انا مليانه ف الجسم شويه بس م باين عليا عشن طولي بابا لم يشوفني يفضل يقولي يعجله وشبه الفيل حاولت كتير اعمل رجيم وكل معمل رجيم الجرثومه ترد عليا واتعب +ان انا هرموناتي كدا ووراثه جسمي المليان من اخوات بابا انا تعبت وبقت اقل كلمه تهدني وم عارفه استحمل كلامو عمرو مبيبص لمشاعري اعمل اي عشن انا حسه اني انكسرت اوي 💔
عارفه احنا ال بندي الناس قوة تحكمهم في مشاعرنا او شكلنا اعذريني ان بكلمك علميا احنا مش بأيدينا نغير حد لا بابا ولا اي فرد انتي ال محتاجه تتغيري ال يقولك خسي يا عجله قوليله مش بحب المعصعصين بحب نفسي كده اشتري لبس اوفر سايز او فصلي حاجات شيك وتبقي واسعه عليكي تبين انك جواها اقل من مقاسها حبي نفسك وحليها وال يقولك خسي قوليله حاضر هعمل كده دلوقت طالبه اكل دايت اطلبي بيتزا وافرسيه خلي الناس تاكل نفسها من ثقتك بنفسك تخسي وقت بس ما نتي تعوذي ده مش وقت ما هما يقرروا
تم النشر السبت، ٢٤ ديسمبر ٢٠٢٢
ازيك يا قمر، أتمنى تكوني بخير بصي لو انتي عايزة تخسي علشان نفسك وصحتك ف طبعا اعملي كده، وهنيجي للموضوع ده وهرشح ليكي حد شاطر جدا في المجال. ولكن لو هنتكلم من ناحية بابا دلوقت، أنا عارفه أن الموضوع مؤذي، ولكن فيه احتمالات كتير ممكن تخليها يقول كده. مثلا ممكن يكون عايزك تخسي مثلا .. ولكن هو بيعمل كده بشكل تقدري تقولي عليه عنيف. ممكن تكون النية أنه عاوزك فعلا احسن، فبيحمسك عن طريق ده. وممكن هو أساسا يكون مضايق اساسا من نفسه ف هو تقدري تقولي برده عايز يقول الكلام ده لنفسه ف بيطلعه فيكي انتي. ف كل الأحوال اقعدي مع بابا .. خاصة لما تكون ديه الحاجه الوحيدة اللي انتي شايفه أنه بعملها بشكل انتي مش عايزاه. أما هي معاملته كالعادة كويسة. اتكلمي معاه قوليلو انت بتقولي ليه كده، ع فكرة أنا بتضايق فعلا، ليه بتقولي كده؟ اقعدي واتناقشي معاه. اما بقى يا قمر أو عايزة تخسي وتشوفي حل علشانك انتي مش علشان حد .. فيه دكتورة ممتازة جدا على اليوتيوب اسمها د. وعد امين https://youtube.com/@DrWaadAminFitnessNutritionist هي بتعرفك طبيعة جسمك بتشتغل ازاي .. غض النظر عن موضوع التخسيس .. حقيقي هي ممتازة كمان هي بتابع اونلاين في مجموعات على ابليكشن اسمه ولينس. https://play.google.com/store/apps/details?id=com.welnes وبيكون معاها كوتش للتدريب ، كوتش بهاء ، وكمان دكتورة نفسية علشان برده أساس الاكل الكثير بيكون وراه تجربة وعلاقة عاطفية بالاكل. اتمنى ليكي التوفيق
تم النشر الأحد، ١٨ ديسمبر ٢٠٢٢
بعد ما شفت الاجابات فهمت من كلامك انجسمك عاجبك ومش متضايقه منه وان ال مخليكي عاوزة تخسي هو كلام والدك وتريقته وكذا حد قال لك كلميه بهدوء وعرفيه انك بتتضايقي بس انت بتقولي ان مفيش حوار بينكم فأنا هعلق على نقطتين بس لو هو عنده عقدة من البنات ومفيش حوار بينكم فمفيش مانع انك تجربي تحاولي مرة واحده بس وشوفي النتيجه جربي ولو لمرة واحده بس انك تتكلمي وتتناقشي معاه في اي موضوع اواي حاجه حتى لو هتسأليه فزورة اوحتى هتقوليله ايه اكتر اكله بتحبها او تلعبوا اكس اوه او تتفرجوا على مقطع فيدييو مضحك اي حاجه تافهه بس تخليه يقرب ويبدأ يتكلم معاك ولازم تعرفي انه اول محاولة غالبا هيكون فيها تريقه وصد ورفض فمتتضايقيش ومتتأثريش ولو نفسك طويل شويه ممكن تحاولي مرتين تلاته تاني الانسان بيجي بالتكرار وهو اب وان شاء الله هيلين ده بالنسبه لنقطة الحوار بالنسبه لانك تخسي عشان كلامه وتريقته لا متخسيش ومتحاوليش لو انت صحيا كويسه ونفسيا راضيه عن شكلك وولكن هتحتاجي جدا تتعلمي ازاي تكبري دماغك من كلامه وتتعاملي مع اي كلمه تسمعيها منه في الموضوغ ده على انها شخص معقد هو ال بيقولها فمش هنهتم بيها ابدا ونعتبر انها متقالتش اصلا مش هقولك دخليها من هنا وطلعيها من هنا لا هقولك متدخليهاش اصلا كان الكلام مش عليك وخلي بالك ان الحاله دي ممكن تتعرضيلها بكرة وبعده في حياتك عموما تلاقي شخص لسانه مؤذي ومفيش مفر من التعامل معاه زي مدير في العمل دكتور في الكليه بعض البنات بتكون ابتلاءها كده في حماتها مثلا فالحل هنا اننا نطنش الكلام تماما وابقى واثقه من نفسي ومن الحاجه ال مريحاني وحاباها كمان احب اقولك انت صح جدا في عدم استعمال ادويه اياك ثم اياك انك تستعملي اي ادوية تخسيس لانها بتضر جدا وبتؤثر على جسمك وهرموناتك اعرف واحده اخدت دوا يساعدها تخس راحت بدل ما تخس راحت تخنت جدا وفضلت كتير بتعاني من الموضوع ده ربنا يعافيك ويبعد عنك السوء وانصحك تدعي كتير ( اللهم ارزقني القوة والشجاعه في تغيير ما يمكن تغييره والصبر على تحمل ما لا يمكن تغييره والحكمة في التفريق بينهما ) وادعي لباباك ( اللهم هذب لسانه واكفني اءاه واصرف عني شره واهده لي واصلح شأنه اللهم اكفنيه بما شئت وكيف شئت انك على ما تشاء قدير ) اتمنى لك حياة سعيده ورضا وراحة بال
تم النشر السبت، ٣١ ديسمبر ٢٠٢٢
من إجابات جروب فدني
تم النشر الاثنين، ٢٦ ديسمبر ٢٠٢٢
الف سلامة عليكى يا قمر من اى احساس وحش . الهرمونات بتأثر فى الحرق فهى ممكن تكون مخليه جسمك نسبة الحرق فيه قليلة وده ممكن تعوضيه بانك تعملى تمارين تزود الحرق فتعادل الى جسمك مش بيعمله بنفس الدرجة. تقدرى تعملى كده بس قبلها تكونى انتى عاوزة ده طبعا اللى حوالينا تأثيرهم قوى بكلامهم بس كل ما كنا مش راضيين عن نفسنا بيكون التأثير اقوى ...فاذا انتى راضيه عن نفسك يبقى مش مهم مين شايفنى ازاى ....ثقتى بنفسى مش هكتسبها منهم قد ما لازم انا من نفسى اكون مقتنعه بيها. بابا طبعا بكل حبه ليكى شايف انه كده بيدفعك تتغيرى للاحسن ...عشان صحتك او شكلك ...فاحنا هنعذره لانه مش عارف ان ده بيأثر بشكل سلبى لانه لو عارف اكيد مش هيقولك كده وهيحاول معاكى بشكل مختلف. مش اى ريجيم هينفع الا لما تعالجى الجرثومه صح
تم النشر السبت، ٢٤ ديسمبر ٢٠٢٢
مساء الخير 🤍🤍 أولا/مفيش حد على وجه الأرض هيكون عايز مصلحتك دون منفعة و بيحبك بدون شروط من كل قلبة إلا والدك و والدتك ربنا يباركلك في عمرهم 🙏🏼🙏🏼 و دة كلة بالفطرة اللى زرعها ربنا سبحانه من فرط حنيتة و حبة لعبادة ... 👈دة يوصلنا لإدراك إن الحدة اللى فى كلام والدك ما هي إلا ترجمة لإسلوبة الشخصى للتعبير عن الحب و الخوف من ناحيتك 👉 ثانياً/ بقترح عليكى تحاولى تغيرى إسلوب نظرتك للمحيط اللى حواليكى بصفة عامة ،، و بصفة خاصة في الموضوع اللى إتكلمتى فية أقصد إنك تبصى على الجزء الإيجابي في الموقف و ليس التركيز على الجانب السلبى،، 👈دة يوصلنا لرؤية الأمور على حقيقتها وليس من الناحية الظاهرية فقط ،، و التركيز على الجانب المضيء حتى و إن كان ضئيل الحجم بالنسبة للظلام الحالك المسيطر على الحدث👉 ربنا يصلحلك الحال ويريح بالك و يفرح قلبك و يديلك سلام داخلي و راحه نفسيه و يكتبلك الخير كله اللهم آمين 🙏🏼💯🤍💯🙏🏼
تم النشر الاثنين، ١٩ ديسمبر ٢٠٢٢
مهمكيش
تم النشر الأحد، ١٨ ديسمبر ٢٠٢٢
ممكن تعملي حل هينفع في الرجيم والجرسومه مع بعض هو سهل بس متبقيش متشدده فيه اوي عشان متزهقيش بس هيعالج حاجات كتير اوي لو استمريتي عليه وهو كالتالي بطلي العيش واستبدليه بشرايح خيار او خس او جرجير شيلي العيدان وتغمسي بالباقي والخس نفس الكلام قللي السكر ولو مش بتقدري الغي الحلويات واكتفي بالمشروبات بدل
تم النشر الأحد، ١٨ ديسمبر ٢٠٢٢
الرابط بيفتح من غير فيس علشان تشوفي لو حد من أصدقاء الجروب على الفيس كتب لك تعليق للمشكلة
تم النشر الأحد، ١٨ ديسمبر ٢٠٢٢
شكرا بس م عندي فيس ♡
تم النشر الأحد، ١٨ ديسمبر ٢٠٢٢
والدك اكيد بيهزر مش قصده كمان لازم تعملى تحاليل للغده الدرقيه يعنى تشوفي دكتور غدد صماء علشان ساعات قله الحرق والوزن بيبقي من الغده الدرقيه
تم النشر السبت، ٣١ ديسمبر ٢٠٢٢
عمر مكان في بنا حوار وعتاب علاقتنا جافه مفيش حنيه ف استحاله اعرف اقول اني بزعل من كذا بخاف منو وبتكسف 20 سنه وعمر مكان في بنا حوار ابدا
تم النشر الثلاثاء، ٢٠ ديسمبر ٢٠٢٢
اتمنى تتكلمي مع والدك بهدوء وتحاولي تفهميه ان كلامه بيضايقك وهو ممكن يتفهم
تم النشر الثلاثاء، ٢٠ ديسمبر ٢٠٢٢
شكرا يجميله لكلامك اللطيف دا انشالله الخطوه الجيه اتابع مع دكتور بإذن الله ♥
تم النشر الثلاثاء، ٢٠ ديسمبر ٢٠٢٢
لعله يتمنالك وضع أفضل لصحتك . لكن كل من يجرح مشاعرك لازم يفهم ده كويس اوي و ترفضي ده بتاتا . مع مراعاة انه والدك ولا يقصد غير الخير . انت جميلة في كل الاحوال و الوزن لا سمت لعلاقة بجمال الشكل . و لكن ده ما يمنعش انك تخل عندك ارادة و تنزلي وزنك و لو تابعتي مع طبيب يكون افضل عشان ده افضل لصحتك قدام و حركتك و خير ليكي . مهما كنتي جميلة دلوقتي
تم النشر الثلاثاء، ٢٠ ديسمبر ٢٠٢٢
لا هو دا طبعو معايا ومع ولدتي كدا هو عنيف وعملي عقد نفسيه كتير بلص انا حبه شكلي ووزني بس هو مكرهني فكل حاجه فيا
تم النشر الثلاثاء، ٢٠ ديسمبر ٢٠٢٢
ممكن يكون والدك بيهزر معاكي مش ف نيته انه يزعلك او يتنمر عليكي حاولي انك تفهميه انك بتدايقي من الكلام دا.. دا غير إن انتي كدا كدا قمر ومتركزيش ف كلام حد عشان لو ركزتي مش هتعرفي تعيشي وتتعاملي مع الناس.. وطبعا انتي لما تقرري انك تخسي يبقي عشان نفسك وصحتك مش عشان حد طبعا♥
تم النشر الاثنين، ١٩ ديسمبر ٢٠٢٢
رحمه وزنك كام وطولك كام
تم النشر الاثنين، ١٩ ديسمبر ٢٠٢٢
علي قد مقدر بعمل كدا وسعات اكلي بيبقي وش رغيف وعينات بس هرموناتي م شغاله اوي ونمو الحرق ضعيف ونا م عوزه اروح لدكتور عشن هيديني ادويه ونا رفضه الفكره ديي
تم النشر الأحد، ١٨ ديسمبر ٢٠٢٢
بدلي الزيت النباتي والسمنه النباتي بالسمنه البلدي وادهني اي حاجه بالسمنه ودخليها الفرن زي البانيه والفراخ والسمك اشويه او في الفرن حياتك هتتغير للأحسن كتير والجرسومه هتتحسن وخلي بالك الجرسومه بتتعبك عشان بتجوعيها يعني بتكون بتعذبيها فاستشيري دكتور في الموضوع اظن كده بتكون بدايه العلاج لما بتتعبي منه
تم النشر الأحد، ١٨ ديسمبر ٢٠٢٢
ممكن برضه تتابعي هنا https://www.facebook.com/groups/fedni.group/posts/846079403333598
تم النشر الأحد، ١٨ ديسمبر ٢٠٢٢
لعرض السؤال في فدني اضغط هنا