ازاى ممكن اهرب من ما يؤذينى وانا ما يؤذينى اساسا انا الي بأذى بكلام لنفسي وجلد الذات الي بيبوظ حجات ياما حاول ارجعها
فى مره كنت سامعه راجل بيقول أن ابتلائات الله فينا انواع فيه الي ربنا بيبتليه بأهلو وفيه الي بيبتلي باصحابو وفى الي ربنا بيبتلاه فى حبيبو وفى ربنا بيبتلاه ف نفسو وفيه ربنا بيبتلاه فى دينو وصحته
وانا بسم الله ماشاءالله عند ابتلاء ف كلهم حرفيا واكتر كمان انا مش عارفه انا عملت ايه لكل ده اكيد ربنا غضبان منى بسبب حاجه انا معرفش ايه هى بس بجد انا تعبت تعبت اوى ومش قادره استحمل كل ده ف الزفت السن الصغير ده انا مش عارفه ارتاح يوم كل يوم مشاكل وقرف انا تعبت
ابتلاء الله للعبد اما لرفعه درجة اوطهيره من السيئات ويجب حسن الظن بالله والصلاة وقراءة القرأن
تم النشر السبت، ١١ نوفمبر ٢٠٢٣
حبيبتي مش كل حاجة تحصلنا وحشة إنها تكون غضب ساعات محبة من الله عادة صلحي نقطة نقطة وحقيقي هتفرق مفيش حد بياكل وينام ويذاكر مرة واحدة ود ة كدة أنتي مشتتة نفسك حاولي مثلا أبدأي بحبيبك، سيبيه أصلًا لأن لو انتي شايفة إن دة غضب جايز بسبب غلط زي دة مثلًا، مثلًا اعرفي إزاي تحبي نفسك وتقدريها، صحابك شوفي مين سلبي ومين إيجابي وأبدأي تصنفيهم، وهكذا في إيدك تغيري نفسك بداية من إنك تحبي نفسك
تم النشر السبت، ١١ نوفمبر ٢٠٢٣
زي م اخواني ف الله اوصوكي وقالولك راجعي حساباتك مع ربنا ومع نفسك وده شئ المفروض كلنا نعمله ف نهاية يومنا واسبوعياً كمان لأن ده بيخليكي تشوفي اي الغلط وتصلحيه والصح اي وتكملي علي هذا النهج كنت سمعت جمله كد ف بودكاست ل داعيه لااتذكر اسمه ألا وهي "جلد الذات هو الشيطان بعينه" ف نحاول نقلل من جلدنا لذاتنا ونهدي ونشوف إنجازاتنا حتي لو صغيره ونحاول نبص لمستقبلنا ونبعد عن اي شئ فارغ يسرق وقتنا وربنا يهديكي ويردك اليه رداً جميلاً
تم النشر السبت، ١١ نوفمبر ٢٠٢٣
هقولك على حاجة لطيفة اوى نبى الله ايوب ...مكنش عنده اسباب لابتلاءاته اللى كانت من كذا جانب وكان اكبرها المرض الابتلاء استمر سنين ...كان مكسوف يقول لربنا اشفينى عشان ميبقاش بيزعل ربنا بالطلب وكأنه معترض على الابتلاء الابتلاء مش لازم يبقى بذنب ...طول مدته مش ضرورى معناه غضب من ربنا انا عاوزاكى تجربى قصاد كل حته فيها ابتلاء تعددى النعم اللى فى نفس الحاجة بالظبط ...انتى بنفسك هتحسى بالتوازن والهدوء شوية رغم الم الابتلاء مثال ...انا عندى اهلى مش بيشجعونى وبيحبطونى ,...بس عندى اهل وبيت ( نعمة مفتقدها الاخرين ) انا بتعب اوى فى مشوارى لانه بعيد ....بس عندى فلوس تودينى المشوار ( نعمه مفتقدها غيرى ونفسه يروح بس مفيش فلوس) على قد ما بتركزى فى اتجاه على قد ما بتتملى مشاعرك من نفس الاتجاه ...جربى وادعيلى
تم النشر الاثنين، ١٣ نوفمبر ٢٠٢٣
الدنيا دار مشقة وكابد دار كلها تعب وهموم مشاكل لحظات الفرح فيها تعد لذلك ربنا سبحانه وتعالى قال إن أعظم اجر الصابرين اصبري ايا كان الأمر لا يبقي شئ علي حال فالله يغير من حال الى حال...🌸
تم النشر السبت، ١١ نوفمبر ٢٠٢٣
ربنا اذا احب عبدآ ابتلاه.. عشان تصبري وتحمدي ربنا حتي لو انتي شايفه انه صعب بس احمديه ديما واصبري علي الابتلاء. لانه بيخلص الذنوب وقربي من ربنا تصدقي... في الصدقه خير كبير بكل انواع
تم النشر السبت، ١١ نوفمبر ٢٠٢٣
ممكن تشغلي نفسك ف حاجة بتحبيها يمكن ترتاحي شوية
تم النشر السبت، ١١ نوفمبر ٢٠٢٣
تاني حاجه الإنسان ضعيف وضعفه فيظهر وقت الابتلاء يواجه واصبري ولو عامله ذنب توبي منه ان الله غفور رحيم وباب التوجه عمره م هيتقفل وبلاش الشيطان يلعب ف افكارك ويقولك ان السكن مستقبله من كل حته وان ربنا غضبان عليكي روحي ل ربنا واطلب منه انه يعدل حياتك وخلي دايما علاقتك ربنا قويه
تم النشر السبت، ١١ نوفمبر ٢٠٢٣
سلام عليكم ورحمة الله وبركاته ربنا مش غضبان عليكِ يا جميلة لازم تعرفي ان اذا احب الله عبدا ابتلاه وطبعا اي ابتلاء يصيبك وتصبري عليه بيكون خطوات من المنزله اللي ربنا سبحانه وتعالى كاتبها ليكي في الجنه قال رسول الله صلى الله عليه وسلم (((ان العبد اذا سبقت له من الله منزله لم يبلغها بعمله ابتلاه الله في جسده او في ماله او في ولدهِ ثم صبر على ذلك حتى يبلغه المنزله التي سبقت له من الله تعالى ابتلاء ربنا مؤقت وليه نهايه ما فيش ابتلاء مستمر مدى الحياه لازم يبقى عندك يقين انهم مؤقت وهيزول ما فيش حاجه ربنا خلقها بتدوم حتى الابتلاء ممكن تطول لكن مش هتدوم يقول النبي صلى الله عليه وسلم واعلم ان الفرج مع الكرب وان النصر مع الصبر وان العسر يسرا))))
تم النشر السبت، ١١ نوفمبر ٢٠٢٣
قربى من ربنا وصلى
تم النشر السبت، ١١ نوفمبر ٢٠٢٣
الصلاه رقم واحد في حياه الانسان واذكار الصباح والمساء الانسان يبتلى من وهو في رحم امه
تم النشر السبت، ١١ نوفمبر ٢٠٢٣
لعرض السؤال في فدني اضغط هنا