كيف يتخذ الإنسان قرارًا لا رجعة فيه إنه يتوقف عن ذنب معين ولا يعود إليه؟

Question

ازاي الإنسان ياخد قرار لا رجعه فيه في أنه يبطل ذنب معين و ميرجعش تاني أبدا ؟!! إزاي الإنسان لما يقرر أنه عاوز يتغير يبدأ خطوات فعلاً نحو التغيير مش يومين تلاته و يرجع نقطة الصفر تاني !! الموضوع متعب جدا و مرهق نفسيا و تكرار أن الواحد ياخد قرار و يرجع فيه بيضعف عنده عضلة الإرادة و بيفقد الأمل في أنه يتغير نهائياً والله بقيت بخاف اخد قرار صح عشان عارف اني هرجع فيه و يومين ولا تلاتة و الاقي نفسي عند نقطة الصفر من تاني ! ايه الحل بجد ؟

Accepted Answer

الحل إن كل بني آدم خطَّاء، وخير الخطَّائين التَّوابون الحل إن لو لم تذنبوا لذهب الله بكم، وجاء بقوم يذنبون فيستغفرون فيغفر لهم أو كما قال صلى الله عليه وسلم وأنا فاهم طبعا إنك عاوز تتغير تبقى وأفضل من كده، لكن مادام إنت بتحاول فأنت على الطريق فلا تلتفت، وبإذن الله عاجلا غير أجل تصل، وحتى لو بقالك كتير فأحنا مطالبين بالسعي وليس النتيجة! وادعي كتير جدا ويسر لك وأعانك

Answer

السلام عليكم ورحمه الله اهلا بك مقدره شعورك اتجاه كل اللي قولته و لكن هنا اتخاذ القرار مختلف عن ارتكاب معصيه، ارتكاب معصيه ربما تكونت لديك إدمان سلوكي لشئ معين محتاج جهد حتي تتخلص منه و تتعرف ازاي تطلع من السلوكيات الخطا دي بإعاده البناء المعرفي لديك. و ارحم نفسك و ساعدها لا يوجد مستحيل، و تذكر أن خير الخطائين التوابيين. الله يرزقك ما ترجوه و يعينك عليه ، تحياتي 🌹

Answer

السلام عليكم هو اتخاذ القرار هو انك تكون فعلا عندك استعداد تعمل جهد قصاد نفسك اكثر من اي حاجه يعني ما تستخسرش الجهد يعني كده تبقى مساله حياه او موت بالنسبه لك هو ده القرار خصوصا لما اكون في حاجه انت عايز توقفها والحاجه دي قوتها بسبب انك بقى لك مده مثلا واقع فيها. دي اهم حاجه في القرار انك تكون عندك استعداد دايما بتعمل مجهود واكبر واقصى مجهود عندك ما تبقاش يعني بتستسلم بسهوله. تاني حاجه مساله عضله الاراده دي بالذات عشان انت قلتها عضله الاراده محتاجه تمرين فانا ممكن امرن عضله الاراده بتاعتي في حاجات ثانيه بسيطه قبل ما ادخل على الحاجه الكبيره زي ما في الجنب كده ما بتروحش تمرن العضله على وزن كبير فجاه متمرنها على اوزان صغيره بتستخدم الدمبل الصغيره كده لحد ما تبدا تدرج الوزن وتقدر تطلع لاوزان كبيره علشان العضله تكون ع ايه ده يعني انقطع عن حاجات في الحياه اه اعمل ده اعمل ده لحد ما تبقى قوتك قصاد الذنب اكبر بكثير من اي حاجه ثانيه لانه ما ينفعش في وقت ما انت لسه ضعيف تقول لا انا هبقى موجود في وسط المحيط ده وهقدر امسك نفسي يعني طبعا هنا احنا بنحترمش قدراتنا البشريه يعني قدراتنا البشريه ما بتقولش كده. اعمل الحاجات دي اكتر بقى من كل دور هي انك تستعين بالله جدا جدا جدا وتدعي ربنا ان هو يكون جنبك ويمنحك القوه اللي تخليك تعدي فتره انك تتغلب على الذنب ده وان شاء الله ربنا يكرمك ويقويك وتعدي منه باذن الله.رفت يعني انها هتشيل اوزان اصلا. فدي بتبقى نقطه مهمه جدا في عضله الاراده تشوف حاجه بسيطه انت بتكسل تعملها او انت بتستسهل وما بتعملهاش وتبدا تحط لنفسك تمرين اراده انك تعمل الحاجه دي كده انت بتقوي عضله الاراضي. طيب. في مساله انك توقف ذنب بقى معين فانت لازم تكمل بقيه الصوره مش بس انت تقرر انك توقفه وتبقى بتقاوم نفسك لا انت لازم توفر بقيه الظروف لان دي مهمه جدا فلو انت في محيط معين او في حاجات معينه بتساعدك وبتفكرك بالذنب وبتقربك من الذنب اكثر ابعد عن الحاجات دي يعني لو شلت صحابك بيساعدوك على ده ابدا الفتره اللي انت عايز يعني تعود نفسك انك توقف الذنب تماما وتبقى اقوى لازم تحتاج انك تقلل قاعده مع صحابك دول لو في مكان معين دائما بيفكرك بالذنب بطل تروح المكان ده.

كيف يتخذ الإنسان قرارًا لا رجعة فيه إنه يتوقف عن ذنب معين ولا يعود إليه؟

نفسية

سؤال من احد أعضاء فدني

تم النشر الأربعاء، ٣ يوليو ٢٠٢٤

5 إجابة

4 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك