انا عندي عشرين سنة بقالي 4 سنين بحب اقعد لوحدي دائماً ومبحبش الاختلاط بالمجتمع ودة دفعني اني اشرب مخدر الح**ش
مع العلم اني عايش لوحدي في شقتي من حوالي ٦ سنين بس الحمدلله عندي اهل في البيت بس بحب اقعد لوحدي دائماً وكنت في يوم من الايام شخص ناجح في حياتة العملية والدراسية وكانت كل الناس القريبة مني بيفتخروا بيا بس انا ضعفت من ضغط الشغل والدراسة وبقيت اكرة اني اروح الجامعه بسبب اني مبقتش احب الزحمة وبقيت فاشل عاطفياً ودراسيا وعمليآ ومش عارف اعمل ايه ؟
العزلة طبعا بتسبب انك تبقى مش حابب تروح اي مكان وخاصةً لو فيه ناس كتير ... اول خطوة محتاج تعملها هي انك تبطل شرب. وبعد كده تفهم وتعرف ان عادي ان كل الناس تضعف .. عادي انك تغلط. اللي مش عادي انك تكمل لما تعرف انك غلطان. انت 20 سنة .. يعني لسه بتبدأ حياتك .. متجلدش نفسك على اللي فات وابدأ تاني. مفيش حاجة فاتت ... بايدك تبدأ من جديد ... لو مش عارف تبطل لوحدك الافضل الانضمام لمركز علاج طبعا. وتبتدي تدخل في حياتك انشطة انت حابب تمارسها. ممكن مثلا تبتدي بالرياضة .. تنزل تروح الجيم .. لو مش عايز انول كل يوم الصبح اجري ساعة او حتى نص ساعة. لو حابب انك تلعب لعبة قتالية تفرغ فيها طاقتك يبقى احسن كتير. انزل كمان تطوع في مكان ... حس بمساعدة الناس .. ده هيديك طاقة كبيرة انك تساعد كمان نفسك وكمان هيزيد من مشاركتك الاجتماعية مع الناس. متقعدش لوحدك كتيير .. اول لما تلاقي نفسك ودماغك تقولك شرب .. اعمل اي حاجة متسبش نفسك لدماغك اتصل بواحد صاحبك قوله تعالى نخرج ( صاحب من اللي مش بيشربوا) أو روح اقعد مع اهلك .. انزل روح الجيم .. اعمل اي حاجة المهم متسبش نفسك لدماغك. كل ده هيبقى صعب اكيد في الاول .. لكن اظن ان سؤالك ده ووجودك هنا ده اكبر دليل على التغيير اتمنى ليك السلامة
تم النشر الثلاثاء، ٣ يناير ٢٠٢٣
اشكرك جدا يا أستاذ محمد الحمد لله ربنا كرمني وبطلت
تم النشر الثلاثاء، ٤ أبريل ٢٠٢٣
العزلة مش السبب انك شربت، العزلة جت لأسباب زي الإحباط او هي اللي وصلتك للإحباط.. ولذلك مش هقولك متنعزلش بس هقولك اخرج اقعد في مكان حلو انت تحبه. اما بالنسبة للحشيش فهو محرم وده انت عارفه، إلا ان تركه سهل لأنه مش إدمان فانت محتاج تقرر وترميه ومتجيبش تاني .. بس لو استمريت في الحشيش هيحصل حاجة من الاتنين اما هتكمل في الحشيش وتمرض وده اخفهم، واما هزود وتجرب حاجات تانية وتموت نفسك. سيب الحشيش وغير نفسك قبل ما تندم انت عمرك غالي واهلك متحرقش قلبهم عليك.
تم النشر الأربعاء، ٤ يناير ٢٠٢٣
لعرض السؤال في فدني اضغط هنا