بصو أنا عارفه إنها طويله بس ياريت تقراوها وتفدوني!؟
دلوقتي أنا فيه بنت صحبتي بقالنا 3 سنين كنا صحاب، ف الاول كنا مع بعض عادي اللي هوا بنروح عند بعض وكده وهيا كانت طول الوقت بتشكي من اهلها وانها مش بتحبهم وكل دا.
وكانت هيا اشطر مني، هيا اكبر مني بسنه اساسا كانت تيجي في الخناقات تعايرني وتقولي انا اشطر منك و انتي مش صحبتي ومصاحباكي مصلحه لغايه ما بدات اذاكر واوصل لنفس المستوى بتاعها.
وأنا عمري ف حياتي ما عايرتها وبعدين مبقتش تعايرني بعدما وصلت لمستواها وكل دا كنا لما نتخانق مش بروح اصالحها وهيا اللي بتيجي تصالحني والدنيا بتمشي.
فضلنا سنتين ونص ع الوضع دا لغايه ما هي جت من فتره مش كبيره شدينا اوي مع بعض فجت صالحتني مرضتش اصالحها جت بعتت مامتها ومن هنا عرفتني انها مريضه نفسيا.
أنا كنت عارفه من قبل كده بس يعني كنت بعدي مش باخد ف بالي لغايه ما مامتها اكدت لي المعلومة.
من 7 شهور اتخانقنا انا وهي وقعدنا تقريبا اسبوعين منتكلمش خالص، جت هيا ف الفتره دي اتعرفت على ولد.
المهم انها عرفت مامتها على اعتقاد ان هتقولها ماشي كلميه عادي بس مامتها قالت لها متكلميهوش وكده فعملت له بلوك وشدت مع مامتها ساعتها جامد عشان متقولش لباباها وكمان عشان خلتها تقطع علاقتها بيه وهي كانت استريحت له.
المهم جاتلي ف اليوم اللي بعدو كانت بتعيط فمرضتش اعاتبها او حاجه وقلت لها تعالي ولا اكننا كنا متخانقين وقلت لها مالك وحكت لي اللي حصل وقالت لي انها ارتاحت له وعاوزاه وكده يعني فقلت لها خلاص ادخلي كلميه
بس اتفاجنا انو كان عاملها بلوك هي كانت عارفاه من على التيك توك فقلت لها خلاص ماشي اعملي اك جديد واعملي ليه فولو وادخلي كلميه ودا اللي حصل جيت بعدها حسيت اني عملت ليها حاجه غلط مكنش ينفع اساعدها ف كده.
وقلت لها انا ولا هو قالت لي انتي شايفه حياتي ومش عارفه ايه وانا مش عاوزه لا اخسرك ولا اخسره
قعدت اوعيها وأقول لها طب خفي من الكلام معاه وان مينفعش ودي مش تربيتنا وكده برضوا قالت لي ان اهلي ومتخافيش هو انسان محترم وهو لو مش محترم مش هكلمه.
المهم فعلا الولد محترم اتكلموا حوالي شهر ونص وبدأت تحصل مشاكل، المهم لما كانو يبقوا هيسيبوا بعض كانت تقول هنتحر وتقعد تعيط وكل دا فكانت تخليني ادخل أكلمه وأقنعه يرجع وهكذا لغايه ما عرفت مامتها وباباها وكل دا بدأوا يودوها لدكاتره نفسيين وكل دا بسبب انها كانت دايما بتقول انها هتنتحر
وكانت بتحاول كذا مره وكانت بتاخد برشام كتير جدا عشان تنتحر بدات في الفتره دي ابعد عنها لكن حاولت انها تنتحر بسبب كده فالمهم باباها طلع كلم الولد ووعده انه مش هيكلمها تاني بس برضوا هيا كانت بتكلمه
وكانت لما تحصل لها اي مشكلة كنت ادخل وأكلمه وأصالحهم على بعض لغايه ما مامتها قالت لي لو رجعت كلمته تاني قولي لي بس صحبتي كانت منعاني اقول حاجه وكانت بتهددني انها هتقتلني وتقولي هقتلك مش مصدقاني هقتلك والله اساسا حاولت اقتل ابويا قبل كده مش هقتلك أنتي هتقتلك وبعدين هقتل نفسي
فأنا كان ردي عليها في الكلام لو تقدري تعملي حاجه اعمليها أنا مش مسكاكي فأنا مقولتش لمامتها ولا حد لغايه ما اهلها مبقوش متقبلني خالص وكمان اهلي مش متقبلنها فجت اخر فتره الولد مبقاش عاوز يكلم صحبتي تاني خالص اتققل منها بالمعنى الحرفي.
دخلت كلمته كتير بس مفيش فايده وحاليا صحبتي طلع عليها سمعه مش كويسه خالص في المدرسه انها بتكلم ولاد وكده في المدرسه وهي مريضه نفسا بس هيا بتحبني جدا جدا اخر فتره بقت بتحبني جدا بس اهلي مش موفقين ع صحوبيتنا عشان جت فتره أثرت عليا اوي بس انا مش عارفه ابعد عنها هيا مش مخلينا عارفه ابعد عنها.
اهلي حاليا عاوزني أبعد عنها واهلها كذلك وانا حيرانه اوي مش عارفه ابعد عنها ولا اخليني جنبها عشان كل ظروفها دي
(انا عندي 14 سنه وهيا 15 سنه)
عزيزتي، أقدر مشاعرك وأنت تواجهي هذه التحديات المعقدة في صداقتك. يبدو أن صديقتك تمر بوقت صعب جداً، ولها أعراض واضحة تشير إلى اضطرابات نفسية تحتاج إلى معالجة. من المهم أن تعرفي أنكِ لا تتحملين عبء مساعدتها بشكل كامل، خاصةً وأنك في سن صغيرة كفيلة بتحدياتها الخاصة. أود أن أقدم لكِ بعض النقاط الأساسية لمساعدتك في التعامل مع هذا الوضع: الحدود الصحية : من المهم أن تضعين حدوداً صحية في صداقتك. إذا شعرت أن تفاعلاتكما تؤثر سلبًا على حياتك وتعليمك، عليك أن تقومي بتحديد تلك الحدود. المساعدة المتخصصة : بما أن صديقتك تحتاج لمساعدة نفسية، فإن أفضل ما يمكنك القيام به هو تشجيعها على زيارة أخصائي نفسي مع والدتها. هذا سيساعدها في إيجاد الطرق الصحية للتعامل مع مشاعرها. التواصل مع الكبار : نظرًا لمشاكل كهذه، قد يكون من الأفضل التحدث مع والديك أو مع معلمة أو مستشار مدرسي حول الوضع. هم يمكنهم تقديم الدعم والنصح وإيجاد الحلول المناسبة. الأمان أولاً : إذا شعرت أن تهديدات صديقتك كانت جدية، فعليك أن تأخذي ذلك على محمل الجد. أمنك الشخصي يجب أن يكون في المقدمة، وفي هذه الحالة، من الأفضل أن تتبعي توجيهات الأهل سواء في البقاء أو الابتعاد. العناية بنفسك : قد تكون مرحلة الصداقة هذه مرهقة جداً بالنسبة لك. تأكدي من أنك تعتنين بنفسك، وخصيصي وقتاً لأنشطة تحبينها. تذكري أن الدعم للآخرين لا يجب أن يأتي على حساب راحتك النفسية أو سلامتك. كوني حذرة، وابحثي دائماً عن حل يعمل لصالحكما. أتمنى لك التوفيق في اتخاذ القرار الصحيح.
تم النشر الثلاثاء، ١٩ نوفمبر ٢٠٢٤
بصي ربنا مبينساش حد حاولي زي ما قولتلك بالتدريج تقطعي مرة تقعدي معاها و مرة لا مرة تتكلموا مرة لا و مرة هتجيب مرة و كل واحد هيتشغل فحياته بس صدقيني اللي يصعب عليك يفقرك و غير كدة أنتي معملتيش حاجة وحشة ليها بالعكس أنتي بتسبيها بالحسني و أهلك عندهم حق حتي لو البنت غلبانة بس للأسف الحسنة تخص و السيئة تعم بالذات فمصر ربنا يسترها علي بناتنا جميعا يارب العالمين
تم النشر الثلاثاء، ١٩ نوفمبر ٢٠٢٤
م ناحيه الولد ف اكيد عملت بلوك ومسحت الرقم بس هيا دايما بتقولي متبعديش عني يعني انا صعبان عليا اسبها كده وهيا لو نا مردتش عليها احنا متعودين بنقعد مع بعض م بين فترات الدروس واهلي بيقولو ليا ابعدي عنها عشام سمعتها وكده وصارحتها بكدن بتقولي هتسمي كلام اهلك وتستعطفني تاني وهيا فعلا فعلا ملهاش حد غيري
تم النشر الثلاثاء، ١٩ نوفمبر ٢٠٢٤
أنا شايف أن أبعد عن الشر و غنيله و حتة أنك تدخلي تكلميه عشان يصالحها مش صح أمسحي رقمه و أعملي بلوك و البنت أقطعي تدريجيا مش مرة واحدة يعني لو بتتكلموا كل يوم يوم اه و يوم لا و لو قالتلك مردتيش ليه مثلا قوليلها معلش كنت عند قرايبي أو فمشوار و مرة علي مرة اقطعي و حتة أنك خايفة عليها من الأنتحار أدعيلها و أنتي بتقولي أهلها بيودوها عند دكتور نفسي و هو هيبقي أدري مني و منك
تم النشر الثلاثاء، ١٩ نوفمبر ٢٠٢٤
لعرض السؤال في فدني اضغط هنا