ازاي ابطل تفكير انا شخص دماغي شغاله تفكير ٢٤ ساعه بفكر ف كل حاجه سواء مهمه او لا و مبعرفش اكون شخص لا مبالي الي هو ماشي ف الدنيا كدا و خلاص يعني مثلا ف فترة الامتحانات الي انا فيها دلوقتي مبعرفش اذاكر و خلاص لا لازم افضل افكر ف الامتحان و هيجي سهل ولا صعب طب هو انا ممكن اشيل الماده رغم اني مذاكر كويس و بعد الامتحان دماغي مبتبطلش تفكير في الامتحان و دايما توهمني ان انا هشيل الماده او هنقص جامد و التفكير ده بيخليني مضغوط جدا و حاسس ان انا تقيل و مبرتحش غير لما النتيجه تطلع و اتاكد اني ناجح رغم اني طول السنه ببقي شخص هادي جدا و بذاكر بهدوء من غير توتر و ببقي عارف انها كلها ارزاق و ربنا مبيضيعش تعب حد مش عارف اعمل ايه بجد
عشان تخلص من التفكير ده ....توقع اسوأ سيناريو للاحداث وحطله خطة بعده هتعمل ايه او هتتصرف ازاى لو الحدث الوحش اوى ده حصل. لما هتحس انك مستعد لاسوا الاحداث مخك هيبطل يفكر لانه خلاص بقي مستعد .
تم النشر الأربعاء، ٧ يونيو ٢٠٢٣
هو اكيد ده بيبقي حاجه فيك بس انت تقدر تعمل اي حاجه حاول تدي لنفسك فتره راحه وتكون relax وتدي لنفسك ثقه وتقول لا انا كنت مذاكر كويس وعامل الي عليا واكتر فربنا هيكافئني ولو مفيش تطور او معرفتش تعمل ده وان شاء الله لا تروح لدكتور نفسي لان الموضوع لا قدر الله ممكن يتطور بالسلب وتطوره خطر عليك وان شاء الله بتفوق دائم
تم النشر الأربعاء، ٧ يونيو ٢٠٢٣
حبيب قلبي اعمل اللي عليك و ذاكر كويس واجتهد في كدا وربنا مش هيضيع تعبك وهيراضيك في الاخر و اهم من كل ده لازم تكون قريب من ربنا ومش في فتره الامتحانات بس في كل حياتك (إن الله لايضيع اجرا من احسن عملاه)
تم النشر الأربعاء، ٧ يونيو ٢٠٢٣
اتوكل على ربنا سلمله امورك وحدد اولوياتك ونوع الافكار لو فكره هتغير حاجه ف حياتى وقابله للتطبيق يبقي تمام لكن لو حاجه مفيش منها فائدة او ملهاش حلول او مش ممكن تتعدل يبقي سلم دربنا
تم النشر الأربعاء، ٧ يونيو ٢٠٢٣
حاول تشغل نفسك بأي حاجه بتحب تعملها وكل كا تلاقي الافكار دي بتيجي في دماغك رد عليها بالمنطق وقول خلاص الامتحان خلص فوضت امري الى الله ودور على حاجه اعملها عشان عقلك يلاقي حاجه غير الافكار السلبية دي يركز عليها انت اوقات الامتحانات مش بتكون كده لانك بتكون مشغول وعندك مليون حاجه تفكر فيها
تم النشر الثلاثاء، ٦ يونيو ٢٠٢٣
حاول تهدم الفكرة عن طريق افكارك الايجابية والمضادة لافكارك السلبية .. يعني مثلا ياترى الامتحان هيجي سهل وصعب؟ الاجابة معرفش ومش مهم ديه حاجه مش بايدي .. اتناقش مع نفسك في الافكار ديه .. ياترى هشيل ولا لا .. ديه حاجه برضه معرفهاش انا هعمل اللي عليا واي حاجه تاني برضه مش بايدي وهسيبها على ربنا ... انا هعمل كل اللي عليا والباقي ده مش بتاعي. ياريت لما تيجي اي فكرة من دول او عموما .. تكتبها وتكتب اجابتها المنطقية اللي هترد عليها. الموضوع ممكن ياخد منك وقت بس اكيد محتاج تعود نفسك ع كده كتير لكن افضل قررده كتير ولازم تكون عارف انه هيجيب نتيجه متيأسش. هترك لك ايضا اسئلة مرتبطة بسؤالك.. ف الاسفل اتمنى الاجابات تكون مفيدة ليك لو تقدر كمان تمارس رياضة، او تحاول انك تعمل تمارين التنفس هتساعدك جدا على مدار اليوم.
تم النشر الثلاثاء، ٦ يونيو ٢٠٢٣
انت وصديق الغرفة يعني كأنك معك صديق ل24 ساعة يعني تكلم معاه ناقشه كما تناقش شخص عزيز عليك قلم وورقة سؤال منك وجواب منه
تم النشر الأربعاء، ١٤ يونيو ٢٠٢٣
خليك ايجابي و نفذ افكارك ..اللي عندهم الداء دة يا اما بيبقوا ناجحين و متفوقين لو ايجابيين.. يا اما التفكير الكتير بيدمرهم
تم النشر الخميس، ٨ يونيو ٢٠٢٣
معلش نسيت علشان الفكره تنجح لازم تصدق أنها هتنجح و إلا هتكون بتكتب و خلاص .
تم النشر الثلاثاء، ٦ يونيو ٢٠٢٣
خد معاك note book فى جيبك وقت ما تلاقي نفسك فكره مش حلوه أو إحساس مش حلو أو أى كان المشكلة أقف على جنب أو وقف مذاكرة أو أى كان اللي كنت بتعملوا دقيقة اكتب اللي شاغل دماغك أو مدايقك و بس هتلاقي أنك ولا كأنك كنت بتفكر فيها أصلا
تم النشر الثلاثاء، ٦ يونيو ٢٠٢٣
لعرض السؤال في فدني اضغط هنا