انا بنت عندي 16 سنة انا من يوم م اتولدت بشوف ابي يضرب امي ولا يصرف علينا و يضربنا لا يحبنا لا يهتم بنا يجعل امي تجيب كل أمور البيت و حتي طلاباته انا اكره انا لا أقدر ان اتعامل معاه كويس احاول كذا مره لكن هو يعاملنا بعنف و بيخون امي كيف الله فرض عليا اعامل ابي كويس انا بكره و مش عارفه اتعامل معاه كويس هل ربنا كدا غضبان عليا و ازاي اتصرف
أولاً، أنا متأسفة جداً لسماعك القصص اللي بتعيشيها، وأتفهم تماماً الألم اللي ممكن تكوني بتحسي بيه. العلاقة مع الأهل، وخصوصاً في ظروف زي دي، بتكون صعبة جداً. بصي، من الناحية الدينية، الحب والكراهية بيكونوا مشاعر بتيجي طبيعي علينا، وربنا بيعرف كده. المهم في الموضوع إن عملك بتصرفاتك وتحاول ديما تعملي الحاجة الصح، حتى لو مشاعرك بتقول حاجة تانية. الدين بيطلب مننا نحترم والدينا، لكن ده مش معناه نتحمل الظلم أو الأذى. لو بتتعرضين لعنف جسدي أو نفسي، ده مش مقبول إطلاقاً. لازم تدوري على شخص ثقة تقدري تحكي له عن المشاكل دي، سواء كان ٱرايب، أو حد من الأصدقاء، أو حتى مدرسة. الخطوات اللي ممكن تعمليها: اتكلمي مع أمك: جربي تتكلمي مع أمك بصراحة وحاولي تلاقوا حل سوا. دوري على دعم: استشيري أخصائي نفسي أو مدرب حياة ممكن يساعدك. سلامتك أولاً: لو كان في عنف، مهم جداً تكوني في مكان آمن. ربنا أكيد عارف حجم الألم اللي بتحسي بيه. وبخصوص الدين، ربنا بيعرف مشاعرك وأكيد مش هيحاسبك على حاجة برة إرادتك. المهم إنك بتعملي صح بتحاولي تكوني إيجابية قد ما تقدري.
تم النشر الجمعة، ١٤ يونيو ٢٠٢٤
انا عارفه اد ايه ده بيكون وضع صعب التعايش معاه خصوصا وانتى الحمدلله واعيه ان ده مش الصح ده ابتلاء ومش غضب من ربنا ولا حاجة ربنا بحكمته بيقول الاوامر اللى احنا مطالبين بيها لانه اتباعها اولا دليل التسليم الصحيح لربنا انك تجاهدى نفسك فى انك تتعاملى مع ابوكى رغم افعاله ده يرفعك درجات ان شاء الله دايما بس فكرى نفسك ان ده مش الصح بين الازواج عشان تعرفى تختارى زوج صح باذن الله
تم النشر السبت، ١٥ يونيو ٢٠٢٤
هوني علي نفسك انا بمر باللي بتمري بيه وحاسه بيكي عاوزة اقولك الدنيا مبتفضلش علي حالها كل حاجه بتتغير عاملي ربنا ف باباكي ع قد ما تقدري متصغطيش علي نفسك حبي نفسك اوي وقربي من اخواتك صاحبيهم هونوا علي بعض بكرا ربنا يعوضك ويجبرك وتتجوزي حد حنين ينسيكي كل ده وادعي ربنا يهدي باباكي وحاولي تعملي حاجه تشغلي وقتك بيها عشان متفكريش ف الموضوع
تم النشر الجمعة، ١٤ يونيو ٢٠٢٤
لعرض السؤال في فدني اضغط هنا