من وجهه نظري أن الغلط من الأم اللي المفروض تصاحب بنتها وتوجهها للصح وتقوم سلوكها وتربيها علي الحلال والحرام والغلط من الأب وهو سبب رئيسي أنه مسمعش بنته كلام حلو ولا حسسها بحنانه للأسف الأهل ليهم دور كبير في التربية والتوجيه والإهتمام والحنان والحب والصداقة والرعاية والنصح والمراقبة الأسرة السوية والمستقره واللي بتخلق جو نفسي مريح لأولادها بيفرق كتير في تربيتهم واي بنت تعمل غلط تحت مسمي ضعف راجع انعدام دين وانعدام تربية وأخلاق لأنها لو أتربت وأتعلمت دينها صح هيفرق في نشأتها وأن أي شاب مهما ضحك عليها هي تعرف توقفه عند حده
تم النشر الأحد، ١٦ يوليو ٢٠٢٣
كلهم غلطانين وكلهم هيتحاسبوا بس للاسف الحاجات الزي (اظهار الحب والاحترام والعاطفة) دي بقت محرمه بين العائلة وللاسف قليل جدا الي بتكلموا عن الموضوع ده وقليل اكتر البيسمعلهم
تم النشر الأربعاء، ١٩ يوليو ٢٠٢٣
الموضوع سئ بس اي بنت ممكن تقع فيه بس اهم حاجة اننا نتخطاه و نقرب تاني من ربنا و احسن حاجة هو الدين الاسلامي الي معظم المسلمين مبقوش عارفين عنه حاجة دة لو شوفنا هو معزز المرأو المسلمة قد و مخليها مختلفة عن كلل الي بيحصل دلوقتي دة هتقولو احنا ايه الي كان مخلينا واقعين في الطين دة و هتبعدو علي طول الحمدلله اني استوعبت بدري و توبت توبة نصوحة هي الي مسكاني و منعاني من اني اتحدث مع اي رجل لغير الضرورة او خارج نطاق المدرسة أما موضوع زيادة المشاعر و الكلام دة فتبا ليه انا الأهم عندي ديني و اخرتي و و الذنب الي معرفش ربنا هيغفرهولي و هفضل بيه لحد ما اموت و معرفش ساعتها اعدي من علي السراط ممكن نضيع وقتنا قراءة كتب سماع محضرات دينية نرسم بس غير ذوات الارواح ونصلي دة اهم حاجة و ربنا يوفقنا جميعا يارب
تم النشر الأحد، ١٦ يوليو ٢٠٢٣
هحاول أجيبلك الدائرة كلها اللي شاملة مين غلط و إزاي كان يتصرف. العائلة : أول طرف بنرمي عليه الغلط لما بنقع فى حاجه لكن هنا هو مش دايما غلطان علشان أنا ياما شوفت بنات و شباب أهلهم من أحسن الناس و بيعاملوا ولادهم أحسن معامله و بشهادة من أبنائهم و مع ذلك أخلاقهم لا تصح أو بيتصرفوا تصرفات لا تصح مثال قريبة ليا بسبب إني أبوها بيعامل امها وحش و مش بتشوف منو حنان كرهة صنف الشباب كلو لكن بسبب إنها شافت واحد فيهم هيقدر يديها الحنان اللي هيا عايزاه كلمتوا واتس و كانت قربت تخرج معاه . البنت : دائما ما بنلاقي فى القرآن آيات الحساب يوم القيامة بتقول كل شخص هيتحاسب على قد عمله عمله هو مش عمل أبوه ولا أمه ولا حتى صاحبوا معني كده إن الاختيار اللي بيصدر من الشخص عمل و هنتحاسب عليه يبقى البنت بسبب موافقتها على كلام الشاب أو حتى لردها على رسالتوا فهيا غلطة مهما كان إيه عمرها إحنا بندأ نتحاسب على أعملنا مجرد ما نبدأ نعرف نفكر و ده بيظهر عند الكل فى الإعداديه كحد أقصى. الولد : أول حاجه ارجوا إني لو قولت حاجه غلط هنا تعدليها علشان متقوليش إني متحيز , زي ما العائلة غلطة و البنت غلطة الولد كمان غلط و على فكره نسبة خطاة تعتبر أقل من البنت لأنو هو اللي عرض الطلب عليها و هيا وافقت و الموضوع زيو زي لما نيجي نحكم على قاتل و شريكة القاتل هو اللي قتل و شريكة كان بيحرص الباب بس لكن بيعتبر قاتل زيو لكن بياخد مدة سجن أقل و كذلك موقف البنت ممكن يكون الولد أجبرها و هنا يكون الخطأ برضوا منقسم على الاتنين و نسبة الخطأ أعلا عند البنت و أظن أنك فهمتي قصدي و على فكره مش دايما بيكون الغلط على البنت لأن فى ساعات بيكون فعلاً البنت مش قادرة تاخد قرار صح بس هنا هيا بتكون لسا موصلتش للمرحلة اللي بتفكر فيها فمش هتتحاسب فالمفترض إحنا نوجها مش نحاسبها و على فكره المفترض المرحلة دي تبدأ من أول 10 سنين تقريباً و لو اتاخرت أوي بيبقى لحد14 . بس. (أرجو إني لو قولت حاجه غلط أو فى عدم نقاط واضحة تسألي فيها و أنا هجاوبك و بمثل)
تم النشر الأحد، ١٦ يوليو ٢٠٢٣
طيب ياجميله.. ممكن عندك حق ف كلامك وان احنا كمجتمع بنبص للبنت اكتر ف الحته دي.. وان الولد ده راجل.. يعمل اللي عاوزه براحته خالص م اهو ولد و ف الاخر يروح يتجوز اللي مخرجتش من البيت.. علشان محترمه نتكلم ف حته هنا مهمه شويتين تلاته (سن المراهقه) اصعب مرحله ف حياة اي شخص هو سن المراهقه.. سن صعب جدا و التعامل مع المراهق فالسن ده لازم يكون ف حذر.. و ده بيرجع للاهل.. الاهل جزء كبير جدا جدا من ضياع الشخص سواء ولد او بنت نيجي بقا اشمعنا البنت.. هتلاقي دايما الناس الكبيره تقولك البنت سمعه لو ضاعت ف البنت ضاعت ونفتح كتاب الله عز وجل نلاقي مكتوب (يانساء النبي لستن كأحد من النساء إن اتقيتن فلا تخضعن بالقول فيطمع الذي في قلبه مرض وقلن قولا معروفا) الشيخ شعراوي فسرها بطريقه جميله جدا بيقولك لو اضطريتي تتكلمي مع راجل فتكلموا بصوت لا ليونة فيه ولا تكثر ولا ميوعه ولا مع اقتراب وبيقول كمان انا مقولتش انكم وحشين بس منعرفش اللي قدامنا ده ايه فيطمع الذي في قلبه مرض.. ومش معني ده اننا نتكلم بغلظه او بخشونه.. لا وقلن قولا معروفا.. البنت الجزء الاكبر والاساسي لانها لو رفضت مش هيقدر يتكلم ومينفعش تبقي ضعيفه و نرجع ونقول العيب ع الاهل والتربيه والبنات بردو جزء لو بصينا لدين الله عز وجل شويه هنعرف نتعامل ف كل ده حتي لو كان سن المراهقه وهو سن الضعف مينفعش الاستسلام و ف حاجه اتقالتلي زمان.. "مفيش حد بيضيع البنت غير البنت" والصاحب ساحب.. ويابخته اللي صاحبه ساحبه لطريق الطاعه لو المنبع نضيف صدقيني مش هيفرق 11 سنه ولا 14 ولا 16
تم النشر الأحد، ١٦ يوليو ٢٠٢٣
العطش للكلام مع الجنس الآخر رغبة طبيعية تدفعنا للزواج وليس لإقامة علاقات ليس لها أي وزن في ميزان العرف أو الشرع .. للأسف البنت المراهقة اللي مش بتعرف تضبط الرغبة دي بتدخل في علاقات مدمرة بتأثر في نفسيتها لسنوات ويا ريت تشوفي أسئلة البنات هنا في فدني في قسم الحب عاملة ازاي .. مفيش حاجة اسمها حد كبير يكون متابع العلاقة .. العلاقة إما تكون خطوبة رسمية بعلم الأهل أو نكون بنضحك على نفسنا وكل واحد يستمتع بالتاني يومين وبكرة يقول كانت ذكرى!
تم النشر الأحد، ١٦ يوليو ٢٠٢٣
أتفق مع حضرتك جدا، لأن كِده بنستهلِك مشاعرنا وعشان منظلمش فِ الأخر الشخص الي هنتجوزه.
تم النشر الأحد، ١٦ يوليو ٢٠٢٣
حببتي كل المراهقين في السن دا عندهم عطش للكلام مع الجنس الآخر والتجربة ومفيش غلط على طرف وطرف لأ احنا عشان في مجتمع شرقي بنلبس البنت الخطأ لكن. الحقيقة مفيش خطأ لا عند البنا ولا عند الولد دا احتياج انساني طبيعي لكن لازم يبقى مرافقه وعي وذكاء وحد كبير يكون عارف ومتابع العلاقة وطبيعة الكلام وكمان في اولويات في الفترة دي اكتر من الكلام مع الجنس الآخر وهي الاهتمام بالنفس والدراسة والمستقبل وتاجيل المشاعر والمشاركة بين الجنسين لسن اكبر شوية
تم النشر الأحد، ١٦ يوليو ٢٠٢٣
لعرض السؤال في فدني اضغط هنا