انا مخطوبه من سنه ونص انا بنت مقفول عليها من وهيا صغيرة تعاملي معا الناس علي القد اوي خطيبي يبقا ابن خالتي انا بحبه من ٦سنين بس محدش يعرف ولا هو كنت بدعي انو يتقدملي وبالفعل حصل وجه اتقدم وبما انا مش بعرف اتعامل معا حد كان هو الي بيوجهني اعمل ايه فمرة علي مرة في بين الخطوبه وقراءة الفاتحة شهرين وفيهم كاب بيقعد يقولي نفسي اخد بوسه من خدك مره من شفايفك والموضوع اطور لحد لمه شاف جسمي كله وبقينا نتعامل اكننا متجوزين بس انا بنت انا مكنت اعرف حاجه علي الحاجات دي بس هو عرفهاني وربنا حظرني كذا مرة بس انا كنتش فاهمه لحد ما ربنا زرع الشك في بابا علي انو خطيبي باسني وفعلا ده حصل بس احنا قولنا لاء وبابا اقتنع بصعوبه لانو ماشفش حاجه بس واحنا اتوعدنا انو خلاص ده انظار وخلاص بس رجعنا تاني بس انا مش عايزة وحولت كذه مرة انو لاء بس هو معاند بيقولي خلينا نهدي الموضوع لحد ما تنجوز هو من محافظه وانا من محافظه بنشوف بعض كل شهر فبنعمل الحوار ده في الفون بالكلام يعني بس انا عرفت انو زنه وربنا جابلي اشارات قبل كده انو حرام وان اي علاقه فيها حاجات لا ترضي الله بتنتهي بما لا يرضيك وانا بحبة ومقدرش اعيش من غيرة ده عيبيو الواحيد هو شغال في شركه وعندنا بنات كتير الفيس والموبايل بس هو محترم بس انا بغير بحس اني مش واثقه في حبه ليا وان انا بنت مش كويسه مش بعرف ابص في عين ابويا بسبب الحوار ده ثقتي في نفسي قلت وانا قولتو الكلام ده ميت مرة بس هو بيقولي انا بحبك ومقدرش اعيش من غيرك بس احنا اتعودنا اننا نعمل كده معا بعض فخلينا نهدي شويه من نمنع مرة واحدة وانا عايزه مرة واحدة علشان حرام عايزها يشجعني علي كده .. اعمل ايه؟؟
طبعا كل العبث اللي عملتيه مع خطيبك حرام قولا واحدا وأنت أخطأت أنك سمحت له يعمل كل الكلام دة والموضوع الآن بيدك أنك تقطعي كل اتصال بينك وبينه إلا بحضور الأهل ولا تسمحي له أبدا بالخلوة بك مرة أخرى مهما كانت الظروف - فإن استمر وضغط عليكي بالاستمرار في هذه الأشياء المحرمة فعليك أن تفسخي هذه الخطوبة لأن علاقتك بربك وطهارة قلبك فوق كل شيء .. أنت الآن ما زلت آنسة واحمدي الله على ذلك وإذا تماديت مع هذا الشاب في طلباته منك ربما تفقدين هذه الصفة في سكرة الحب وستكون مشكلة كبيرة جدا لك في دينك ودنياك
تم النشر الأحد، ١٠ سبتمبر ٢٠٢٣
اللي بيحبك يا حبيبتي هيحافظ عليكي من نفسه مش معني أنك بتحبيه أن كل حاجه مباحه خليكي غاليه في نظر نفسك وغضب ربنا غالي عندك وزعل والدك غالي عندك وهو لو مش عاجبه يبقي مش بيحبك اقفلي كل ده واستغفري ربنا واحمدي ربنا على نعمه ستر الذنب ربنا يسترك دنيا وآخره يارب رضا ربنا أهم من زعله و من حبك له وربنا يهدينا ويهديكم يارب
تم النشر الأحد، ١٠ سبتمبر ٢٠٢٣
اللى يشترى رضا ربنا ...ربنا بيراضيه اوى اوى هو اللى انتى بتقولى عليه ده بالظبط ....اقطع مره واحده وخليه يطلب من اهلك انكم تكتبوا الكتاب افضل ....تحصنا من هذة الفتنه وبصراحه ومن الاخر يا بنتى ....لو انتى صممتى على الصح وبناءا عليه سيبتوا بعض والله ما انتى بخاسرة .....اللى يكسب الاخرة هو الكسبان . محدش عارف نهاية عمره هتبقى امتى وبلاش نتخدع ونفتكر اننا هنلحق نتوب وبتاع لان ممكن الاجل يجى فى مره واحنا ع التليفون كده ...ساعتها ولا حد فيكم هينفع التانى ولا الحب وصعوبة تقبل الفراق ده هيبقى ليه معنى خاالص.
تم النشر الاثنين، ١١ سبتمبر ٢٠٢٣
اللي بيحب حد بيخاف ربنا فيه وعليه مستحيل العلاقه دي تستمر بالشكل ده انسي اللي فات وربنا غفور رحيم ولكن الاهم انك تفهميه بقرار صميم لا رجعة فيه انه لو فتح الموضوع ده تاني يبقي ده حب دنس حب جسداني شهواني حب لجسدك مش ليكي هيفقدك قيمتك كل شوية لحد ما ييجي الوقت مش هتلاقي نفسك وتكوني خسرتيها اذا استمريتوا بكدة الحب الصح اللي يرضي ربنا انه يحافظ عليكي حتي اتمام الزواج لان اي وقت بعد ما يشبع وياخد اللي في دماغه هيرميكي ويروح لغيرك اصلا وتاكدي جدا من كدة ..لكن صلي كتير ان ربنا يسامحكم ويغيركم وربنا يفرحكم ويتمم ع خير بحب ربنا فيه بركة ونعمة ليس حب دنس تمتلكه الشهوة .
تم النشر الأحد، ١٠ سبتمبر ٢٠٢٣
هل تعتقدي ان فيه شخص يكون فعلا بيحبك بجد .. هيعمل كده اصلا؟ لو بيحبك هيحافظ عليكي من نفسه حتى مش من الناس بس! ف كل اللي بيحصل طبعا حرام، واعتقد ان ربنا عندك اهم من كل الناس ولا ايه؟ مش مطلوب انه يشجعك ولا يعمل اي حاجه، الموضوع كله ف ايدك انتي مش ف ايده هو ؟ هو مطلوب منه ايه؟ هو حتى مش حاطط ف حسبانه ان فيه ربنا شايفكم! يبقى هتنتظري من واحد زي ده ايه بالظبط؟ المفروض انتي اللي تاخدي موقف وتبطلي ده نهائي معاه. ولو قعد حتى يتحايل عليكي متوافقيش، بل ان ممكن توصل معاه انه يقولك انتي كده مش بتحبيني وديه العايب نفسية هيستخدمها علشان يلوي دراعك او يستعطفك علشان ترجعي تعملي نفس الحاجات معاه، بل انه ممكن يقولك لو مش هتعملي كذا يبقى انا مش هكمل. وده لو حصل يأكدلك انه ولا شاريكي ولا بيحبك ولا اي حاجه. وياريت وقتها تفسخي خطوبتك منه .. واحمدي ربنا انك لسه بنت .. لحد دلوقت، لان اكيد فيه عواقب تانيه لو كملتي.
تم النشر الأحد، ١٠ سبتمبر ٢٠٢٣
اكيد طبعا مكنش ينفع تتكلمو ف المواضيع دى و حتا لمس الايد حرام طبعا و ده مكنش لازم يحصل
تم النشر الأحد، ١٠ سبتمبر ٢٠٢٣
انا بقولها عشان أعظك
تم النشر الأحد، ١٠ سبتمبر ٢٠٢٣
الحمدلله الذي عافانا مما ابتلاك به وفضلني علي كثير مما خلق تفضيلا
تم النشر الأحد، ١٠ سبتمبر ٢٠٢٣
بصي ماتكلميش معاه في الموبايل احظريه ولو هو مش صالح ومااستجابش للنصيحة قولي له أن انت عاوزة عريس صالح وهو مش مناسب معاك وسيبيه ايوا انت بتحبيه بس انت بتحبي ربنا اكتر وبتتكسفي من ربنا اكتر مابتتكسفي من والدك او أي حد
تم النشر الأحد، ١٠ سبتمبر ٢٠٢٣
لعرض السؤال في فدني اضغط هنا