أنا بمر بمشاكل كتير وحاليا مأثره فيا مش عارفه انساها وكلام كتير جدا اتقال ليا لدرجه انو بيخليني انهار من العياط ومبقاش عارفه انسي اي حاجه ، كنا عندي صحبه وحصلت بينا مشاكل كتير وحوارات واتقال ليا اني مريضه وكلام كتير يزعل انا مش عارفه انساه مع كتر الكلام دا حسيت نفسي وحشه فعلا ومش عارفه اتخطي حاجه ، انا بحب واحد وفيه بينا مشاكل كتير بسبب كدا وناس كتير مش عاوزينا سوا ف بدأت اقتنع اني وحشه وانو يستاهل حد احسن ، مع العلم والله بحبو جدا بس هو فاقد الشغف وانا كمان وفتره صعبه جدا عليا مش عارفه أعديها ، ف مش عارفه اعمل اي مع العلم بردو أن انا وهو مرينا بمشاكل كتير سوا وكان دايما سند وعون ليا وكان دائما جمبي ومفيش مره اتخلي عني فيها ، وانا كل مره بزعلو مني بقعد اعيط واندم أشد الندم ، بحبو ونفسي كل دا يعدي ، وبردو بقول يمكن انا فعلا وحشه وهو يستاهل حد احسن
لما بنمر بمشكله كبيره من حد قريب لنا جداا والمفروض فاهمنا صح ، بنستمر لفتره في حاله عدم اتزان . المهم ازاي نتعامل مع الفتره دي، لا تقاومي المشاعر اللي هتمر عليكي ، من انكار وغضب وحزن ومساومه حتي تصلي الي القبول ومن الواضح انك مازلت في حاله الصدمه من صديقتك ! وحتي تمري بجميع المراحل بسلام محتاجه تعبري عن مشاعرك ، الدعم الصحي ،الصبر ، تقييم العلاقه السابقه ، وممارسه الامتنان بتذكيرك بالنعم الكثيره من اصدقاء تانيه بتدعمك . والاهم البحث عن قيمتك الحقيقيه هل تستحقي ما حدث لك ؟ هل صديقتك كانت الشخص المناسب لك حقا ؟ هل هذه العلاقه كانت متزنه في الاخذ والعطاء ؟ عند تقييمك للعلاقة القديمه مع صديقتك اعتبريها تجربه او درس مهم في الحياه ولا تربطي قيمتك ولا صورتك بتجربه او درس قيمتنا من الله والأشخاص ليسوا إلا مراحل في حياتنا لنتعلم منهم في طريقنا
تم النشر السبت، ٨ يونيو ٢٠٢٤
عندك مشكلة أساسية هو انك مش حابة نفسك حددى ايه اللي مخليكي مصدقة انك وحشة في تصرفاتك و حاولي تغيريه للشكل الي انتي عايزاه غير. كدة كرهك لنفسك طول الوقت هيفضل مآثر على علاقاتك
تم النشر الجمعة، ٧ يونيو ٢٠٢٤
أولًا، أنا هنا عشان أسمعك وأدعمك، ومهم تعرفي إنك مش لوحدك وأحيانًا الحياة بتكون صعبة علينا كلنا. خليني أقولك كذا نقطة: تحديد قيمتك: انتي اللي تحددي قيمتك مش الآخرين. مش كل الكلام اللي بيتقال عنك صح أو مهم. لازم تشوفي نفسك بصورة مختلفة وشوف إيه الحاجات اللي تميزك وتخليكي جميلة ومحبوبة. الصداقات والعلاقات: العلاقات عادة بتعدي بمراحل صعبة، بس لو حد بيقول عنك إنك وحشة أو مريضة، ده مش ذنبك ولا يعني إن ده حقيقي. ممكن يكونوا عندهم مشاكلهم الخاصة وبيطلعوا غضبهم عليك. حب نفسك أولًا: قبل ما تفكري إنك تستحقي حد أحسن أو لا، فكري إنك تستحقي تكوني سعيدة وراضية عن نفسك بدون احتياج لموافقة الآخرين. ضعي الأولوية لنفسك وحاولي تعملي أشياء تحبيها وتستمتعي بيها. الشخص اللي بتحبيه: من كلامك واضح إنكم كنتوا سند لبعض ومريتوا بمراحل كويسة وسلبية معًا. العلاقة دي محتاجة تكون متبادلة، يعني الطرفين بيحاولوا. لو بتمروا بمرحلة صعبة، يمكن الحديث المفتوح والصريح يكون له تأثير كبير. بيكون عايش في رأسنا أفكار سلبية ونفترض إن الشريك مش فاهم أو مش عاوز يكون معنا، بس ممكن تكون الحقيقة وراها أسباب تانية. الاستشارة النفسية: ممكن تكون مفيدة جدًا. بتخلصي من الضغوط والمشاعر السلبية اللي بتراكم عندك وبتتعلّمي طرق جديدة للتعامل مع الضغوط والمشاكل. التفريغ النفسي: لو حاسة بضغط كبير، ممكن تكتبي مشاعرك في دفتر أو تتكلمي مع شخص تثقي فيه. ده ممكن يساعدك تفرغي شويه من الضغط والقلق. اختاري ساعة كل يوم لنفسك، اعملي حاجات بتحبيها وتساعدك تهدئي. انتي تستحقي السعادة والراحة النفسية، وأي حد يهمه مصلحتك هيقدر ده. خليك واثقة إن كل مرحلة صعبة بتمر، ومع الوقت هتعدي وتلاقي نفسك أقوى وأقدر على المواجهة.
تم النشر الثلاثاء، ٤ يونيو ٢٠٢٤
بصي حوار انك تسيبي صحبتك ده حوار بيحصل مع ناس كلها بسبب اختلاف وجهات نظر أو أن صحبتك دي مش نفس تربيتك واصولك وانتي مش وحشه ولا حاجه من غير ما اعرفك انتي ملكيش دعوه بكلام ناس صدقيني مش بيجيب ولا بيودي ونا مجربه انا كنت بكره نفسي اوي وحولت احب نفسي واركز ع مميزاتي وعيوبي اغيرها والولد الي انتي بتحبيه لو كان فيه نصيب بينك وبينو كنتو كملتو ملهاش علاقه ب مين الي وحش صدقنيني وركزي ف كلامي وقربي من ربنا اكتر
تم النشر السبت، ٨ يونيو ٢٠٢٤
لعرض السؤال في فدني اضغط هنا