في حاجه غريبه حصلالي بقلها كزا سنه انا مجسده شخص في دماغي وان بفضل احكي عنو مع كل الناس قريبي اصحابي شخص مثالي جدا وساعات كمان بحكلهم عن اني اتخنقت معاه وسبتو مع اني مش مع الشخص ده او هوا أصلا مش موجود ديما حطاه حمايه ليا ديما بحكي واتأثر ولا اكني فعلا نفسي يبقي موجود مع اني أصلا ببقي مع أشخاص تانيه خالص مش اللي بحكي عليه ديما بدور علي الشخص اللي يفهمني ويحس بيا ويحبني زي ما أنا مبلقيش كل اللي حبوني حبوني عشان شافو فيا اللي عمرهم ما شفو فا لما ببقي في اسوء حلاتي محدش بيستحملني ديما بدور علي حاجه نقصاني ديمآ بدور اني احب واني يكون الشخص المناسب اللي افتخر بي قدام اهلي نفسي الاقي الشخص ده ممكن اكون بحب شخص بس مش مناسب ولا تعليم ولا شغل ف بخاف اخش معاه ف ارتباط رسمي احس في انو أهلي شيفني خد ت قليلي لا ديما جوايا إحساس اني عاوزاه اخد حد يقول انو بصو اهو ده العوض ليها لأن أمي منفصله عن أبويا وكل واحد متجوز وانا عايشه مع امي وأهل أبويا مش بيحبوني خالص وديما مميزين اخواتي عني مع اني البت الوحيده والأكبر وبشتغل وبدرس ومعتمده علي نفسي بس للأسف محدش مقدر ولا حتي اهلي كل الناس حتي اللي في حياتي محدش مقدر تعبي عشان كده مفيش علاقه كملت ده غير اني لما الشخص يبقي مثلا عاوز يتقدملي ومش عاوز يفتح مشروع ولا شغل ثابت يفضل يقولي انا الف واحده تتمناني علي حالي عشان هوا معاه عربيه انا ببقي ردي الاول والاخير لازم تفتح مشروع لازم تقف علي رجلك مفيش فايده ديما بيحس اني بقلل منو بل عكس انا نفسي حد يحارب عشان يوصل للهدف اللي هوا انا نفسي حد يحس اد أي انا تعبت في حياتي ونفسي أرتاح نفسي بجد انا شفت كتير اوي اوي هل انا صح ولا ده عبط مني وتلكيك عمري ما حسيت من جوايا انو في شخص يستاهل تقفي قدام الدنيا عشان خاطر حسه ديما اني بهون علي الناس ديما شيفني قويه وجامده مع اني في الحقيقه اني مهزمه جدا انا حتي مش لاقيه الحب اللي محتاجه ولا من صديقه ولا اخ ولا أهل ولا حتي حبيب
السلام عليكم ورحمه الله اهلا بيكي مقدره و حسه بكل كلمه قولتيها و متقلقيش من تجسيد الشخص في دماغك ، ف دي طريقه بتفرغي فيها الصراعات اللي جواكي و لكن استخدمي اساليب تانيه تريحك بجد زي انك تتأملي و تتعقلي وجود الأشياء اللي حواليكي. و الزواج دا أمر مش سهل ، و التكافؤ مهم جدا في الزواج ، تكافؤ في التعليم و في المستوي الإجتماعي و الثقافي و الفكري ، حته الراجل لا يعيبه شئ إلا جيبه مقوله غير صحيحه بالمره ، و لذلك حثنا الاسلام علي التكافؤ حتي لا ينشز و يتعالي اي طرف علي الآخر، و دا بيظهر قدام بعد الزواج و المسؤوليات ، هتعيدي حساباتك في وقت يكون خلاص مفيش منه فائده إعاده الحسابات و خسارتك هتكون كبيره جدا لو اخدتي اي تصرف نحو الانفصال. و لذلك اصبري و تأني في اختيار شريك الحياه ، فهو زواج العمر لازم يكون الاختيار مبني علي تكافؤ ، الحب بس لا يكفي لنجاح و استمراريه اي علاقه. كملي في دراستك و اشتغلي علي نفسك و كبري من نفسك بتقديرك ليها و حبك و المحافظه علي حقوقك و واجباتك ولا تستني تقدير الناس ليكي ، من له الحق في تقييمك؟؟؟؟ لا احد. و اهل والدك خلاص انتي عرفاهم علي ايه ، سيبك منهم مهما تعملي هتفضلي متشافه زي ما هما عاوزين، ف ركزي علي ازاي تكبري من نفسك علي مستوي التعليم و المستوي العملي في الشغل ، دا اهم و هتلاقيهم هما اللي بيجو يكلموكي لما توصلي لحلمك و تحققي طموحك. تصالحي مع الماضي و دعيه يمر و ركزي علي نفسك و طوري فيها هتلاقي ابواب كتيره و فرص زواج هايله بتتفتح ليكي. أسال الله أن يسعدك و يحقق ليكي كل طموحك. تحياتي لكي 🌹
تم النشر الجمعة، ١٤ يونيو ٢٠٢٤
تم النشر السبت، ١٥ يونيو ٢٠٢٤
أولًا، أنا فخورة بيكِ وبقوتك وصمودك. من كلامك واضح إنك شخص طموح ومررتِ بتحديات كثيرة في حياتك. خليني أقولك حاجة مهمة: طبيعي نحس بالإحباط والتعب، ولكن الأهم هو كيف نتعامل مع المشاعر دي. موضوع الشخص الخيالي اللي بتتخيليه أو بتحكي عنه، ممكن يكون ده دفاع نفسي عشان تواجهي الفراغ العاطفي أو التحديات اللي بتعيشيها. مفيش حاجة غلط في ده طالما مش بيأثر سلبًا على حياتك الواقعية. احنا كلنا بنحتاج لشريك حياة ونشوف فيه الأمان والدعم، وده مش غلط. لكن مهم ما نستعجلش ونقبل بأي شخص لمجرد إننا نبقى معاه. علاقتك بأي شخص لازم تكون مبنية على الاحترام والتفاهم ووجود أهداف مشتركة. احساسك بأنك محتاجة حد يحارب عشانيك ويحقق طموحه ده طموح مشروع. لكن ضروري كمان تعرفي تفرقي بين الطموح الواقعي والطموح اللي ممكن يهدم علاقتك ويكلفك جهد نفسي وعاطفي كبيرين. أما بالنسبة للوحدة اللي بتعيشيها مع عيلتك، فاهم إن ده مؤلم جدًا. حاولي تفتحي حوار معاهم بصدق وتوضحي مشاعرك واحتياجاتك، ومع الوقت ممكن تقدري تحسني العلاقات معاهم. لا تنسي أهمية إنك تهتمي بنفسك وتطوريها. شوفي إيه أهدافك وطموحاتك واشتغلي عليها. علاقتك بنفسك هي الأساس اللي عليه هتتبني أي علاقة تانية. وطبعا، لو حسيت انك محتاجة مساعدة أكبر، ممكن تروحي لاختصاصي نفسي يساعدك تفكي الشفرات اللي بتوجهك. واحد من أكبر دروس الحياة هو إننا نلاقي الأمان والسعادة جوا نفسنا قبل ما ندور عليهم في الآخرين. ربنا يوفقك ويحفظك يا رب، وان شاء الله تلاقي الشخص المناسب اللي يستاهل حبك وتعبك. 💖
تم النشر الجمعة، ١٤ يونيو ٢٠٢٤
لعرض السؤال في فدني اضغط هنا