السلام عليكم ظهرلى فطريات على اللسان بقالها شهر
ورحت لدكتور تخصص باطنية و كتبلى علاج فلوكونازول و ميكوناز و اوميز و نيوفاكتورى و ديكسافين دا مضمضة
لاكن مفيش نتيجة بتبدأ تخف و بعدين تزيد تانى لحد اخر زيارة مع الدكتور قال أمشى على العلاج ١٥ يوم ولاكن انا تعبت جدا منها.
هل المفروض اروح لدكتور تانى او تخصص تانى ؟
وهل ليها حل جراحة او ليزر يشلها خالص؟
طبعا فطريات اللسان حاجة مزعجة جدا . اولا الف سلامة عليكى . ثانيا الأمر بسيط و علاجه سهل أن شاء الله اولا لو عندك إصابة شديدة لازم العرض على طبيب الفم والاسنان. عشان تتعالجى صح ثانيا الانتظام في العناية بالفم جيدا و دا بيشمل حاجتين . غسل الأسنان و دا كلنا بنعمله . الحاجة التانية غسل اللسان و دا معظم الشعب المصري للأسف بيجهله . و دا بينتج عنه تراكم البكتيريا على سطح اللسان و التى تتحول الى فطريات بمرور الوقت. و تسبب رائحة الفم الكريهة. طيب اعتنى باللسان ازاى حضرتك بتجيبى حاجة اسمها مكشط اللسان أو ما يعرف ب tongue scraper cleaner و دا نوعان أما بلاستيك 5 أو مكشط ستانلس و دا بيكون أغلى . فأنصحك بالمكشط البلاستيكى . كويس و سعره معقول . و ممكن تجبيه من مواقع زى امازون أو نون او جوميا. لو ملقتيش فى الصيدليات حواليكى نغسل لسانا بضهر فرشاة الأسنان و اللى بتكون محببة شوية . بنغسل اللسان بشوية معجون الاسنان بسيط بضهر فرشاة الأسنان كويس جدا..و بعد كدا بنكشط كل المعجون بمكشط اللسان كويس و ممكن تتفرجى على اليوتيوب على طريقة غسل اللسان بمكشط اللسان عشان تتعلمى ازاى . تغسلى لسانك صح . طبعا بعد ما تكشطى كل المعجون حيخرج كل البكتريا أو معظمها و اللى اتجمعت من تراكم بقايا الطعام و نتيجة الاكل طوال اليوم . تشطفى فمك كويس بالمياه و تتمضمضى كذا مرة . و اوعى المعجون ينزل فى زورك . و حاولى تتخلصى تماما من المعجون بكشطه بطريقة سليمة من على اللسان . و الموضوع دا تعمليه صباحا و مساءا خاصة قبل النوم . لأن فترة النوم و نتيجة غلق الفم لمدة طويلة ليلا لو مغستليش لسانك قبل النوم . البكتيريا حتنشط و حتصبحى تلاقى رائحة الفم مش حلوة و تراجع المعاناة من تانى و الفطريات تبدأ تظهر نتيجة عدم نظافة اللسان بشكل مستمر . الموضوع بسيط و سهل . اتبعى التعليمات اللى بلغتك بيها و بعدا كدا حتلاقى لسانك خف و اصبحت رائحته نظيفة و حاسة التذوق عندك كمان حتبقى احسن و صحة الجسم تبدأ من الفم . و الف سلامة عليكى مرة تانية
تم النشر الجمعة، ٢٦ يوليو ٢٠٢٤
عليكم السلام إذا كان لديك فرصة لزيارة طبيب آخر فحاولي ذلك. كما تفضل الأصدقاء فطريات الفم للأسف ليست مؤشر على شيء بعينه، لذلك ليس الصواب علاج الفطريات بل مغرفة سببها. و نصيحتي لك أن تستمري على العلاج الذي يقرره الطبيب للمدة المطلوبة.
تم النشر الخميس، ٢٥ يوليو ٢٠٢٤
وعليكم السلام ورحمه الله وبركاته الفطريات على اللسان ممكن ما يكونش سببها المعده وممكن تكون حاجه من اللثه او الاسنان او او اي انفكشن ثاني فممكن زي ما ذكيه كده اديتك الاقتراح تروح لدكتور انف واذن او ممكن تروحي لدكتور اسنان تتاكدي ان اسنانك وما فيش حاجه فيها ممكن تكون هي اللي مسببه الفطريات دي الف سلامه عليك.
تم النشر الخميس، ٢٥ يوليو ٢٠٢٤
وعليكم السلام! أولاً، أتمنى لك الشفاء العاجل. الفطريات اللي على اللسان زي دي عادة بتكون نتيجة ضعف في الجهاز المناعي أو استخدام مطولات للمضادات الحيوية أو مشاكل صحية تانية. العلاج اللي ذكرته طبيعي وكتير بيكتبوه الأطباء لمكافحة الفطريات، لكن واضح إن حالتك محتاجة متابعة أكتر واهتمام. نصيحتي ليك: زور دكتور مختص في الأنف والأذن والحنجرة (ENT) : لأنهم عندهم خبرة أكتر في مشاكل الفم واللسان. مراجعة علاجك والتأكد من إنه مناسب لحالتك : ممكن تحتاج تركيبة علاجية مختلفة. الإلتزام بالنظام الغذائي الصحي : قلل السكريات والمأكولات اللي ممكن تزيد من نمو الفطريات. العناية بنظافة الفم باستمرار . بالنسبة للجراحة أو الليزر: دي عادة لا تكون الخيار الأول وما بتستخدم إلا في حالات نادرة جدا ومن الأفضل إن الدكتور المتخصص هو اللي يقرر ده. رايح الدكتور المتخصص في الأنف والأذن والحنجرة هيكون خطوة ممتازة للتأكد من العلاج المناسب ليك. ولو الحالة استمرت، ممكن الطبيب يحولك لطبيب جلدية أو متخصص تاني. ارتاح وإن شاء الله هتلاقي العلاج المناسب قريب. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ٢٥ يوليو ٢٠٢٤
لعرض السؤال في فدني اضغط هنا