كيف أكون شخص اجتماعي؟؟؟
علما انني اخاف من التعامل مع أي شخص لا أعرفه ولا اعرف سبب الخوف ويمكن أن يكون هذا سبب لجلوسي معظم الأوقات وحيدا
حتى وان وجدت أشخاص من الممكن أن يكونوا أصدقاء أشعر بخوف وتوتر غير طبيعي وأشعر بزياده في الادرينالين في اي مواقف اجتماعيه
اول حاجه لو هتعرف ناس جديده حاول تضحك فى وشهم وبالتالى هما هيبادلوك نفس الضحكه. بعدين سلم عليهم وقول انا أسمى ...... ممكن اتشرف باسمك ..... وبعدين تتعامل بلطف وتتكلم بكل احترام ولو معاك حاجه تتاكل ممكن تعزم عليهم وبعدين هما هيحبوك. خالص وحاول انك تحكى معاهم فى اى موضوع
تم النشر الأربعاء، ٢٩ يناير ٢٠٢٥
أخي العزيز، إن مشاعر الرهاب الاجتماعي قد تكون صعبة للغاية، لكن من المهم أن تعرف أنك لست وحدك في هذا الشعور. العديد من الأشخاص يعانون من مشاعر مماثلة، وهناك خطوات يمكنك اتخاذها لتخفيف هذا التوتر وتحسين قدرتك على التعامل مع المواقف الاجتماعية. التعرف على مصدر الخوف : حاول تحديد الأفكار أو المواقف التي تثير خوفك. الفهم الجيد لما يسبب لك القلق يمكن أن يساعدك في التعامل معه بشكل أفضل. البدء بخطوات صغيرة : يمكنك البدء بمواجهة مخاوفك من خلال التفاعل في مواقف بسيطة، مثل التحدث مع البائع في المتجر أو إجراء محادثة قصيرة مع جارك. هذه الخطوات الصغيرة يمكن أن تسجل لك نجاحات تعزز ثقتك بنفسك. البحث عن مجموعات اجتماعية : انضم إلى أنشطة أو مجموعات تتشارك فيها اهتماماتك. قد تجد من خلال ذلك أشخاصًا تشعر بالراحة تجاههم، مما يسهل عليك بناء صداقات. تدريب المهارات الاجتماعية : يمكنك ممارسة مهارات التواصل، مثل تقديم نفسك أو طرح الأسئلة على الآخرين، مما يساعدك على الشعور براحة أكبر عند التحدث مع الأشخاص الجدد. طلب الدعم : إذا كنت تجد صعوبة في التعامل مع مشاعر الخوف بمفردك، قد يكون من المفيد استشارة خبير نفسي مختص. يمكنهم تقديم الدعم المناسب وتقنيات فعّالة للتغلب على الرهاب الاجتماعي. تذكر أن التغيير يحتاج إلى وقت وصبر. من المهم أن تكون لطيفًا مع نفسك وأن تعترف بتقدمك في كل خطوة تخطوها. وفقك الله وأعانك.
تم النشر الأحد، ٢٦ يناير ٢٠٢٥
تم النشر الثلاثاء، ٢٨ يناير ٢٠٢٥
انهم مؤذين حتي ولو يظهرون الفضيله دا ال كان بيسيطر عليا في فتره من الفترات بسبب تعرضي الاذي منهم في فتره من الفترات و بقيت بخاف اتقرب منهم يأذوني لما حاولت اني ارجع طبيعي رجعت أسوأ من الاول بموقف شفت شخص يمر بموتسيكل ف انا بعدي الطريق وهو كان ماشي ببطئ بعد كدا رجعت تاني علي الرصيف لما زود السرعه بس بعدها بان علي وشه الغضب ف بحاول اني اخلي الموضوع يعدي ف بقله معلش روق ف رد عليا وقالي انا كنت كويس لحد ما شفت وشك والله اني كدت في هذه اللحظه ان انفجر من الغضب من نفسي اني حاولت.. الشخص ده خلاني سالت نفسي سوال هستفاد ايه لو اتعاملت مع الناس وكانت الاجابه ولا حاجه ف بقيت بالنسبالي الناس مجرد ادوات.. رغم كوني أرى أشخاص كثيرا صالحين وفي سني بس برضه بكون خايف اتقرب منهم خايف اندم مع توتر في التعامل وبقيت بتحرج جدا ونسيت ازاي اتعرف على الناس اصلا هما بيحاولوا يتعرفوا عليا ولكن بحس اني عايز اهرب بأسرع وقت من المكان هما شخصين بقابلهم في المسجد دائما، طيب انا ليه عايز اتعامل مع الناس لاني أشعر دائما بالوحده ومش عارف أشارك المجتمع سواء في الكليه أو بشكل عام
تم النشر الثلاثاء، ٢٨ يناير ٢٠٢٥
ايه اللى بيخوفك من الناس ...ايه الافكار اللى بتجيلك
تم النشر الثلاثاء، ٢٨ يناير ٢٠٢٥
خلاص انت عارف مشكلتك دلوقتي ما فضلش غير مبادرة منك أنت لحلها ما هيعرف يحلها غيرك 💪👊
تم النشر الاثنين، ٢٧ يناير ٢٠٢٥
هو مش كده في الأول انا كنت طبيعي وانا صغير لكن حصل شئ خلاني افقد القدره علي التعامل مع الغرباء بشكل عام ي كره مع خوف ونفور وقلة ثقه واوقات احراج تفهمني
تم النشر الاثنين، ٢٧ يناير ٢٠٢٥
أنا لا أنكر أن عدت عليه فترات كنت كاره فيها البشر وبصورة على فكرة مش شتمة لا ده أذية أكبر والله بس لما بشوف ناس كويسة زي مثلا الداعية مصطفى حسني أو الشيخ الشعراوي أو غيرهم من الناس الطيبين أعرف أن الدنيا لسه فيها خير،، بالنسبة لتعاملك أنك تعرف أنه كويس أو لا مش هتعرف غير لما تتعامل معاه أنا في سنة أولى كلية كل الدفعة تعرفني وأعرفهم عرفت الوحش وعرفت الكويس وعرفت وحط تحتها كام خط الطيب اللي بقي وحش بسبب ظروف صعبة مرت عليه، أنت نيتك خير تفاعل لقيته كويس شغال مش كويس بيني وبينك يعم السلام ،،.
تم النشر الأربعاء، ٢٩ يناير ٢٠٢٥
ازاي ارجع اتعامل معاهم انا حتى مش فاكر لو محتاج اتعرف على الشخص المفروض اعمل ايه؟؟
تم النشر الثلاثاء، ٢٨ يناير ٢٠٢٥
بص يا صديقي أنا كنت زيك بس سألت نفسي سؤال ❓🙋 هو اللي هتكلم معااه أزيد مني في ايه أنا انسان وهو برده انسان لا أزيد رجل ولا أزيد يد اندفعت للكلام مع أي أحد مخبيش عليك تلعثمت في الكلام بص ضحكنا وضحكت معاهم وبقينا نهزر على طول وبقينا أحلى صحاب وبقيت بتكلم مع أي حد عادي اندفع واللي يحصل يحصل هو الكلام بفلوس 😅
تم النشر الأحد، ٢٦ يناير ٢٠٢٥
لعرض السؤال في فدني اضغط هنا