السلام عليكم ، أنا بقيت بكتشف إن اقرب الناس ليا بيحقدوا عليا ويغيروا منى وده بيبان في تصرفاتهم معايا ، أنا بشتغل معلمة وأنا جديدة في المدرسة دي لما بيبقى في أي مناسبة حفلة وكدة المدرسين يعدوا يتصوروا مع بعض ويتجنبوني ومجرد يقولولى تعالى صورينا محدش بيقولى مثلا تعالى اتصوري معايا وده مقارنة بصحابي في شغلى القديم اللى كانوا شبهي وبيحبوني ودايما كلنا مع بعض ، لكن في الشغل الجديد بقيت مأذيا نفسيا بسبب حقدهم عليا بسبب نجاحى حسيت إنهم بيجرحوا شعوري من غير ما يحسوا ومبقتش طايقة اروح الشغل تانى
مش ضرورى خالص ده يكون بسبب حقد وغيره ,.,,انتى بس جديدة ومندمجتيش معاهم وهما بقالهم فترة مع بعض كبيره ..فاللى بتوصفيه حاجة عاديه انتى بقي مفتقدة نفس الاجواء مع زمايلك القدام ..هونى على نفسك واعملى حاجة حلوه ووزعيها على زمايلك بابتسامه حلوه وقوليلهم ايه رايكم فى عمايل ايدى وابدأى علاقه جديدة مع ناس جداد واتعرفى عليهم ويتعرفوا عليكى
تم النشر الأحد، ١٠ مارس ٢٠٢٤
قرأت قبل كده إن سعادتنا و رضانا عن نفسنا و صحتنا النفسية اهم من اي شيء و اي شخص و مكنتش مقتنعه بالموضوع لحد ما جربت نفس الي جربتيه اللهم إن الفرق الوحيد اني لسه طالبه و نفس الوضع اكتشفت ان زميلاتي الي كنت بحبهم اوي و كنت بساعدهم دايما انهم كانوا بيحسدوني و بيغيروا مني لأني متفوقة و بسببهم كنت دايما بكره اني اروح المدرسة او اني اتكلم معاهم لأنهم كانوا بيتجاهلوني و مش بيكلموني غير لما يكونوا عاوزين يعرفوا درجتي في اي امتحان و بسبب واحدة منهم كنت بحبها اوي و كنت بساعدها كتير و كنت عاوزة ابقى مقربة منها و هي كانت بتتجاهلني اكتئبت اوي و درجاتي نزلت جدا و كنت في فترة سيئة بسببهم لدرجة اني روحت لأخصائية نفسية و حتى الاخصائية النفسية قالت اني محسودة و بعد كده قررت ان راحتي و صحتي النفسية اهم من اي موقف أو شخص أو شيء و قررت اني ابعد عنهم و فعلا عملت كده و حياتي بقت احسن بكتير انا قولت كل ده عشان اقولك ان ممكن تغيري مكان شغلك مثلا تروحي مدرسة جديدة او لو مش هينفع يبقى الحل الامثل هو انك تبعدي عنهم و تعامليهم بالمثل الي يجرحك ردي عليه و الي بيغير منك و من نجاحك ده مجرد انسان فاشل قرر انه يضيع طاقته على الحسد و الغيرة بدل ما يشتغل على نفسه و افضل أسلوب تتعاملي بيه مع الاشخاص دي هي التجاهل و البعد عنهم اتعرفي على زملاء غيرهم و لو مفيش يبقى إغتني بنفسك و ركزي على نفسك و ضايقيهم اكتر بنجاحك و مش لازم خالص يكون عندنا زملاء او اصدقاء لو الاشخاص دول بيأذونا نفسيا في حين أن في أشخاص كتيرة جدا حوالينا افضل منهم يعني مش لازم تكون علاقتك كويسة مع الاشخاص الي في مكان عملك لو هم أشخاص سيئين و بيغيروا منك و ركزي فقط على الاشخاص الكويسة الي في حياتك مثلا زوج صالح او اخت مقربة او عائلة جيدة و داعمة و حتى لو مفيش دول و مفيش اي حد في حياتك لسه عندك نفسك و هي أولى و اهم من اي شخص تاني عشان كده أكتفي بنفسك و ركزي على صحتك سواء النفسية او الجسدية و على نجاحك و تطورك لأن ده افضل حاجه ممكن تقدميها لنفسك
تم النشر الجمعة، ٨ مارس ٢٠٢٤
ودا لأنك جديدة لسه وشاطرة احتفظى بشخصيتك ونتلاقى الى يفهمك ومع الوقت هتعملى أصحاب جديدة
تم النشر الاثنين، ١١ مارس ٢٠٢٤
حاسة بدة لانك لسة جديدة
تم النشر الأحد، ١٠ مارس ٢٠٢٤
محدش بيحب حد احسن منه ، اشتغلي علي نفسك اكثر و طوري من نفسك و مكانتك في المحيط عندك و وقتها هيتمنو انهم معملوش كده وحتي لو محصلش انتي اللي استفتي في الاخر
تم النشر الأحد، ١٠ مارس ٢٠٢٤
متهتميش بتصرفاتهم وكلامهم خليكى دايما مركزه على نفسك وتطورى من نفسك وحبي ذاتك وانجحي في كل مجالاتك
تم النشر الجمعة، ٨ مارس ٢٠٢٤
لعرض السؤال في فدني اضغط هنا